Suratul Najm da fassarar Hausa

Suratul Najm cikakkiya: Larabci, fassarar Hausa da rubutun boko

1. 53:1

   وَٱلنَّجْمِ إِذَا هَوَىٰ۝١

   Waalnnajmi itha hawa

   Inã rantsuwa da taurãron, a lõkacin da ya faku.

2. 53:2

   مَا ضَلَّ صَاحِبُكُمْ وَمَا غَوَىٰ۝٢

   Ma dalla sahibukum wama ghawa

   Ma'abũcinku bai ɓata ba, kuma bai ƙẽtare haddi ba.

3. 53:3

   وَمَا يَنطِقُ عَنِ ٱلْهَوَىٰٓ۝٣

   Wama yantiqu ʿani alhawa

   Kuma bã ya yin magana daga son zuciyarsa.

4. 53:4

   إِنْ هُوَ إِلَّا وَحْىٌ يُوحَىٰ۝٤

   In huwa illa wahyun yooha

   (Maganarsa) ba ta zamo ba, fãce wahayi ne da ake aikõwa.

5. 53:5

   عَلَّمَهُۥ شَدِيدُ ٱلْقُوَىٰ۝٥

   ʿAllamahu shadeedu alquwa

   (Malã'ika) mai tsananin ƙarfi¹ya sanar da shi.

   Bayanai

   [1] Wahayin da ke zuwa ga Annabi bãbu ɓata a cikinsa dõmin Jibrilu mai kãwo shi ga Annabi, Malã'ika ne mai ƙarfi ƙwarai, wani Shaiɗãni bã ya iya taron sa dõmin ya musanya wahayin, kuma Annabi ya san shi sõsai, kuma idan ya kãwo wahayin, sai ya sauko kusa ƙwarai da Annabi, sa'an nan shi kuma Annabi ba rikitacce ba ne, yanã cikin hankalinsa.
6. 53:6

   ذُو مِرَّةٍ فَٱسْتَوَىٰ۝٦

   Thoo mirratin faistawa

   Ma'abũcin ƙarfi da kwarjini, sa'an nan ya daidaita.

7. 53:7

   وَهُوَ بِٱلْأُفُقِ ٱلْأَعْلَىٰ۝٧

   Wahuwa bialofuqi alaʿla

   Alhãli kuwa yanã a sararin samã mafi daukaka.

8. 53:8

   ثُمَّ دَنَا فَتَدَلَّىٰ۝٨

   Thumma dana fatadalla

   Sa'an nan ya kusanta, kuma ya matsa zurõwa.

9. 53:9

   فَكَانَ قَابَ قَوْسَيْنِ أَوْ أَدْنَىٰ۝٩

   Fakana qaba qawsayni aw adna

   Har ya kasance gwargwadon zirã'i biyu, kõ kuma abin da ya fi kusa.

10. 53:10

    فَأَوْحَىٰٓ إِلَىٰ عَبْدِهِۦ مَآ أَوْحَىٰ۝١٠

    Faawha ila ʿabdihi ma awha

    Sa'an nan ya yi wahayi zuwa ga bãwan Allah (Muhammadu) da abin da ya faɗa (masa).

11. 53:11

    مَا كَذَبَ ٱلْفُؤَادُ مَا رَأَىٰٓ۝١١

    Ma kathaba alfuadu ma raa

    Zũciyar (Annabi) bata ƙaryata abin da ya gani ba.

12. 53:12

    أَفَتُمَـٰرُونَهُۥ عَلَىٰ مَا يَرَىٰ۝١٢

    Afatumaroonahu ʿala ma yara

    Shin, zã ku yi masa musu a kan abin da yake gani?

13. 53:13

    وَلَقَدْ رَءَاهُ نَزْلَةً أُخْرَىٰ۝١٣

    Walaqad raahu nazlatan okhra

    Kuma lalle ya gan shi, haƙĩƙatan, a wani lõkacin saukarsa.¹

    Bayanai

    [1] Lamirin Malã'ika Jibrila ne.
14. 53:14

    عِندَ سِدْرَةِ ٱلْمُنتَهَىٰ۝١٤

    ʿInda sidrati almuntaha

    A wurin da magaryar tuƙẽwa take.

15. 53:15

    عِندَهَا جَنَّةُ ٱلْمَأْوَىٰٓ۝١٥

    ʿIndaha jannatu almawa

    A inda taken, nan Aljannar makoma take.

16. 53:16

    إِذْ يَغْشَى ٱلسِّدْرَةَ مَا يَغْشَىٰ۝١٦

    Ith yaghsha alssidrata ma yaghsha

    Lõkacin da abin da yake rufe magaryar tuƙẽwa ya rufe ta.

17. 53:17

    مَا زَاغَ ٱلْبَصَرُ وَمَا طَغَىٰ۝١٧

    Ma zagha albasaru wama tagha

    Ganinsa¹ bai karkata ba, kuma bai ƙetare haddi ba.

    Bayanai

    [1] Lamirin Malã'ika Jibrila ne.
18. 53:18

    لَقَدْ رَأَىٰ مِنْ ءَايَـٰتِ رَبِّهِ ٱلْكُبْرَىٰٓ۝١٨

    Laqad raa min ayati rabbihi alkubra

    Lalle, tabbas, (Annabinku) ya ga waɗanda suka fi girma¹ daga ãyõyin Ubangijinsa.

    Bayanai

    [1] Watau dai Alƙur'ani ya zo daga Allah ta hanya mafi aminci har ya sadu da mutãne dõmin su yi aiki da abin da ke cikinsa.
19. 53:19

    أَفَرَءَيْتُمُ ٱللَّـٰتَ وَٱلْعُزَّىٰ۝١٩

    Afaraaytumu allata waalʿuzza

    Shin, kun ga Lãta da uzza?¹

    Bayanai

    [1] Watau kun bar Alƙur'ani kun kõma wa surkullen da kuke haɗãwa game da gumãka su Lãta da Uzza da Manãta. Kuna cewa sũ wakĩlan Mala'ikun da kuke bautã wa ne kuma su 'ya'yan Allah mãtã ne. Sunã cetonku daga Allah.
20. 53:20

    وَمَنَوٰةَ ٱلثَّالِثَةَ ٱلْأُخْرَىٰٓ۝٢٠

    Wamanata alththalithata alokhra

    Da (wani gunki wai shi) Manãta, na ukunsu?

21. 53:21

    أَلَكُمُ ٱلذَّكَرُ وَلَهُ ٱلْأُنثَىٰ۝٢١

    Alakumu alththakaru walahu alontha

    Ashe, kũ ne da ɗa namiji Shĩ (Allah) kuma da ɗiya mace?

22. 53:22

    تِلْكَ إِذًا قِسْمَةٌ ضِيزَىٰٓ۝٢٢

    Tilka ithan qismatun deeza

    Wannan fa ya zama rabo naƙasasshe.

23. 53:23

    إِنْ هِىَ إِلَّآ أَسْمَآءٌ سَمَّيْتُمُوهَآ أَنتُمْ وَءَابَآؤُكُم مَّآ أَنزَلَ ٱللَّهُ بِهَا مِن سُلْطَـٰنٍ ۚ إِن يَتَّبِعُونَ إِلَّا ٱلظَّنَّ وَمَا تَهْوَى ٱلْأَنفُسُ ۖ وَلَقَدْ جَآءَهُم مِّن رَّبِّهِمُ ٱلْهُدَىٰٓ۝٢٣

    In hiya illa asmaon sammaytumooha antum waabaokum ma anzala Allahu biha min sultanin in yattabiʿoona illa alththanna wama tahwa alanfusu walaqad jaahum min rabbihimu alhuda

    Waɗannan bã kõme ba ne fãce sũnãye, waɗanda kuka ambace su da su, kũ da uwãyenku. Allah bai saukar da wani dalĩli game da su ba. (Kãfirai) bã su biyar kõme fãce zato da abin da rãyukansu ke so, Alhãli kuwa shiriyar¹ ta daga wajen Ubangijinsu, ta jẽ musu (sai suka bar ta suka kõma wa zaton).

    Bayanai

    [1] Watau Alƙur'ani wanda Mala'ika jibrĩla ya zo wa Annabi da shi. Sun bar shi sun kõma wa tatsũniyõyi da gũrace-gũrace.
24. 53:24

    أَمْ لِلْإِنسَـٰنِ مَا تَمَنَّىٰ۝٢٤

    Am lilinsani ma tamanna

    Ko (an fai cẽwa) mutum zai sãmi abin da yake gũri?

25. 53:25

    فَلِلَّهِ ٱلْـَٔاخِرَةُ وَٱلْأُولَىٰ۝٢٥

    Falillahi alakhiratu waaloola

    To, Lãhira da dũniya na Allah kawai ne (wanda ya nẽme su daga wani, yã yi kuskure).

26. 53:26

    ۞ وَكَم مِّن مَّلَكٍ فِى ٱلسَّمَـٰوَٰتِ لَا تُغْنِى شَفَـٰعَتُهُمْ شَيْـًٔا إِلَّا مِنۢ بَعْدِ أَن يَأْذَنَ ٱللَّهُ لِمَن يَشَآءُ وَيَرْضَىٰٓ۝٢٦

    Wakam min malakin fee alssamawati la tughnee shafaʿatuhum shayan illa min baʿdi an yathana Allahu liman yashao wayarda

    Akwai malã'iku da yawa a cikin sammai cẽtonsu bã ya wadãtar da kõme fãce bãyan Allah Yã yi izni (da shi) ga wanda Yake so, kuma Yake yarda.

27. 53:27

    إِنَّ ٱلَّذِينَ لَا يُؤْمِنُونَ بِٱلْـَٔاخِرَةِ لَيُسَمُّونَ ٱلْمَلَـٰٓئِكَةَ تَسْمِيَةَ ٱلْأُنثَىٰ۝٢٧

    Inna allatheena la yuminoona bialakhirati layusammoona almalaikata tasmiyata alontha

    Lalle waɗannan da bã su yin ĩmãni da Lãhira, haƙĩƙa sunã kiran malã'iku da sũnan mace.

28. 53:28

    وَمَا لَهُم بِهِۦ مِنْ عِلْمٍ ۖ إِن يَتَّبِعُونَ إِلَّا ٱلظَّنَّ ۖ وَإِنَّ ٱلظَّنَّ لَا يُغْنِى مِنَ ٱلْحَقِّ شَيْـًٔا۝٢٨

    Wama lahum bihi min ʿilmin in yattabiʿoona illa alththanna wainna alththanna la yughnee mina alhaqqi shayan

    Kuma bã su da wani ilmi game da shi, bã su bin kõme fãce zato alhãli kuwa lalle zato bã ya amfãnar da kõme daga gaskiya.

29. 53:29

    فَأَعْرِضْ عَن مَّن تَوَلَّىٰ عَن ذِكْرِنَا وَلَمْ يُرِدْ إِلَّا ٱلْحَيَوٰةَ ٱلدُّنْيَا۝٢٩

    Faaʿrid ʿan man tawalla ʿan thikrina walam yurid illa alhayata alddunya

    Sabõda haka sai ka kau da kai daga wanda ya jũya bãya daga ambaton Mu kuma bai yi nufin kõme ba fãce rãyuwar kusa (dũniya).

30. 53:30

    ذَٰلِكَ مَبْلَغُهُم مِّنَ ٱلْعِلْمِ ۚ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِۦ وَهُوَ أَعْلَمُ بِمَنِ ٱهْتَدَىٰ۝٣٠

    Thalika mablaghuhum mina alʿilmi inna rabbaka huwa aʿlamu biman dalla ʿan sabeelihi wahuwa aʿlamu bimani ihtada

    Wannan ita ce iyãkar abin da suke iya kai gare shi na ilmi. lalle Ubangijinka Shĩ ne Mafi sanin wanda ya ɓace daga hanyar Sa, kuma Shi ne Mafi sani ga wanda ya nẽmi shiriya.

31. 53:31

    وَلِلَّهِ مَا فِى ٱلسَّمَـٰوَٰتِ وَمَا فِى ٱلْأَرْضِ لِيَجْزِىَ ٱلَّذِينَ أَسَـٰٓـُٔوا۟ بِمَا عَمِلُوا۟ وَيَجْزِىَ ٱلَّذِينَ أَحْسَنُوا۟ بِٱلْحُسْنَى۝٣١

    Walillahi ma fee alssamawati wama fee alardi liyajziya allatheena asaoo bima ʿamiloo wayajziya allatheena ahsanoo bialhusna

    Kuma abin da ke cikin sammai da abin da yake a cikin ƙasã na Allah kawai ne, dõmin Yã sãka wa waɗanda suka mũnana da abin da suka aikata, kuma Ya sãka wa waɗanda suki kyautata da sakamakon da ya fi kyau.

32. 53:32

    ٱلَّذِينَ يَجْتَنِبُونَ كَبَـٰٓئِرَ ٱلْإِثْمِ وَٱلْفَوَٰحِشَ إِلَّا ٱللَّمَمَ ۚ إِنَّ رَبَّكَ وَٰسِعُ ٱلْمَغْفِرَةِ ۚ هُوَ أَعْلَمُ بِكُمْ إِذْ أَنشَأَكُم مِّنَ ٱلْأَرْضِ وَإِذْ أَنتُمْ أَجِنَّةٌ فِى بُطُونِ أُمَّهَـٰتِكُمْ ۖ فَلَا تُزَكُّوٓا۟ أَنفُسَكُمْ ۖ هُوَ أَعْلَمُ بِمَنِ ٱتَّقَىٰٓ۝٣٢

    Allatheena yajtaniboona kabaira alithmi waalfawahisha illa allamama inna rabbaka wasiʿu almaghfirati huwa aʿlamu bikum ith anshaakum mina alardi waith antum ajinnatun fee butooni ommahatikum fala tuzakkoo anfusakum huwa aʿlamu bimani ittaqa

    Waɗanda ke nĩsantar manyan zunubai da abũbuwan alfãsha, fãce ƙanãnan laifuffuka, lalle Ubangijinka Mai yalwatattar gãfara ne, Shĩ ne Ya fi sani ga abinda ke gare ku a lõkacin da Ya ƙãga halittarku daga ƙasa, kuma a lõkacin da kuke tãyuna a cikin cikannan uwãyenku. Sabõda haka, kada ku tsarkake¹ kanku, Shĩ ne Mafi sani ga wanda ya yi taƙawa.

    Bayanai

    [1] Wanda yake mutumin kirki, Allah Ya san shi. Kada ku dinga tsarkake kanku da bãkunanku dõmin neman girma, kõ dõmin neman wani abu dabam.
33. 53:33

    أَفَرَءَيْتَ ٱلَّذِى تَوَلَّىٰ۝٣٣

    Afaraayta allathee tawalla

    Shin, ka ga wannan da ya jũya baya?

34. 53:34

    وَأَعْطَىٰ قَلِيلًا وَأَكْدَىٰٓ۝٣٤

    Waaʿta qaleelan waakda

    Ya yi kyauta kaɗan, kuma ya yi rowa?

35. 53:35

    أَعِندَهُۥ عِلْمُ ٱلْغَيْبِ فَهُوَ يَرَىٰٓ۝٣٥

    aʿindahu ʿilmu alghaybi fahuwa yara

    Shin, akwai ilmin gaibi a wurinsa, Sabõda haka yanã ganin gaibin?

36. 53:36

    أَمْ لَمْ يُنَبَّأْ بِمَا فِى صُحُفِ مُوسَىٰ۝٣٦

    Am lam yunabba bima fee suhufi moosa

    Ko kuwa ba a ba shi lãbãri ba ga abin da yake a cikin Littafan Mũsã?

37. 53:37

    وَإِبْرَٰهِيمَ ٱلَّذِى وَفَّىٰٓ۝٣٧

    Waibraheema allathee waffa

    Da Ibrãhĩm wanda ya cika alkawari?

38. 53:38

    أَلَّا تَزِرُ وَازِرَةٌ وِزْرَ أُخْرَىٰ۝٣٨

    Alla taziru waziratun wizra okhra

    Cẽwa wani rai mai kãyan laifi bã ya ɗaukar kãyan laifin wani.

39. 53:39

    وَأَن لَّيْسَ لِلْإِنسَـٰنِ إِلَّا مَا سَعَىٰ۝٣٩

    Waan laysa lilinsani illa ma saʿa

    Kuma mutum bã shi da kõme fãce abin da ya aikata.

40. 53:40

    وَأَنَّ سَعْيَهُۥ سَوْفَ يُرَىٰ۝٤٠

    Waanna saʿyahu sawfa yura

    Kuma lalle, aikinsa zã a gan shi.

41. 53:41

    ثُمَّ يُجْزَىٰهُ ٱلْجَزَآءَ ٱلْأَوْفَىٰ۝٤١

    Thumma yujzahu aljazaa alawfa

    Sa'an nan a sãka masa da sakamako wanda yake mafi cikar ma'auni?

42. 53:42

    وَأَنَّ إِلَىٰ رَبِّكَ ٱلْمُنتَهَىٰ۝٤٢

    Waanna ila rabbika almuntaha

    Kuma lalle, makõmar zuwa Ubangijinka kawai take?

43. 53:43

    وَأَنَّهُۥ هُوَ أَضْحَكَ وَأَبْكَىٰ۝٤٣

    Waannahu huwa adhaka waabka

    Kuma lalle, Shĩ, Shĩ ne Ya sanya dariya, kuma Ya sanya kũka.

44. 53:44

    وَأَنَّهُۥ هُوَ أَمَاتَ وَأَحْيَا۝٤٤

    Waannahu huwa amata waahya

    Kuma lalle, Shĩ, Shĩ ne Ya kashe, kuma Ya rãyar.

45. 53:45

    وَأَنَّهُۥ خَلَقَ ٱلزَّوْجَيْنِ ٱلذَّكَرَ وَٱلْأُنثَىٰ۝٤٥

    Waannahu khalaqa alzzawjayni alththakara waalontha

    Kuma lalle Shĩ ne Ya yi halitta nau'i-nau'i, namiji da mace.

46. 53:46

    مِن نُّطْفَةٍ إِذَا تُمْنَىٰ۝٤٦

    Min nutfatin itha tumna

    Daga wani ɗigon ruwa guda a lõkacin da ake jẽfa shi a cikin mahaifa.

47. 53:47

    وَأَنَّ عَلَيْهِ ٱلنَّشْأَةَ ٱلْأُخْرَىٰ۝٤٧

    Waanna ʿalayhi alnnashata alokhra

    Kuma a kansa ne ƙãga halitta ta biyu take.

48. 53:48

    وَأَنَّهُۥ هُوَ أَغْنَىٰ وَأَقْنَىٰ۝٤٨

    Waannahu huwa aghna waaqna

    Kuma lalle, Shĩ, Shĩ ne Ya azurta, kuma Ya wadãtar.

49. 53:49

    وَأَنَّهُۥ هُوَ رَبُّ ٱلشِّعْرَىٰ۝٤٩

    Waannahu huwa rabbu alshshiʿra

    Kuma lalle, Shĩ, Shi ne Ubangijin Shi'ira.¹

    Bayanai

    [1] Sũnan wasu taurãri biyu ne sunã fita a bãyan taurarin Jauza'a sunã tafiya daga kudu zuwa arewa karkace. Kabĩlar Lãrabãwa ta Khuza'a na bauta musu da umurnin Abu Kabshah, ɗaya daga cikin kãkannin Annabi na wajen uwa dõmin haka ne Ƙuraishãwa ke ce wa Annabi Ibn abĩ Kabshah, wanda ya ƙãga sãbon addinĩn da ya sãɓawa na ubanninsa.
50. 53:50

    وَأَنَّهُۥٓ أَهْلَكَ عَادًا ٱلْأُولَىٰ۝٥٠

    Waannahu ahlaka ʿadan aloola

    Kuma lalle, Shĩ, Shĩ ne Ya halaka Ãdãwa na farko.

51. 53:51

    وَثَمُودَا۟ فَمَآ أَبْقَىٰ۝٥١

    Wathamooda fama abqa

    Da Samũdãwa, sa'an nan bai rage su ba.

52. 53:52

    وَقَوْمَ نُوحٍ مِّن قَبْلُ ۖ إِنَّهُمْ كَانُوا۟ هُمْ أَظْلَمَ وَأَطْغَىٰ۝٥٢

    Waqawma noohin min qablu innahum kanoo hum athlama waatgha

    Da mutãnen Nũhu a gabãnin haka, lalle sũ sun kasance mafi zãlunci kuma mafi girman kai.

53. 53:53

    وَٱلْمُؤْتَفِكَةَ أَهْوَىٰ۝٥٣

    Waalmutafikata ahwa

    Da waɗanda aka birkice¹ƙasarsu, Ya kãyar da su.

    Bayanai

    [1] Mutãnen Lũɗu da aka birkice ƙasarsu da su.
54. 53:54

    فَغَشَّىٰهَا مَا غَشَّىٰ۝٥٤

    Faghashshaha ma ghashsha

    Sa'an nan abin da ya rufe su, ya rufe su.

55. 53:55

    فَبِأَىِّ ءَالَآءِ رَبِّكَ تَتَمَارَىٰ۝٥٥

    Fabiayyi alai rabbika tatamara

    To, da wace daga ni'imõmin Ubangijinka kake¹yin shakka?

    Bayanai

    [1] Kamar abõkin magana kõ mai karãtu.
56. 53:56

    هَـٰذَا نَذِيرٌ مِّنَ ٱلنُّذُرِ ٱلْأُولَىٰٓ۝٥٦

    Hatha natheerun mina alnnuthuri aloola

    wannan (Muhammadu) mai gargaɗi ne kamar irin mãsu gargaɗi na farko.

57. 53:57

    أَزِفَتِ ٱلْـَٔازِفَةُ۝٥٧

    Azifati alazifatu

    Makusanciya¹ fa, tã yi kusa.

    Bayanai

    [1] Makusanciya ita ce Ƙiyãma.
58. 53:58

    لَيْسَ لَهَا مِن دُونِ ٱللَّهِ كَاشِفَةٌ۝٥٨

    Laysa laha min dooni Allahi kashifatun

    Bãbu wani rai, banda Allah, mai iya bãyani gare ta.

59. 53:59

    أَفَمِنْ هَـٰذَا ٱلْحَدِيثِ تَعْجَبُونَ۝٥٩

    Afamin hatha alhadeethi taʿjaboona

    Shin, kuma daga wannan¹lãbãri kuke mãmãki?

    Bayanai

    [1] Al'ƙur'ãni.
60. 53:60

    وَتَضْحَكُونَ وَلَا تَبْكُونَ۝٦٠

    Watadhakoona wala tabkoona

    Kuma kunã yin dãriya, kuma bã ku yin kũka?

61. 53:61

    وَأَنتُمْ سَـٰمِدُونَ۝٦١

    Waantum samidoona

    Alhãli kunã mãsu wãsã?

62. 53:62

    فَٱسْجُدُوا۟ لِلَّهِ وَٱعْبُدُوا۟ ۩۝٦٢

    Faosjudoo lillahi waoʿbudoo

    To, ku yi tawãli'u¹ga Allah, kuma ku bauta (masa).

    Bayanai

    [1] Anã yin sujadar karatu a nan, amma bã ta a cikin sujadai na tĩlas.