سورة قريش

سورہ قریش اردو ترجمہ کے ساتھ

مصحف

مشاری راشد العفاسیMP3 ڈاؤن لوڈ کریںPDF ڈاؤن لوڈ کریں

سورۃ قريش قرآن مجید کی 106ویں سورت ہے اور اس میں 4 آیات ہیں۔ یہ مکی سورت ہے اور پارہ 30 میں ہے۔

اس صفحے پر آپ سورۃ قريش کا مکمل عربی متن مولانا محمد جوناگڑھی کے اردو ترجمے کے ساتھ آیت بہ آیت پڑھ سکتے ہیں اور تلاوت سن سکتے ہیں۔

مکمل سورہ قریش: عربی متن اور اردو ترجمہ

بِسْمِ ٱللَّهِ ٱلرَّحْمَـٰنِ ٱلرَّحِيمِ

  1. لِإِيلَـٰفِ قُرَيْشٍ۝١

    قریش کے مانوس کرنے کے لئے.

  2. إِۦلَـٰفِهِمْ رِحْلَةَ ٱلشِّتَآءِ وَٱلصَّيْفِ۝٢

    (یعنی) انہیں جاڑے اور گرمی کے سفر سے مانوس کرنے کے لئے1 ۔ (اس کے شکریہ میں).

    حواشی
    [1] إِيلافٌ کے معنی ہیں، مانوس اور عادی ہونا، یعنی اس کا کام سے کلفت اور نفرت کا دور ہو جانا۔ قریش کی گزر ان کا ذریعہ تجارت تھی۔ سال میں دو مرتبہ ان کا تجارتی قافلہ باہر جاتا اور وہاں سے اشیاء تجارت لاتا۔ سردیوں میں یمن، جو گرم علاقہ تھا اور گرمیوں میں شام کی طرف جو ٹھنڈا تھا۔ خانہ کعبہ کے خدمت گزار ہونے کی وجہ سے تمام اہل عرب ان کی عزت کرتے تھے، اس لئے ان کے قافلے بلا روک ٹوک سفر کرتے، اللہ تعالیٰ اس سورت میں قریش کو بتلا رہا ہے کہ تم جو گرمی، سردی میں دو سفر کرتے ہو تو ہمارے اس احسان کی وجہ سے کہ ہم نے تمہیں مکے میں امن عطا کیا ہے اور اہل عرب میں معزز بنایا ہوا ہے۔ اگر یہ چیز نہ ہوتی تو تمہارا سفر ممکن نہ ہوتا۔ اور اصحاب الفیل کو بھی ہم نے اسی لئے تباہ کیا ہے کہ تمہاری عزت بھی برقرار رہے اور تمہارے سفروں کا سلسلہ بھی، جس کے تم خوگر ہو، قائم رہے، اگر ابرہہ اپنے مذموم مقصد میں کامیاب ہو جاتا تو تمہاری عزت وسیادت بھی ختم ہو جاتی اور سلسلہ سفر بھی منقطع ہو جاتا۔ اس لئے تمہیں چاہئے کہ صرف اسی بیت اللہ کے رب کی عبادت کرو۔
  3. فَلْيَعْبُدُوا۟ رَبَّ هَـٰذَا ٱلْبَيْتِ۝٣

    پس انہیں چاہئے کہ اسی گھر کے رب کی عبادت کرتے رہیں.

  4. ٱلَّذِىٓ أَطْعَمَهُم مِّن جُوعٍ وَءَامَنَهُم مِّنْ خَوْفٍۭ۝٤

    جس نے انہیں بھوک میں کھانا دیا1 اور ڈر (اور خوف) میں امن (وامان) دیا.2

    حواشی
    [1] مذکورہ تجارت اور سفر کے ذریعے سے۔ [2] عرب میں قتل وغارت گری عام تھی لیکن قریش مکہ کو حرم مکہ کی وجہ سے جو احترام حاصل تھا، اس کی وجہ سے وہ خوف وخطر سے محفوظ تھے۔

اکثر پوچھے گئے سوالات

سورۃ قريش کس پارے میں ہے؟

سورۃ قريش پارہ 30 میں ہے۔

سورۃ قريش میں کتنی آیات ہیں؟

سورۃ قريش میں 4 آیات ہیں۔

سورۃ قريش مکی ہے یا مدنی؟

سورۃ قريش مکی سورت ہے۔

سورۃ قريش قرآن کی کون سی سورت ہے؟

یہ قرآن مجید کی 106ویں سورت ہے۔

ماخذ

  • Arabic text: Tanzil Quran Text (Uthmani) (Tanzil Project, CC BY 3.0), reproduced without changes.
  • Translation: Muhammad Junagarhi, from QuranEnc.com, version 1.1.3, reproduced without changes.
  • Recitation: Mishary Rashid Alafasy, via QuranicAudio.com and EveryAyah.com.
  • Word by word: recordings and meanings from Quran.com (Quran Foundation), played when you tap a word.
  • Madinah and IndoPak fonts (Settings): the text in those scripts and their fonts come from the Quran Foundation (Quran.com); the Madinah font is the King Fahd Glorious Quran Printing Complex's Uthmanic Hafs font.

Found a mistake? Report a mistake and we will check it against the source.

پڑھنے کی ترتیبات

قرآن کا فونٹ
عربی متن کا سائز
100%
ترجمے کا سائز
100%
تھیم

ہوم اسکرین پر شامل کریں

ReadSurahReadSurah کو ہوم اسکرین سے پوری اسکرین پر کھولیں۔ جو سورتیں آپ پڑھ چکے ہیں وہ انٹرنیٹ کے بغیر بھی کھلیں گی۔

  1. Safari میں شیئر کے بٹن پر ٹیپ کریں۔ نئے آئی فون میں یہ ••• مینو میں ہے۔
  2. “Add to Home Screen” پر ٹیپ کریں۔ نظر نہ آئے تو نیچے اسکرول کریں۔
  3. “Add” پر ٹیپ کریں۔