سورة الشعراء
Surat Ash-Shu’ara kwa Kiswahili
Washairi
- 26
- Aya 227
- Sura ya Makka
- Juzuu 19
- Kurasa 367–376
Surat Ash-Shu’ara (الشعراء) ni sura ya 26 katika Qur’ani na ina aya 227. Jina lake lina maana ya “Washairi”. Ni sura ya Makka, iliyoteremshwa Makka kabla ya Hijra, na iko katika juzuu ya 19.
Katika ukurasa huu unaweza kusoma Surat Ash-Shu’ara yote kwa Kiarabu, pamoja na tafsiri ya Kiswahili ya Ali Muhsin Al-Barwani aya kwa aya na matamshi kwa herufi za Kilatini, na kusikiliza kisomo chake.
Surat Ash-Shu’ara kamili: Kiarabu, tafsiri ya Kiswahili na matamshi
بِسْمِ ٱللَّهِ ٱلرَّحْمَـٰنِ ٱلرَّحِيمِ
-
طسٓمٓ١
Taseenmeem
T'aa Siin Miim. (T'.S.M.) .1
Maelezo
[1] Harufi hizi na mfano wa hizi ndizo zikakusanyika kuifanya Qur'ani kuwa ni muujiza ulio washinda watu kuiga mfano wake, ijapo kuwa hizo harufi ndizo wanazo zitamka. Basi mwenye kuitilia shaka hii Qur'ani kuwa imetoka kwa Mwenyezi Mungu au la, basi na alete mfano wake. Na hatoweza. -
تِلْكَ ءَايَـٰتُ ٱلْكِتَـٰبِ ٱلْمُبِينِ٢
Tilka ayatu alkitabi almubeeni
Hizi ni Aya za Kitabu kinacho bainisha.2
Maelezo
[2] Maneno haya niliyo kufunulia ni Aya za Kitabu chenye kuweka wazi hukumu zote ziliomo ndani yake. -
لَعَلَّكَ بَـٰخِعٌ نَّفْسَكَ أَلَّا يَكُونُوا۟ مُؤْمِنِينَ٣
Laʿallaka bakhiʿun nafsaka alla yakoonoo mumineena
Huenda labda ukajikera nafsi yako kwa kuwa hawawi Waumini.3
Maelezo
[3] Ewe Nabii! Hebu jionee huruma nafsi yako. Usijikere kwa kuhuzunukia inadi ya watu wako, na kuto amini kwao. -
إِن نَّشَأْ نُنَزِّلْ عَلَيْهِم مِّنَ ٱلسَّمَآءِ ءَايَةً فَظَلَّتْ أَعْنَـٰقُهُمْ لَهَا خَـٰضِعِينَ٤
In nasha nunazzil ʿalayhim mina alssamai ayatan fathallat aʿnaquhum laha khadiʿeena
Tunge penda tungeli wateremshia kutoka mbinguni Ishara zikanyenyekea shingo zao.4
Maelezo
[4] Sisi tunaweza kuwaletea muujiza wa kuwalazimisha Imani, wat'ii kwa unyenyekevu amri yake, na yatimie unayo yatarajia. Lakini hatuwaletei, kwa sababu mwendo wetu ni kuwaongoza watu waamini bila ya kuwalazimisha, ili isikosekane hikima ya kujaribiwa kwa mitihani, na yanayo kuja baada yake ya thawabu na adhabu. -
وَمَا يَأْتِيهِم مِّن ذِكْرٍ مِّنَ ٱلرَّحْمَـٰنِ مُحْدَثٍ إِلَّا كَانُوا۟ عَنْهُ مُعْرِضِينَ٥
Wama yateehim min thikrin mina alrrahmani muhdathin illa kanoo ʿanhu muʿrideena
Wala hauwafikii ukumbusho mpya kutoka kwa Arrahman ila wao hujitenga nao.5
Maelezo
[5] Wala Mwenyezi Mungu hawaletei watu wako kwa ufunuo wake ya kuwakumbusha Dini ya Haki kuwa ni rehema kwao, ila wao huzua upya upinzani na ukafiri kuukataa. Kwani njia ya uwongofu imekwisha zibwa mbele yao. -
فَقَدْ كَذَّبُوا۟ فَسَيَأْتِيهِمْ أَنۢبَـٰٓؤُا۟ مَا كَانُوا۟ بِهِۦ يَسْتَهْزِءُونَ٦
Faqad kaththaboo fasayateehim anbao ma kanoo bihi yastahzioona
Kwa yakini wamekanusha; kwa hivyo zitakuja wafikia khabari za yale waliyo kuwa wakiyafanyia mzaha.6
Maelezo
[6] Hawa hakika wamekadhibisha Haki uliyo ileta, na wakaifanyia maskhara. Lakini wewe wasubirie. Wataona matokeo ya maskhara yao ya kuangamiza. -
أَوَلَمْ يَرَوْا۟ إِلَى ٱلْأَرْضِ كَمْ أَنۢبَتْنَا فِيهَا مِن كُلِّ زَوْجٍ كَرِيمٍ٧
Awalam yaraw ila alardi kam anbatna feeha min kulli zawjin kareemin
Je! Hawakuiona ardhi, mimea mingapi tumeiotesha humo, ya kila namna nzuri?7
Maelezo
[7] Hivyo hao wanatenda watendavyo katika ukafiri wao na kukadhibisha kwao wala hawaangalii baadhi ya uumbaji wa Mwenyezi Mungu katika hii hii ardhi? Lau kuwa wanaangalia kwa kuzingatia wangeli ongoka. Hebu wazingatie hii mimea ya kila namna yenye manufaa tunayo itoa Sisi kwenye ardhi, na wala hawezi hayo isipo kuwa Mungu Mmoja Muweza. -
إِنَّ فِى ذَٰلِكَ لَـَٔايَةً ۖ وَمَا كَانَ أَكْثَرُهُم مُّؤْمِنِينَ٨
Inna fee thalika laayatan wama kana aktharuhum mumineena
Hakika katika haya zipo Ishara. Lakini wengi wao hawakuwa wenye kuamini.8
Maelezo
[8] Hakika katika kutoka kwa hii mimea ni dalili kubwa ya kuwepo Muumba Muweza. Lakini wengi wa watu si wenye kuamini. -
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ٩
Wainna rabbaka lahuwa alʿazeezu alrraheemu
Na hakika Mola wako Mlezi ndiye Yeye Mwenye nguvu Mwenye kurehemu.9
Maelezo
[9] Hakika Mwenye kumiliki mambo yako, na Mwenye kukulinda, ndiye atakaye waadhibu hao wanao kadhibisha, na ndiye Mwenye kuwafadhili Waumini kwa rehema. -
وَإِذْ نَادَىٰ رَبُّكَ مُوسَىٰٓ أَنِ ٱئْتِ ٱلْقَوْمَ ٱلظَّـٰلِمِينَ١٠
Waith nada rabbuka moosa ani iti alqawma alththalimeena
Na Mola wako Mlezi, alipo mwita Musa, akamwambia: Fika kwa watu madhaalimu,10
Maelezo
[10] Ewe Muhammad! Watajie watu wako kisa cha Musa pale Mola wako Mlezi alipo mwita: Ewe Musa! Nenda kwa Utume kwa watu walio dhulumu nafsi zao kwa ukafiri, na wakawadhulumu Wana wa Israili kwa kuwafanya watumwa na kuwauwa watoto wao wanaume. -
قَوْمَ فِرْعَوْنَ ۚ أَلَا يَتَّقُونَ١١
Qawma firʿawna ala yattaqoona
Watu wa Firauni. Hawaogopi?11
Maelezo
[11] Nenda kwa kaumu ya Firauni; kwani hao wamepita mipaka katika dhulma yao. Ama ajabu ya watu hawa! Hawaogopi nini litalo wafika kwa vitendo vyao hivi, wakatahadhari? -
قَالَ رَبِّ إِنِّىٓ أَخَافُ أَن يُكَذِّبُونِ١٢
Qala rabbi innee akhafu an yukaththibooni
Akasema: Hakika mimi nachelea wasinikanushe.12
Maelezo
[12] Musa akasema: Ewe Mola wangu Mlezi! Mimi nina khofu wasije kuukataa ujumbe wangu kwa kiburi na inda. -
وَيَضِيقُ صَدْرِى وَلَا يَنطَلِقُ لِسَانِى فَأَرْسِلْ إِلَىٰ هَـٰرُونَ١٣
Wayadeequ sadree wala yantaliqu lisanee faarsil ila haroona
Na kifua changu kina dhiki, na ulimi wangu haukunjuki vyema. Basi mtumie ujumbe Harun.13
Maelezo
[13] Na mimi nimejaa dhiki kwa kuwa wataniambia mwongo, na ulimi wangu si mkunjufu wa kuweza kuhojiana nao kama ninavyo penda. Basi mtume Jibril ende kwa ndugu yangu aje kuniunga mkono katika hii kazi yangu. -
وَلَهُمْ عَلَىَّ ذَنۢبٌ فَأَخَافُ أَن يَقْتُلُونِ١٤
Walahum ʿalayya thanbun faakhafu an yaqtulooni
Na wao wana kisasi juu yangu, kwa hivyo naogopa wasije kuniuwa.14
Maelezo
[14] Na watu hawa wana kisasi juu yangu. Kwani mimi nilimuuwa mtu katika wao. Basi nina khofu watakuja niuwa kwa kisasi kabla sijatimiza kazi yangu. Hayo yananizidisha khofu. -
قَالَ كَلَّا ۖ فَٱذْهَبَا بِـَٔايَـٰتِنَآ ۖ إِنَّا مَعَكُم مُّسْتَمِعُونَ١٥
Qala kalla faithhaba biayatina inna maʿakum mustamiʿoona
Akasema: Siyo hivyo kabisa! Nendeni na miujiza yetu. Hakika Sisi tu pamoja nanyi, tunasikiliza.15
Maelezo
[15] Mwenyezi Mungu akamwambia: Hawatokuuwa. Na kwa mintarafu ya Haruni nimekukubalia ombi lako. Basi nendeni nanyi mmejizatiti na miujiza yetu. Mimi niko pamoja nanyi kwa ulinzi. Nayasikia yanayo jiri baina yenu na Firauni. Nyinyi mtapata ushindi, na kuungwa mkono. -
فَأْتِيَا فِرْعَوْنَ فَقُولَآ إِنَّا رَسُولُ رَبِّ ٱلْعَـٰلَمِينَ١٦
Fatiya firʿawna faqoola inna rasoolu rabbi alʿalameena
Basi mfikieni Firauni na mwambieni: Hakika sisi ni Mitume wa Mola Mlezi wa walimwengu wote.16
Maelezo
[16] Muelekeeni Firauni na mwambieni: Sisi ni Watume wawili tumetumwa na Mola Mlezi wa walimwengu wote. -
أَنْ أَرْسِلْ مَعَنَا بَنِىٓ إِسْرَٰٓءِيلَ١٧
An arsil maʿana banee israeela
Waachilie Wana wa Israili wende nasi.17
Maelezo
[17] Anakwambia Mola Mlezi wa walimwengu wote: Waachilie huru Wana wa Israili, wende nasi. -
قَالَ أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ١٨
Qala alam nurabbika feena waleedan walabithta feena min ʿumurika sineena
(Firauni) akasema: Sisi hatukukulea wewe utotoni, na ukakaa kwetu katika umri wako miaka mingi?18
Maelezo
[18] Firauni akamwambia Musa kwa kumsimbulia, naye alimtambua walipo ingia na wakakadimisha Ujumbe wao, kwani alilelewa mle mle katika kasri lake: Hatukukulea sisi ulipo kuwa mtoto? Na ukaishi chini ya ulezi wetu kwa miaka mingi katika umri wako? -
وَفَعَلْتَ فَعْلَتَكَ ٱلَّتِى فَعَلْتَ وَأَنتَ مِنَ ٱلْكَـٰفِرِينَ١٩
Wafaʿalta faʿlataka allatee faʿalta waanta mina alkafireena
Na ukatenda kitendo chako ulicho tenda, nawe ukawa miongoni mwa wasio na shukrani?19
Maelezo
[19] Na ukatenda makosa yako ya jinaya maovu kumuuwa mtu katika kaumu yangu, na ukazikanusha neema zangu nilizo kufanyia, hukuwahifadhi raia zangu, ukaushambulia ungu wetu kwa kudai kuwa wewe ati ni Mtume wa Mola Mlezi wa walimwengu wote. -
قَالَ فَعَلْتُهَآ إِذًا وَأَنَا۠ مِنَ ٱلضَّآلِّينَ٢٠
Qala faʿaltuha ithan waana mina alddalleena
(Musa) akasema: Nilitenda hayo hapo nilipo kuwa miongoni mwa wale walio potea.20
Maelezo
[20] Musa akasema: Niliyafanya uliyo yataja kwa kutojua yanayo faa kutambulikana kwa akili nayo ni jambo la kuuwa. Basi hapana masimbulizi juu yangu. -
فَفَرَرْتُ مِنكُمْ لَمَّا خِفْتُكُمْ فَوَهَبَ لِى رَبِّى حُكْمًا وَجَعَلَنِى مِنَ ٱلْمُرْسَلِينَ٢١
Fafarartu minkum lamma khiftukum fawahaba lee rabbee hukman wajaʿalanee mina almursaleena
Basi nilikukimbieni nilipo kuogopeni, tena Mola wangu Mlezi, akanitunukia hukumu, na akanijaali niwe miongoni mwa Mitume.21
Maelezo
[21] Nikakukimbieni nilipo khofu kuwa mtakuja niuwa kwa jinaya hii ambayo sikuukusudia. Mola wangu Mlezi akanitunukia fahamu na ilimu, kwa fadhila zake na neema zake, na akanifanya mmoja katika Mitume. -
وَتِلْكَ نِعْمَةٌ تَمُنُّهَا عَلَىَّ أَنْ عَبَّدتَّ بَنِىٓ إِسْرَٰٓءِيلَ٢٢
Watilka niʿmatun tamunnuha ʿalayya an ʿabbadta banee israeela
Na hiyo ndiyo neema ya kunisumbulia, na wewe umewatia utumwani Wana wa Israili?22
Maelezo
[22] Musa akaashiria sifa katika sifa ovu kabisa za Firauni, nayo ni kuwa kawafanya watumwa Wana wa Israili, na akiwauwa watoto wao wanaume. Na akakataa kukuita kule kulelewa kwake katika jumba la Firauni kuwa ni neema, kwani yaliyo sabibisha hayo ni yale aliyo kwisha yataja, ndio yeye alitupwa mtoni aokoke asiuliwe. Akaishia kwenye jumba la Firauni. Na lau kuwa si hivyo basi angeli lelewa na wazazi wake. -
قَالَ فِرْعَوْنُ وَمَا رَبُّ ٱلْعَـٰلَمِينَ٢٣
Qala firʿawnu wama rabbu alʿalameena
Firauni akasema: Na nani huyo Mola Mlezi wa walimwengu wote?23
Maelezo
[23] Firauni akasema: Na nini hizo sifa za Mola Mlezi wa walimwengu wote ambaye unakithiri kumtaja, na wewe unadai kuwa ni Mtume wake, na hali sisi hatujui lolote khabari zake? -
قَالَ رَبُّ ٱلسَّمَـٰوَٰتِ وَٱلْأَرْضِ وَمَا بَيْنَهُمَآ ۖ إِن كُنتُم مُّوقِنِينَ٢٤
Qala rabbu alssamawati waalardi wama baynahuma in kuntum mooqineena
Akasema: Ndiye Mola Mlezi wa mbingu na ardhi, na viliomo baina yao, ikiwa nyinyi ni wenye yakini.24
Maelezo
[24] Musa akasema: Yeye huyo ndiye Mwenye kuzimiliki mbingu na ardhi na kila kilio baina yao. Ikiwa nyinyi mna yakini ya ukweli wa jawabu hii basi mtanafiika, na mtaongoka, na mtajua kuwa ufalme wa Firauni wa kujidai haufui dafu mbele ya Ufalme wake Mwenyezi Mungu. Kwani ufalme wa Firauni haupindukii hata eneo moja katika hii dunia. -
قَالَ لِمَنْ حَوْلَهُۥٓ أَلَا تَسْتَمِعُونَ٢٥
Qala liman hawlahu ala tastamiʿoona
(Firauni) akawaambia walio mzunguka: Hamsikilizi?25
Maelezo
[25] Firauni kuonyesha mastaajabu kwa wale walio mzunguka kwa kuwa Musa katika jawabu yake alipo mtaja Mola wake Mlezi na akadhukuru Ufalme wake hakuugusia hata kidogo ufalme wa Firauni, alisema: Mwayasikiaje maneno ya Musa? -
قَالَ رَبُّكُمْ وَرَبُّ ءَابَآئِكُمُ ٱلْأَوَّلِينَ٢٦
Qala rabbukum warabbu abaikumu alawwaleena
(Musa) akasema: Ndiye Mola wenu Mlezi, na Mola Mlezi wa baba zenu wa kwanza.26
Maelezo
[26] Musa akiendelea na usemi wake bila ya kujali hasira za Firauni na uchafu wa maneno yake, akasema: Ndiye huyo Mola Mlezi wa walimwengu wote, aliye kuumbeni nyinyi na baba zenu walio tangulia. Na miongoni mwa hao walikuwako walio dai ungu kama unavyo dai wewe. Na wao wameteketea. Na wewe utateketea, na hayo unayo yadai yatapotelea mbali. Kwani Mungu wa kweli hafi. -
قَالَ إِنَّ رَسُولَكُمُ ٱلَّذِىٓ أُرْسِلَ إِلَيْكُمْ لَمَجْنُونٌ٢٧
Qala inna rasoolakumu allathee orsila ilaykum lamajnoonun
(Firauni) akasema: Hakika huyu Mtume wenu aliye tumwa kwenu ni mwendawazimu.27
Maelezo
[27] Firauni akwaambia watu wake yale yanayo mtibuwa roho na kumghadhibisha, akautaja Utume wa Musa ni kwao wao, wala si kwake yeye, na akambandikiza wazimu, kwa kuwa ati akiulizwa kitu hujibu kingine, na anamsifu Mola Mlezi kwa sifa za kiajabu ajabu. Na kwa hivyo Firauni anawahimiza wamkadhibishe. -
قَالَ رَبُّ ٱلْمَشْرِقِ وَٱلْمَغْرِبِ وَمَا بَيْنَهُمَآ ۖ إِن كُنتُمْ تَعْقِلُونَ٢٨
Qala rabbu almashriqi waalmaghribi wama baynahuma in kuntum taʿqiloona
. (Musa) akasema: Ndiye Mola Mlezi wa Mashariki na Magharibi na viliomo baina yao, ikiwa nyinyi mnatia akilini.28
Maelezo
[28] Musa akasema: Ikiwa nyinyi mna akili, basi uaminini Ujumbe wangu. Kwani kuchomoza jua na kuchwa kwake kwa mpango madhubuti ni dalili wazi ya Mwenye kuumba. Kwa hivyo basi ni nyinyi ndio mnastahiki kuambiwa wendawazimu. -
قَالَ لَئِنِ ٱتَّخَذْتَ إِلَـٰهًا غَيْرِى لَأَجْعَلَنَّكَ مِنَ ٱلْمَسْجُونِينَ٢٩
Qala laini ittakhathta ilahan ghayree laajʿalannaka mina almasjooneena
(Firauni) akasema: Ukimfuata mungu mwengine asiye kuwa mimi, basi bila ya shaka nitakufunga gerezani.29
Maelezo
[29] Firauni akamwambia Musa: Ukimfuata mungu yeyote badala yangu mimi, utakuwa mmoja katika wanao ijua hali yao mbaya katika magereza yangu. Na yeye Firauni kaangukia kitisho hichi baada ya kushindwa kuondoa athari za kazi za Muumbaji. -
قَالَ أَوَلَوْ جِئْتُكَ بِشَىْءٍ مُّبِينٍ٣٠
Qala awalaw jituka bishayin mubeenin
Akasema: Je! Ijapo kuwa nitakuletea kitu cha kubainisha wazi?30
Maelezo
[30] Musa akasema kwa upole kwa kutumai asaa akaamini: Utanitia gerezani hata nikikuletea ushahidi mkubwa wa ukweli wa haya niyasemayo? -
قَالَ فَأْتِ بِهِۦٓ إِن كُنتَ مِنَ ٱلصَّـٰدِقِينَ٣١
Qala fati bihi in kunta mina alssadiqeena
Akasema: Kilete basi, kama wewe ni katika wasemao kweli.31
Maelezo
[31] Firauni akasema: Ulete ushahidi utao onyesha Unabii wako kama wewe kweli unasema kweli katika wito wako. Kasema hayo kwa tamaa ya kuwa huenda akapata kipengee cha udhaifu katika hoja zake. -
فَأَلْقَىٰ عَصَاهُ فَإِذَا هِىَ ثُعْبَانٌ مُّبِينٌ٣٢
Faalqa ʿasahu faitha hiya thuʿbanun mubeenun
Basi akaitupa fimbo yake, mara ikawa nyoka wa kuonekana dhaahiri.32
Maelezo
[32] Musa akaitupa fimbo yake mbele yao. Ikageuka nyoka kweli kweli, si kitu cha uwongo cha uchawi kinacho fanana na nyoka. -
وَنَزَعَ يَدَهُۥ فَإِذَا هِىَ بَيْضَآءُ لِلنَّـٰظِرِينَ٣٣
Wanazaʿa yadahu faitha hiya baydao lilnnathireena
Na akautoa mkono wake, na mara ukawa mweupe kwa watazamao.33
Maelezo
[33] Musa akautoa mkono wake kutoka mfukoni mwake. Hiyo ni Ishara ya pili. Nao ukawa mweupe, bila ya maradhi, hata wakashangaa watazamaji kwa kumetuka kwake. -
قَالَ لِلْمَلَإِ حَوْلَهُۥٓ إِنَّ هَـٰذَا لَسَـٰحِرٌ عَلِيمٌ٣٤
Qala lilmalai hawlahu inna hatha lasahirun ʿaleemun
(Firauni) akawaambia waheshimiwa walio mzunguka: Hakika huyu ni mchawi mtaalamu.34
Maelezo
[34] Firauni akawaambia watu wake: Hakika Musa ni mchawi bingwa katika uchawi wake. Kasema hayo kwa kuchelea watu wake wasiifuate Haki waliyo iona kwa Musa. -
يُرِيدُ أَن يُخْرِجَكُم مِّنْ أَرْضِكُم بِسِحْرِهِۦ فَمَاذَا تَأْمُرُونَ٣٥
Yureedu an yukhrijakum min ardikum bisihrihi famatha tamuroona
Anataka kukutoeni katika nchi yenu kwa uchawi wake. Basi mna shauri gani?35
Maelezo
[35] Tena Firauni akasema: Mchawi huyu anataka kunifanyia kahari apate kukutoeni katika hii nchi yenu. Na haya ni uchochezi dhidi ya Musa, kwani katika la dhiki mno katika hayo yaliyo dhiki ni mtu kuiacha nchi yake, na khasa ikiwa kwa kahari. Naye akataka mawazo ya wale walio kuwa wanamuabudu. Kasahau ungu wake kwa nguvu za Ishara za Musa. -
قَالُوٓا۟ أَرْجِهْ وَأَخَاهُ وَٱبْعَثْ فِى ٱلْمَدَآئِنِ حَـٰشِرِينَ٣٦
Qaloo arjih waakhahu waibʿath fee almadaini hashireena
Wakasema: Mpe muda yeye na nduguye na uwatume mijini wapigao mbiu ya mgambo.36
Maelezo
[36] Watu wake wakamwambia: Akhirisha kukata shauri yao hawa, na uwatume askari wende wawakusanye wachawi katika raia zako. Kwani uchawi hupingwa kwa uchawi. -
يَأْتُوكَ بِكُلِّ سَحَّارٍ عَلِيمٍ٣٧
Yatooka bikulli sahharin ʿaleemin
Wakuletee kila mchawi bingwa mtaalamu.37
Maelezo
[37] Watakuletea wengi, na wote wamebobea kwa uchawi, na wamemshinda Musa kwa ufundi na ustadi. Wamekusudia kwa haya kumpunguzia dukuduku lake Firauni. -
فَجُمِعَ ٱلسَّحَرَةُ لِمِيقَـٰتِ يَوْمٍ مَّعْلُومٍ٣٨
Fajumiʿa alssaharatu limeeqati yawmin maʿloomin
Basi wakakusanywa wachawi wakati na siku maalumu.38
Maelezo
[38] Wakakusanywa wachawi kutoka kila upande wa nchi. Wakawekewa wakati wa mchana siku ya Sikukuu kukutana na Musa. -
وَقِيلَ لِلنَّاسِ هَلْ أَنتُم مُّجْتَمِعُونَ٣٩
Waqeela lilnnasi hal antum mujtamiʿoona
Na watu wakaambiwa: Je! Mtakusanyika?39
Maelezo
[39] Na watu wakahimizana kuhudhuria siku hiyo waone ramsa wakiambizana: Mtakusanyika? Yaani ndio: Mkusanyike! -
لَعَلَّنَا نَتَّبِعُ ٱلسَّحَرَةَ إِن كَانُوا۟ هُمُ ٱلْغَـٰلِبِينَ٤٠
Laʿallana nattabiʿu alssaharata in kanoo humu alghalibeena
Huenda tutawafuata wachawi wakiwa wao ndio watakao shinda.40
Maelezo
[40] Wakatangaza matarajio yao ya kushinda wachawi, ili wapate kuthibiti katika dini yao, na pia ndio kampeni ya nguvu na juhudi apate kushindwa Musa. -
فَلَمَّا جَآءَ ٱلسَّحَرَةُ قَالُوا۟ لِفِرْعَوْنَ أَئِنَّ لَنَا لَأَجْرًا إِن كُنَّا نَحْنُ ٱلْغَـٰلِبِينَ٤١
Falamma jaa alssaharatu qaloo lifirʿawna ainna lana laajran in kunna nahnu alghalibeena
Basi walipo kuja wachawi wakamwambia Firauni: Je! Tutapata ujira tukiwa sisi ndio tulio shinda?41
Maelezo
[41] Walipo kuja wachawi kwa Firauni walimwambia: Je! Tutapata kwako ujira mkubwa pindi tukishinda? -
قَالَ نَعَمْ وَإِنَّكُمْ إِذًا لَّمِنَ ٱلْمُقَرَّبِينَ٤٢
Qala naʿam wainnakum ithan lamina almuqarrabeena
Naam! Na hakika mtakuwa katika watu wa mbele.42
Maelezo
[42] Firauni akasema: Naam, mtapata mnacho kisema. Na juu ya huo ujira mkubwa mtakuwa watu wa karibu kwangu, watu wa cheo na madaraka. -
قَالَ لَهُم مُّوسَىٰٓ أَلْقُوا۟ مَآ أَنتُم مُّلْقُونَ٤٣
Qala lahum moosa alqoo ma antum mulqoona
Musa akwaambia: Tupeni mnavyo taka kutupa.43
Maelezo
[43] Ulipo fika wakati ulio wekwa katika siku iliyo pangwa Musa aliwaambia wachawi: Tupeni huo uchawi mnao taka kuutupa. -
فَأَلْقَوْا۟ حِبَالَهُمْ وَعِصِيَّهُمْ وَقَالُوا۟ بِعِزَّةِ فِرْعَوْنَ إِنَّا لَنَحْنُ ٱلْغَـٰلِبُونَ٤٤
Faalqaw hibalahum waʿisiyyahum waqaloo biʿizzati firʿawna inna lanahnu alghaliboona
Basi wakatupa kamba zao na fimbo zao, na wakasema: Kwa nguvu za Firauni hakika sisi hapana shaka ni wenye kushinda.44
Maelezo
[44] Wakazitupa kamba zao na fimbo zao, na watu wakazugwa wakaona kama ni nyoka wanakwenda. Wakaapa kwa utukufu wa Firauni na nguvu zake hapana shaka hawa leo watashinda -
فَأَلْقَىٰ مُوسَىٰ عَصَاهُ فَإِذَا هِىَ تَلْقَفُ مَا يَأْفِكُونَ٤٥
Faalqa moosa ʿasahu faitha hiya talqafu ma yafikoona
Musa tena akatupa fimbo yake, nayo mara ikavimeza walivyo vizua.45
Maelezo
[45] Musa tena akatupa fimbo yake. Mara ikawa joka kubwa likaingia kuvimeza vile walivyo vizua kwa uchawi, navyo ni kamba na fimbo, wakidanganya kuwa ni nyoka wanao kwenda. -
فَأُلْقِىَ ٱلسَّحَرَةُ سَـٰجِدِينَ٤٦
Faolqiya alssaharatu sajideena
Hapo wachawi walipinduka wakasujudu.46
Maelezo
[46] Wachawi wakaanguka wakasujudu kumsujudia Mwenyezi Mungu, walipo yakinika kuwa mambo ya Musa si uchawi. -
قَالُوٓا۟ ءَامَنَّا بِرَبِّ ٱلْعَـٰلَمِينَ٤٧
Qaloo amanna birabbi alʿalameena
Wakasema: Tunamuamini Mola Mlezi wa walimwengu wote.47
Maelezo
[47] Wakasema ili kutia mkazo kule kusujudu kwao kwa kauli yao: Tunamuamini Mola Mlezi wa walimwengu wote. -
رَبِّ مُوسَىٰ وَهَـٰرُونَ٤٨
Rabbi moosa waharoona
Mola Mlezi wa Musa na Harun.48
Maelezo
[48] Na wakabainisha kuwa hakika Mola Mlezi wa walimwengu wote walio muamini ndiye: Mola Mlezi wa Musa na Harun. -
قَالَ ءَامَنتُمْ لَهُۥ قَبْلَ أَنْ ءَاذَنَ لَكُمْ ۖ إِنَّهُۥ لَكَبِيرُكُمُ ٱلَّذِى عَلَّمَكُمُ ٱلسِّحْرَ فَلَسَوْفَ تَعْلَمُونَ ۚ لَأُقَطِّعَنَّ أَيْدِيَكُمْ وَأَرْجُلَكُم مِّنْ خِلَـٰفٍ وَلَأُصَلِّبَنَّكُمْ أَجْمَعِينَ٤٩
Qala amantum lahu qabla an athana lakum innahu lakabeerukumu allathee ʿallamakumu alssihra falasawfa taʿlamoona laoqattiʿanna aydiyakum waarjulakum min khilafin walaosallibannakum ajmaʿeena
(Firauni) akasema: Je! Mmemuamini kabla sijakuruhusuni? Bila ya shaka yeye basi ndiye mkubwa wenu aliye kufunzeni uchawi. Basi mtakuja jua! Nitakata mikono yenu na miguu yenu kwa kutafautisha. Na nitakubandikeni misalabani nyote.49
Maelezo
[49] Firauni kwa kukasarika kuwa wale wachawi wamemuamini Musa bila ya yeye kuwapa ruhusa, aliwatishia ya kwamba yeye ndiye mwalimu wao aliye wafunza fani za uchawi, na watakuja jua adhabu itakayo wateremkia. Akawaambia: Nitakata mikono yenu na miguu yenu mbali mbali, nitakata wa kulia huu kwa wa kushoto huu, na kinyume cha hayo. Na nyote nitakutundikeni juu ya misalaba. -
قَالُوا۟ لَا ضَيْرَ ۖ إِنَّآ إِلَىٰ رَبِّنَا مُنقَلِبُونَ٥٠
Qaloo la dayra inna ila rabbina munqaliboona
Wakasema: Haidhuru, kwani sisi ni wenye kurejea kwa Mola wetu Mlezi.50
Maelezo
[50] Wachawi wakasema: Hapana la kutudhuru sisi kwa adhabu unazo tutishia, kwani sisi ni wenye kurejea kwenye malipo ya Mola wetu Mlezi. Na Yeye ndiye mbora wa kulipa na mbora wa kuadhibu. -
إِنَّا نَطْمَعُ أَن يَغْفِرَ لَنَا رَبُّنَا خَطَـٰيَـٰنَآ أَن كُنَّآ أَوَّلَ ٱلْمُؤْمِنِينَ٥١
Inna natmaʿu an yaghfira lana rabbuna khatayana an kunna awwala almumineena
Hakika sisi tunatumai Mola wetu Mlezi atatusamehe makosa yetu, kwa kuwa ndio wa kwanza wa kuamini.51
Maelezo
[51] Hakika sisi tunataraji Mola wetu Mlezi atatusamehe makosa yetu tuliyo yafanya zamani, kwa kuwa sisi ndio wa mwanzo wa Waumini katika kaumu yako. -
۞ وَأَوْحَيْنَآ إِلَىٰ مُوسَىٰٓ أَنْ أَسْرِ بِعِبَادِىٓ إِنَّكُم مُّتَّبَعُونَ٥٢
Waawhayna ila moosa an asri biʿibadee innakum muttabaʿoona
Na tulimuamrisha Musa kwa wahyi: Nenda na waja wangu wakati wa usiku. Kwa hakika mtafuatwa.52
Maelezo
[52] Na Mwenyezi Mungu alimpa wahyi Musa a.s. atoke usiku usiku pamoja na Waumini miongoni mwa Wana wa Israili, ilipo kuwa tena haiwi kumsubirisha Musa. Mpango ukawa wa makundi mawili kwamba atangulie Musa na kaumu yake, na Firauni afuatie na kaumu yake, mpaka waingie katika maingilio ya njia ya baharini, na Mwenyezi Mungu awateketeze. -
فَأَرْسَلَ فِرْعَوْنُ فِى ٱلْمَدَآئِنِ حَـٰشِرِينَ٥٣
Faarsala firʿawnu fee almadaini hashireena
Basi Firauni akawatuma mijini wapiga mbiu za mgambo.53
Maelezo
[53] Firauni akawatuma askari wake katika miji ya mamlaka yake, wawakusanye wenye maguvu katika kaumu yake, alipo jua kuwa Musa kesha toka na Wana wa Israili, ili awazuie lile walilo kusudia. -
إِنَّ هَـٰٓؤُلَآءِ لَشِرْذِمَةٌ قَلِيلُونَ٥٤
Inna haolai lashirthimatun qaleeloona
(Wakieneza): Hakika hawa ni kikundi kidogo.54
Maelezo
[54] Firauni akasema: Hakika hawa Wana wa Israili walio kimbia na Musa ni taifa dogo kwa nguvu zao. Idadi yao ni chache. Anasema hayo kutia mori katika nyoyo za askari wake. -
وَإِنَّهُمْ لَنَا لَغَآئِظُونَ٥٥
Wainnahum lana laghaithoona
Nao wanatuudhi.55
Maelezo
[55] Na wao juu ya hivyo, wanatutibua roho kwa kuvunja amri yetu na kutoka bila ya idhini yetu. -
وَإِنَّا لَجَمِيعٌ حَـٰذِرُونَ٥٦
Wainna lajameeʿun hathiroona
Na sisi ni wengi, wenye kuchukua hadhari.56
Maelezo
[56] Na sisi ni wengi. Miongoni mwa ada zetu ni kuchukua hadhari, na kuwa macho, na kupania. -
فَأَخْرَجْنَـٰهُم مِّن جَنَّـٰتٍ وَعُيُونٍ٥٧
Faakhrajnahum min jannatin waʿuyoonin
Basi tukawatoa katika mabustani na chemchem,57
Maelezo
[57] Tukawatoa Firauni na askari wake kwenye nchi yao iliyo fanana na mabustani yapitiwayo na mito kati yao, wakaangamia kwa kujitenga kwao na Haki, na kuchochewa kutaka kumfuatia Musa, kama ilivyo kuja katika Aya tatu zilizo tangulia. -
وَكُنُوزٍ وَمَقَامٍ كَرِيمٍ٥٨
Wakunoozin wamaqamin kareemin
Na makhazina, na vyeo vya hishima,58
Maelezo
[58] Tukawatoa, kadhaalika, kwenye khazina za dhahabu na fedha, na majumba waliyo kuwa wakiyakalia, wakineemeka kwa uzuri wake na ubora wa starehe zake. -
كَذَٰلِكَ وَأَوْرَثْنَـٰهَا بَنِىٓ إِسْرَٰٓءِيلَ٥٩
Kathalika waawrathnaha banee israeela
Kadhaalika; na tukawarithisha hayo Wana wa Israili.59
Maelezo
[59] Ni kutoka kama huku kwa ajabu tulivyo kueleza ndivyo tulivyo watoa, na tukawapa ufalme huo na kila namna ya neema zilizo kuwamo Wana wa Israili, baada ya kuwa masikini hawana mbele wala nyuma. -
فَأَتْبَعُوهُم مُّشْرِقِينَ٦٠
Faatbaʿoohum mushriqeena
Basi wakawafuata lilipo chomoza jua.60
Maelezo
[60] Firauni na watu wake wakakaza mwendo ili wapate kuwawahi Wana wa Israili. Wakawakuta wakati wa kuchomoza jua. -
فَلَمَّا تَرَٰٓءَا ٱلْجَمْعَانِ قَالَ أَصْحَـٰبُ مُوسَىٰٓ إِنَّا لَمُدْرَكُونَ٦١
Falamma taraa aljamʿani qala ashabu moosa inna lamudrakoona
Na yalipo onana majeshi mawili haya, watu wa Musa wakasema: Hakika sisi bila ya shaka tumepatikana!61
Maelezo
[61] Walipo onana makundi mawili, watu wa Musa walisema: Hakika Firauni na watu wake watatupata. Basi tutaangamia. -
قَالَ كَلَّآ ۖ إِنَّ مَعِىَ رَبِّى سَيَهْدِينِ٦٢
Qala kalla inna maʿiya rabbee sayahdeeni
(Musa) akasema: Hasha! Hakika yu pamoja nami Mola wangu Mlezi. Yeye ataniongoa!62
Maelezo
[62] Musa akasema: Hakika mimi ninao uangalizi wa Mwenyezi Mungu unao nifuata kwa kunihifadhi. Na Yeye ataniongoza kwenye Njia ya uwokovu. Amesema hayo ili awatuze kuwa watasalimika, na iwe mbali na mawazo yao fikra ya kutisha kwamba takuja patikana. . -
فَأَوْحَيْنَآ إِلَىٰ مُوسَىٰٓ أَنِ ٱضْرِب بِّعَصَاكَ ٱلْبَحْرَ ۖ فَٱنفَلَقَ فَكَانَ كُلُّ فِرْقٍ كَٱلطَّوْدِ ٱلْعَظِيمِ٦٣
Faawhayna ila moosa ani idrib biʿasaka albahra fainfalaqa fakana kullu firqin kaalttawdi alʿatheemi
Tulimletea wahyi Musa tukamwambia: Piga bahari kwa fimbo yako. Basi ikatengana, na kila sehemu ikawa kama mlima mkubwa.63
Maelezo
[63] Tukamuamrisha Musa kwa wahyi, ufunuo, aipige bahari kwa fimbo yake. Ikapasuka bahari njia kumi na mbili kwa mujibu wa idadi ya mataifa ya Wana wa Israili. Kila njia katika hizo njia ilikuwa na kizuizi cha maji yaliyo nyanyuka kama mlima ulio simama imara. -
وَأَزْلَفْنَا ثَمَّ ٱلْـَٔاخَرِينَ٦٤
Waazlafna thamma alakhareena
Na tukawajongeza hapo wale wengine.64
Maelezo
[64] Tukawajongeza Firauni na kaumu yake mpaka wakaingia kwenye zile njia nyuma ya Musa na kaumu yake. -
وَأَنجَيْنَا مُوسَىٰ وَمَن مَّعَهُۥٓ أَجْمَعِينَ٦٥
Waanjayna moosa waman maʿahu ajmaʿeena
Tukawaokoa Musa na walio kuwa pamoja naye wote.65
Maelezo
[65] Tukamwokoa Musa na walio kuwa pamoja naye kwa hifadhi ya bahari nayo imeshikamana, mpaka wakamalizika kuvuka. -
ثُمَّ أَغْرَقْنَا ٱلْـَٔاخَرِينَ٦٦
Thumma aghraqna alakhareena
Kisha tukawazamisha hao wengine.66
Maelezo
[66] Kisha tukamzamisha Firauni pamoja na walio kuwa pamoja naye kwa kuwafudikiza kwa maji pale walipo wafuata. -
إِنَّ فِى ذَٰلِكَ لَـَٔايَةً ۖ وَمَا كَانَ أَكْثَرُهُم مُّؤْمِنِينَ٦٧
Inna fee thalika laayatan wama kana aktharuhum mumineena
Hakika bila ya shaka katika hayo ipo Ishara; lakini wengi wao si katika wenye kuamini.67
Maelezo
[67] Hakika katika vituko hivi vya ajabu vya kiungu pana funzo la kuzingatia kwa atakaye kunafiika. Lakini watu wengi si wenye kusadiki. -
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ٦٨
Wainna rabbaka lahuwa alʿazeezu alrraheemu
Na kwa hakika Mola wako Mlezi ndiye Mwenye nguvu Mwenye kurehemu.68
Maelezo
[68] Hakika Muumba wako na Mlezi wako ndiye huyo Mwenye nguvu katika kuwaadhibu wanao kanusha, Mwenye kuwaneemesha kwa rehema Waumini. -
وَٱتْلُ عَلَيْهِمْ نَبَأَ إِبْرَٰهِيمَ٦٩
Waotlu ʿalayhim nabaa ibraheema
Na wasomee khabari za Ibrahim.69
Maelezo
[69] Ewe Mtume! Na wasomee makafiri hadithi ya Ibrahim , Alayhi Ssalaam. -
إِذْ قَالَ لِأَبِيهِ وَقَوْمِهِۦ مَا تَعْبُدُونَ٧٠
Ith qala liabeehi waqawmihi ma taʿbudoona
Alipo mwambia baba yake na kaumu yake: Mnaabudu nini?70
Maelezo
[70] Alipo mwambia baba yake: Mnaabudu kitu gani hichi, ambacho hakifai kuabudiwa? Anakusudia kwa hayo kuyakebehi masanamu. -
قَالُوا۟ نَعْبُدُ أَصْنَامًا فَنَظَلُّ لَهَا عَـٰكِفِينَ٧١
Qaloo naʿbudu asnaman fanathallu laha ʿakifeena
Wakasema: Tunaabudu masanamu, daima tunayanyenyekea.71
Maelezo
[71] Wakasema kujibu kwa njia ya kujitapa: Tunaabudu masanamu, nasi tunadumu daima dawamu tukiyaabudu, kwa kuyaadhimisha na kuyatukuza! -
قَالَ هَلْ يَسْمَعُونَكُمْ إِذْ تَدْعُونَ٧٢
Qala hal yasmaʿoonakum ith tadʿoona
Akasema: Je! Yanakusikieni mnapo yaita?72
Maelezo
[72] Ibrahim akasema: Kwani yanasikia madua yenu? Au yanakuitikieni mnapo yaomba? Kwa hayo anakusudia kuwanabihisha upotovu wa mwendo wao. -
أَوْ يَنفَعُونَكُمْ أَوْ يَضُرُّونَ٧٣
Aw yanfaʿoonakum aw yadurroona
Au yanakufaeni, au yanakudhuruni?73
Maelezo
[73] Au yanakuleteeni manufaa mnapo yat'ii? Au yanakupatilizeni kwa madhara mkiyaasi? -
قَالُوا۟ بَلْ وَجَدْنَآ ءَابَآءَنَا كَذَٰلِكَ يَفْعَلُونَ٧٤
Qaloo bal wajadna abaana kathalika yafʿaloona
Wakasema: Bali tumewakuta baba zetu wakifanya hivyo hivyo.74
Maelezo
[74] Wakasema: Hawafanyi lolote katika hayo. Lakini sisi tumewakuta baba zetu wakiyaabudu mfano wa ibada yetu. Basi sisi tukawafwata kwa waliyo kuwa wakiyafanya. -
قَالَ أَفَرَءَيْتُم مَّا كُنتُمْ تَعْبُدُونَ٧٥
Qala afaraaytum ma kuntum taʿbudoona
Je! Mmewaona hawa mnao waabudu-75
Maelezo
[75] Ibrahim akasema kwa kuwasusuika: Je! Mlifikiri hata mkalijua jambo lolote lilio kupelekeeni kudumu na kuyaabudu hayo masanamu? -
أَنتُمْ وَءَابَآؤُكُمُ ٱلْأَقْدَمُونَ٧٦
Antum waabaokumu alaqdamoona
Nyinyi na baba zenu wa zamani?76
Maelezo
[76] Nyinyi na baba zenu wa zamani - ati haya yanastahiki kuabudiwa au la? Lau mngeli zingatia mngeli jua kuwa hakika nyinyi mko katika upotovu ulio wazi. -
فَإِنَّهُمْ عَدُوٌّ لِّىٓ إِلَّا رَبَّ ٱلْعَـٰلَمِينَ٧٧
Fainnahum ʿaduwwun lee illa rabba alʿalameena
Kwani hakika hao ni adui zangu, isipo kuwa Mola Mlezi wa walimwengu wote.77
Maelezo
[77] Kwani hakika hao mnao waabudu badala ya Mwenyezi Mungu ni maaadui kwangu mimi na kwenu. Basi mimi siwaabudu hao. Lakini ninaye muabudu na najijongeza kwake ni Muumba wa walimwengu wote, na Mwenye kumiliki mambo yao, na Mwenye kuwalinda. -
ٱلَّذِى خَلَقَنِى فَهُوَ يَهْدِينِ٧٨
Allathee khalaqanee fahuwa yahdeeni
Ambaye ndiye aliye niumba, na Yeye ndiye ananiongoa,78
Maelezo
[78] Ambae ndiye aliye nizua kabla sijawa chochote akaniumba kwa bora ya umbo, na akanitunukia uwongofu wa kunifikishia kwenye mafanikio yangu ya duniani na Akhera. -
وَٱلَّذِى هُوَ يُطْعِمُنِى وَيَسْقِينِ٧٩
Waallathee huwa yutʿimunee wayasqeeni
Na ambaye ndiye ananilisha na kuninywesha.79
Maelezo
[79] Na Yeye ndiye aliye nineemesha kwa vyakula na vinywaji, na akaniwezesha kuvipata na kunafiika kwavyo, ili kuhifadhi uhai wangu. -
وَإِذَا مَرِضْتُ فَهُوَ يَشْفِينِ٨٠
Waitha maridtu fahuwa yashfeeni
Na ninapo ugua ni Yeye ndiye anaye niponesha.80
Maelezo
[80] Na yakinishukia maradhi ni Yeye ndiye anaye niponesha, kwa kunisahilishia sababu za kupona na kuniwezesha kuzipata. -
وَٱلَّذِى يُمِيتُنِى ثُمَّ يُحْيِينِ٨١
Waallathee yumeetunee thumma yuhyeeni
Na ambaye atanifisha, na kisha atanihuisha.81
Maelezo
[81] Na Yeye ndiye atanifisha ikifika ajali yangu, na tena atanihuisha mara nyengine kwa ajili ya hisabu na malipo. -
وَٱلَّذِىٓ أَطْمَعُ أَن يَغْفِرَ لِى خَطِيٓـَٔتِى يَوْمَ ٱلدِّينِ٨٢
Waallathee atmaʿu an yaghfira lee khateeatee yawma alddeeni
Na ambaye ndiye ninaye mtumai kunisamehe makosa yangu Siku ya Malipo.82
Maelezo
[82] Na Yeye ndiye ninaye mtumai kunighufiria na kuyasemehe makosa yangu madogo madogo ya kujikwaa duniani, utapo fika wakati wa hisabu. -
رَبِّ هَبْ لِى حُكْمًا وَأَلْحِقْنِى بِٱلصَّـٰلِحِينَ٨٣
Rabbi hab lee hukman waalhiqnee bialssaliheena
Mola wangu Mlezi! Nitunukie hukumu na uniunganishe na watendao mema.83
Maelezo
[83] Ibrahim a.s. akasema kwa kuomba: Mola wangu Mlezi! Nitunukie ukamilifu wa ilimu na vitendo, ili nipate kustahili kuubeba Ujumbe wako na hukummu kwa waja wako, na niwezeshe niungane pamoja na kundi la watendao wema. -
وَٱجْعَل لِّى لِسَانَ صِدْقٍ فِى ٱلْـَٔاخِرِينَ٨٤
Waijʿal lee lisana sidqin fee alakhireena
Na unijaalie nitajwe kwa wema na watu watakao kuja baadaye.84
Maelezo
[84] Na nijaalie nipate sifa nzuri na kumbusho jema kwa kaumu zitazo kuja baada yangu, mabaki yake yasalie mpaka Siku ya Kiyama. -
وَٱجْعَلْنِى مِن وَرَثَةِ جَنَّةِ ٱلنَّعِيمِ٨٥
Waijʿalnee min warathati jannati alnnaʿeemi
Na unijaalie katika warithi wa Bustani za neema.85
Maelezo
[85] Na nijaalie katika waja wako ulio watunukia neema za Peponi, kuwa ni malipo kwa sababu ya Imani yao kukuamini Wewe, na ibada yao kukuabudu Wewe. -
وَٱغْفِرْ لِأَبِىٓ إِنَّهُۥ كَانَ مِنَ ٱلضَّآلِّينَ٨٦
Waighfir liabee innahu kana mina alddalleena
Na umsamehe baba yangu, kwani hakika alikuwa miongoni mwa wapotovu.86
Maelezo
[86] Na mjaalie baba yangu astahili msamaha kwa kumwezesha kuwa Muislamu. Na yeye alikuwa kamuahidi kusilimu siku alio achana naye, kwani yeye huyo baba alikuwa ameitupa kando njia ya uwongofu na uwongozi. -
وَلَا تُخْزِنِى يَوْمَ يُبْعَثُونَ٨٧
Wala tukhzinee yawma yubʿathoona
Wala usinihizi Siku watapo fufuliwa.87
Maelezo
[87] Wala usinitie aibu au hizaya mbele ya watu, Siku watapo tolewa makaburini kwa ajili ya hisabu na malipo. -
يَوْمَ لَا يَنفَعُ مَالٌ وَلَا بَنُونَ٨٨
Yawma la yanfaʿu malun wala banoona
Siku ambayo kwamba mali hayato faa kitu wala wana.88
Maelezo
[88] Siku ambayo hapana mtu ataye nafiika kwa mali ayatoe, au kwa wana wamsaidie. -
إِلَّا مَنْ أَتَى ٱللَّهَ بِقَلْبٍ سَلِيمٍ٨٩
Illa man ata Allaha biqalbin saleemin
Isipo kuwa mwenye kumjia Mwenyezi Mungu na moyo safi.89
Maelezo
[89] Isipo kuwa aliye kuwa Muumini, na akamkabili Mwenyezi Mungu na moyo ulio mzima, hauna maradhi ya ukafiri, na unaafiki, na riya (kujionesha). -
وَأُزْلِفَتِ ٱلْجَنَّةُ لِلْمُتَّقِينَ٩٠
Waozlifati aljannatu lilmuttaqeena
Na Pepo itasogezwa kwa wachamngu.90
Maelezo
[90] Na Pepo itajongezwa, na itakaribishwa pahala pa watu wema. Basi wataiendea wale walio jikinga na ukafiri na maasi, na wakaikubali Imani na ut'iifu duniani. -
وَبُرِّزَتِ ٱلْجَحِيمُ لِلْغَاوِينَ٩١
Waburrizati aljaheemu lilghaweena
Na Jahannamu itadhihirishwa kwa wapotovu.91
Maelezo
[91] Na Moto utaletwa mbele ya walio iacha Dini ya Haki, mpaka ndimi zake zikaribie kuwanyakua, nao watakuwa majutoni. -
وَقِيلَ لَهُمْ أَيْنَ مَا كُنتُمْ تَعْبُدُونَ٩٢
Waqeela lahum ayna ma kuntum taʿbudoona
Na wataambiwa: Wako wapi mlio kuwa mkiwaabudu92
Maelezo
[92] Wakaambiwa kwa kuwatahayarisha: Iko wapi hiyo miungu yenu mliyo kuwa mkiiabudu badala ya Mwenyezi Mungu? -
مِن دُونِ ٱللَّهِ هَلْ يَنصُرُونَكُمْ أَوْ يَنتَصِرُونَ٩٣
Min dooni Allahi hal yansuroonakum aw yantasiroona
Badala ya Mwenyezi Mungu? Je! Wanakusaidieni, au wanajisaidia wenyewe?93
Maelezo
[93] Badala ya Mwenyezi Mungu, na mnadai kuwa ati ndio itakuombeeni hii leo? Je! Inakufaeni kitu kwa kukunusuruni, au hata inajifaa wenyewe kujisaidia? Hapana lolote. Kwani wao na miungu yao ni kuni za Moto. -
فَكُبْكِبُوا۟ فِيهَا هُمْ وَٱلْغَاوُۥنَ٩٤
Fakubkiboo feeha hum waalghawoona
Basi watavurumizwa humo wao na hao wakosefu,94
Maelezo
[94] Watatumbukizwa katika Jahannamu kifudifudi, wakipinduliwa pinduliwa mpaka waishie ndani kabisa shimoni, wao na walio wapoteza na wakawatia katika madhambi na upotovu. -
وَجُنُودُ إِبْلِيسَ أَجْمَعُونَ٩٥
Wajunoodu ibleesa ajmaʿoona
Na majeshi ya Ibilisi yote.95
Maelezo
[95] Na pamoja nao watakuwapo wasaidizi wa Ibilisi walio kuwa wakiwapambia shari na madhambi, au wale watu na majini walio wakiwafuata katika maasi. -
قَالُوا۟ وَهُمْ فِيهَا يَخْتَصِمُونَ٩٦
Qaloo wahum feeha yakhtasimoona
Watasema, na hali ya kuwa wanazozana humo:96
Maelezo
[96] Watasema huku wakiungama makosa yao, na huku wanagombana na miungu yao waliyo kuwa wakiiabudu: -
تَٱللَّهِ إِن كُنَّا لَفِى ضَلَـٰلٍ مُّبِينٍ٩٧
TaAllahi in kunna lafee dalalin mubeenin
Wallahi! Kwa yakini tulikuwa katika upotovu ulio dhaahiri,97
Maelezo
[97] Wallahi! Hakika sisi tulikuwa katika dunia yetu tumepotea kweli, na wajinga wa kutupwa, na tumeiacha Haki ambayo haina kificho ndani yake. -
إِذْ نُسَوِّيكُم بِرَبِّ ٱلْعَـٰلَمِينَ٩٨
Ith nusawweekum birabbi alʿalameena
Tulipo kufanyeni ni sawa na Mola Mlezi wa walimwengu wote.98
Maelezo
[98] Pale tulipo kufanyeni nyinyi tulio kuabuduni badala ya Mwenyezi Mungu kuwa ati ni sawa sawa na Mola Mlezi wa walimwengu wote katika kustahiki kuabudiwa, juu ya kuwa hamjiwezi wala hamfai kwa lolote. -
وَمَآ أَضَلَّنَآ إِلَّا ٱلْمُجْرِمُونَ٩٩
Wama adallana illa almujrimoona
Tulipo kufanyeni ni sawa na Mola Mlezi wa walimwengu wote.99
Maelezo
[99] Wala hapana walio tutia katika hilaki hii ila wakosefu walio tupotoa tukaiwacha Njia Iliyo Nyooka. -
فَمَا لَنَا مِن شَـٰفِعِينَ١٠٠
Fama lana min shafiʿeena
Basi hatuna waombezi.100
Maelezo
[100] Basi hapana wa kuombwa akaja kutuvua na adhabu hii kama tulivyo dhania pale kwanza. -
وَلَا صَدِيقٍ حَمِيمٍ١٠١
Wala sadeeqin hameemin
Wala rafiki wa dhati.101
Maelezo
[101] Wala hapana rafiki wa kuwaonea uchungu kwa hali yao, licha ya kuwaokoa. -
فَلَوْ أَنَّ لَنَا كَرَّةً فَنَكُونَ مِنَ ٱلْمُؤْمِنِينَ١٠٢
Falaw anna lana karratan fanakoona mina almumineena
Laiti tungeli pata kurejea tena tungeli kuwa katika Waumini.102
Maelezo
[102] Basi hapo ndio wanajitamania nafsi zao lau wangeli rejea duniani wapate kuwa Waumini ili waokoke. -
إِنَّ فِى ذَٰلِكَ لَـَٔايَةً ۖ وَمَا كَانَ أَكْثَرُهُم مُّؤْمِنِينَ١٠٣
Inna fee thalika laayatan wama kana aktharuhum mumineena
Hakika katika haya ipo Ishara, lakini wengi wao hawakuwa wenye kuamini.103
Maelezo
[103] Na hakika katika khabari za Ibrahim zilizo tajwa yapo mawaidha na mazingatio kwa mwenye kutaka mawaidha na akazingatia. Na wala si wengi katika watu wako wanao somewa khabari hizi wenye kuitikia wito wako. -
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ١٠٤
Wainna rabbaka lahuwa alʿazeezu alrraheemu
Na hakika Mola wako Mlezi ndiye Mwenye nguvu Mwenye kurehemu.104
Maelezo
[104] Na hakika hapana shaka Mola wako Mlezi ni Muweza wa kuwaadhibu wanao kadhibisha, naye ni Mfadhili wa watu wema kwa neema nyingi. -
كَذَّبَتْ قَوْمُ نُوحٍ ٱلْمُرْسَلِينَ١٠٥
Kaththabat qawmu noohin almursaleena
Kaumu ya Nuhu waliwakadhibisha Mitume.105
Maelezo
[105] Na Mwenyezi Mungu ametaja khabari za Nuhu kwa kauli yake: Kaumu ya Nuhu iliukanusha Utume wake, wakamrudishia mwenyewe. Kwa kitendo hicho ikawa wamewakadhibisha Mitume wote wa Mwenyezi Mungu, kwa kuwa wito wao ni mmoja katika asli yake na lengo lake. -
إِذْ قَالَ لَهُمْ أَخُوهُمْ نُوحٌ أَلَا تَتَّقُونَ١٠٦
Ith qala lahum akhoohum noohun ala tattaqoona
Alipo waambia ndugu yao, Nuhu: Je! Hamchimngu?.106
Maelezo
[106] Waliukanusha Utume huu pale alipo waambia ndugu yao Nuhu - ndugu kwa makhusiano ya nasaba si kwa Dini - akiwahadharisha: Hamumchi Mwenyezi Mungu, mkaacha kuabudu wenginewe? -
إِنِّى لَكُمْ رَسُولٌ أَمِينٌ١٠٧
Innee lakum rasoolun ameenun
Hakika mimi kwenu ni Mtume muaminifu.107
Maelezo
[107] Hakika mimi ni Mtume, nimetumwa kwenu nikuongoeni kwenye Njia ya wongofu, na ni muaminifu wa kufikisha huu Ujumbe. -
فَٱتَّقُوا۟ ٱللَّهَ وَأَطِيعُونِ١٠٨
Faittaqoo Allaha waateeʿooni
Basi Mcheni Mwenyezi Mungu, na nit'iini mimi.108
Maelezo
[108] Basi mkhofuni Mwenyezi Mungu, na fuateni amri yangu katika hayo ninayo kuitieni kwayo ya kumuamini Mwenyezi Mungu wa pekee na kumt'ii. -
وَمَآ أَسْـَٔلُكُمْ عَلَيْهِ مِنْ أَجْرٍ ۖ إِنْ أَجْرِىَ إِلَّا عَلَىٰ رَبِّ ٱلْعَـٰلَمِينَ١٠٩
Wama asalukum ʿalayhi min ajrin in ajriya illa ʿala rabbi alʿalameena
Na sikutakini juu yake ujira, kwani ujira wangu hauko ila kwa Mola Mlezi wa walimwengu wote.109
Maelezo
[109] Na wala sitaki kwenu ujira kwa ajili ya ninayo kupeni ya nasaha na wito. Na sina malipo ila kwa Mwenye kuwaumba viumbe wote, Aliye miliki mambo yao. -
فَٱتَّقُوا۟ ٱللَّهَ وَأَطِيعُونِ١١٠
Faittaqoo Allaha waateeʿooni
Basi Mcheni Mwenyezi Mungu, na nit'iini mimi.110
Maelezo
[110] Basi tahadharini na adhabu ya Mwenyezi Mungu, na fuateni ninayo kuamrisheni. -
۞ قَالُوٓا۟ أَنُؤْمِنُ لَكَ وَٱتَّبَعَكَ ٱلْأَرْذَلُونَ١١١
Qaloo anuminu laka waittabaʿaka alarthaloona
Wakasema: Je! Tukuamini wewe, hali wanao kufuata ni watu wa chini?.111
Maelezo
[111] Watu wa Nuhu, huku wakiukataa wito wake, walisema: Hatutokuwa na imani nawe maadamu wanakufuata watu duni kabisa, wasio kuwa na hadhi wala mali. -
قَالَ وَمَا عِلْمِى بِمَا كَانُوا۟ يَعْمَلُونَ١١٢
Qala wama ʿilmee bima kanoo yaʿmaloona
Akasema: Nayajuaje waliyo kuwa wakiyafanya?.112
Maelezo
[112] Nuhu akasema: Kitu gani cha kunijuvya uchache wa hadhi yao na mali yao? Nikitakacho mimi kwao ni Imani yao bila ya kutafuta kuzijua kazi zao. -
إِنْ حِسَابُهُمْ إِلَّا عَلَىٰ رَبِّى ۖ لَوْ تَشْعُرُونَ١١٣
In hisabuhum illa ʿala rabbee law tashʿuroona
Hisabu yao haiko ila kwa Mola wao Mlezi, laiti mngeli tambua!.113
Maelezo
[113] Hapana wa kuwalipa kwa vitendo vyao na kazi zao ila Mola wangu Mlezi; kwani Yeye ndiye anaye yajua vyema ya undani wao. Kama nyinyi ni watu watambuzi mngeli tambua hayo. -
وَمَآ أَنَا۠ بِطَارِدِ ٱلْمُؤْمِنِينَ١١٤
Wama ana bitaridi almumineena
Wala mimi si wa kuwafukuza Waumini.114
Maelezo
[114] Wala mimi siye wa kuwafukuza watu wanao uamini wito wangu vyovyote itavyo kuwa hali yao ya ufakiri au utajiri, kwa sababu ati ya kukubalieni nyinyi kwa mtakalo ili ndio mpate kuniamini. -
إِنْ أَنَا۠ إِلَّا نَذِيرٌ مُّبِينٌ١١٥
In ana illa natheerun mubeenun
Mimi si cho chote ila ni Mwonyaji wa dhaahiri shaahiri.115
Maelezo
[115] Mimi si chochote ila ni Mtume niliye toka kwa Mwenyezi Mungu kuwaonya walio wajibikiwa kwa onyo lilio wazi, kwa ushahidi wa kutenganisha baina ya kweli na uwongo, bila ya farka yoyote baina ya mtukufu na mnyonge. Basi vipi itanifalia mimi kuwafukuza Waumini kwa sababu ya ufakiri wao? -
قَالُوا۟ لَئِن لَّمْ تَنتَهِ يَـٰنُوحُ لَتَكُونَنَّ مِنَ ٱلْمَرْجُومِينَ١١٦
Qaloo lain lam tantahi ya noohu latakoonanna mina almarjoomeena
Wakasema: Ikiwa huachi, ewe Nuhu, bila ya shaka utapigwa mawe.116
Maelezo
[116] Wakasema: Ewe Nuhu! Ikiwa hutoacha huu wito wako basi jua yakini tutakupopoa mawe. Yaani wanakusudia kwa haya kumtishia kumuuwa. -
قَالَ رَبِّ إِنَّ قَوْمِى كَذَّبُونِ١١٧
Qala rabbi inna qawmee kaththabooni
Akasema: Mola wangu Mlezi! Hakika watu wangu wamenikanusha.117
Maelezo
[117] Nuhu kuonyesha kushikilia watu wake kuukadhibisha wito wake, alisema: Ewe Mola wangu Mlezi! Hakika watu wangu wamenikanusha! Kuthibitisha kuwa wanastahiki maapizo yake. -
فَٱفْتَحْ بَيْنِى وَبَيْنَهُمْ فَتْحًا وَنَجِّنِى وَمَن مَّعِىَ مِنَ ٱلْمُؤْمِنِينَ١١٨
Faiftah baynee wabaynahum fathan wanajjinee waman maʿiya mina almumineena
Basi hukumu baina yangu na wao kwa hukumu yako, na uniokoe mimi na walio pamoja nami, Waumini.118
Maelezo
[118] Basi tuhukumie baina yangu na wao, kwa hukumu ya kuwaangamiza wanao pinga Upweke wako, na wakamkadhibisha Mtume wako! Na niokoe mimi na Waumini walio pamoja nami na adhabu ya uasi wao. -
فَأَنجَيْنَـٰهُ وَمَن مَّعَهُۥ فِى ٱلْفُلْكِ ٱلْمَشْحُونِ١١٩
Faanjaynahu waman maʿahu fee alfulki almashhooni
Kwa hivyo tukamwokoa yeye na walio kuwa pamoja naye katika marikebu iliyo sheheni.119
Maelezo
[119] Ndio hivyo tukamwokoa yeye pamoja na walio amini katika safina iliyo pakia pomoni wao hao pamoja na mahitaji yao, kwa kuitikia dua yake. -
ثُمَّ أَغْرَقْنَا بَعْدُ ٱلْبَاقِينَ١٢٠
Thumma aghraqna baʿdu albaqeena
Kisha tukawazamisha baadaye walio bakia.120
Maelezo
[120] Baada ya kuokoka kwa Nuhu na walio amini, Mwenyezi Mungu aliwazamisha walio baki katika kaumu ya Nuhu walio kuwa hawakuamini. -
إِنَّ فِى ذَٰلِكَ لَـَٔايَةً ۖ وَمَا كَانَ أَكْثَرُهُم مُّؤْمِنِينَ١٢١
Inna fee thalika laayatan wama kana aktharuhum mumineena
Na hakika Mola wako Mlezi ndiye Yeye Mwenye nguvu Mwenye kurehemu.121
Maelezo
[121] Hakika katika yaliyo simuliwa na Qur'ani juu ya khabari za Nuhu ni hoja ya kuthibitisha ukweli wa Mitume na uwezo wa Mwenyezi Mungu. Na katika watu walio somewa hadithi hizi si wengi walio amini. -
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ١٢٢
Wainna rabbaka lahuwa alʿazeezu alrraheemu
Kina A'd waliwakanusha Mitume.122
Maelezo
[122] Na hakika Mola wako Mlezi ndiye Yeye Mwenye nguvu za kumuadhibu kila jabari mwenye inda, Mwenye kuwaneemesha wachamngu kwa kila namna ya fadhila. -
كَذَّبَتْ عَادٌ ٱلْمُرْسَلِينَ١٢٣
Kaththabat ʿadun almursaleena
Kina A'd waliwakanusha Mitume.123
Maelezo
[123] Kabila ya A'di ilimkanusha Mtume wao Hud a.s. Na kwa hivyo wakawa ndio wamewakadhibisha Mitume wote, kwa kuwa wito wao ni mmoja katika asli yake na lengo lake. -
إِذْ قَالَ لَهُمْ أَخُوهُمْ هُودٌ أَلَا تَتَّقُونَ١٢٤
Ith qala lahum akhoohum hoodun ala tattaqoona
Alipo waambia ndugu yao, Hud: Je! Hamchimngu?124
Maelezo
[124] Alipo waambia ndugu yao Hud: Hamumwogopi Mwenyezi Mungu, mkamsafia ibada? -
إِنِّى لَكُمْ رَسُولٌ أَمِينٌ١٢٥
Innee lakum rasoolun ameenun
Basi mcheni Mwenyezi Mungu, na nit'iini mimi.125
Maelezo
[125] Hakika mimi nimetumwa kutoka kwa Mwenyezi Mungu ili nikuongoeni mfuate uwongozi, na ni mwenye kuulinda ujumbe wa Mwenyezi Mungu. Naufikisha ujumbe huo kama alivyo niamrisha Mola wangu Mlezi. -
فَٱتَّقُوا۟ ٱللَّهَ وَأَطِيعُونِ١٢٦
Faittaqoo Allaha waateeʿooni
Basi mcheni Mwenyezi Mungu, na nit'iini.126
Maelezo
[126] Basi ifuateni amri ya Mwenyezi Mungu. Na ikhofuni adhabu yake. Na t'iini ninayo kuamrisheni yanayo toka kwa Mwenyezi Mungu. -
وَمَآ أَسْـَٔلُكُمْ عَلَيْهِ مِنْ أَجْرٍ ۖ إِنْ أَجْرِىَ إِلَّا عَلَىٰ رَبِّ ٱلْعَـٰلَمِينَ١٢٧
Wama asalukum ʿalayhi min ajrin in ajriya illa ʿala rabbi alʿalameena
Wala sikutakeni juu yake ujira, kwani ujira wangu hauko ila kwa Mola Mlezi wa walimwengu wote.127
Maelezo
[127] Wala kwa hii nasaha yangu na uwongozi wangu sitaki kwenu ujira. Sina malipo isipo kuwa kwa Muumba wa viumbe vyote. -
أَتَبْنُونَ بِكُلِّ رِيعٍ ءَايَةً تَعْبَثُونَ١٢٨
Atabnoona bikulli reeʿin ayatan taʿbathoona
Je! Mnajenga juu ya kila mnyanyuko kumbusho la kufanyia upuuzi?128
Maelezo
[128] Je! Mnasimamisha juu ya kila pahala palipo nyanyuka katika nchi jengo refu kwa ajili ya kujifakhirisha, na mnakutana humo kwa mambo ya upuuzi na fisadi? Mwenyezi Mungu Subhanahu anataka kwa haya kuwazindua watende yatakayo wanufaisha, na anawatahayarisha kwa kuacha kwao Imani na vitendo vyema. -
وَتَتَّخِذُونَ مَصَانِعَ لَعَلَّكُمْ تَخْلُدُونَ١٢٩
Watattakhithoona masaniʿa laʿallakum takhludoona
Na mnajenga majengo ya fakhari kama kwamba mtaishi milele!129
Maelezo
[129] Na mnajenga majumba ya fakhari na imara, na mahodhi ya maji, kwa kutaraji kuishi milele katika dunia hii, kama kwamba hamtakufa. -
وَإِذَا بَطَشْتُم بَطَشْتُمْ جَبَّارِينَ١٣٠
Waitha batashtum batashtum jabbareena
Na mnapo tumia nguvu mnatumia nguvu kwa ujabari.130
Maelezo
[130] Na mnapo ingia kutesa, mnapita kiasi katika uasi na uvamizi wa jeuri, mnauwa, na mnapiga kwa chuki bila ya huruma. -
فَٱتَّقُوا۟ ٱللَّهَ وَأَطِيعُونِ١٣١
Faittaqoo Allaha waateeʿooni
Basi mcheni Mwenyezi Mungu, na nit'iini.131
Maelezo
[131] Mwogopeni Mwenyezi Mungu katika kutumia nguvu, Na fuateni amri yangu katika ninayo kuitieni. Kwani hayo hakika ndiyo yatakayo kukufaeni na ndiyo yatakayo dumu zaidi. -
وَٱتَّقُوا۟ ٱلَّذِىٓ أَمَدَّكُم بِمَا تَعْلَمُونَ١٣٢
Waittaqoo allathee amaddakum bima taʿlamoona
Na mcheni aliye kupeni haya mnayo yajua.132
Maelezo
[132] Na tahadharini na ghadhabu za Mwenyezi Mungu aliye kukunjulieni neema zake, kwa mnayo yajua yaliyo mbele yenu ya vipawa vyake vya namna mbali mbali. -
أَمَدَّكُم بِأَنْعَـٰمٍ وَبَنِينَ١٣٣
Amaddakum bianʿamin wabaneena
Amekupeni wanyama wa kufuga na wana.133
Maelezo
[133] Kama alivyo kupeni mifugo kama ngamia, na ng'ombe, na kondoo, na mbuzi, na wana wenye nguvu, wakukulindieni mifugo yenu, na kukusaidieni katika shida za maisha. -
وَجَنَّـٰتٍ وَعُيُونٍ١٣٤
Wajannatin waʿuyoonin
Na mabustani na chemchem.134
Maelezo
[134] Na mabustani yenye matunda, na chemchem zenye kutiririka maji mnayo yahitajia. -
إِنِّىٓ أَخَافُ عَلَيْكُمْ عَذَابَ يَوْمٍ عَظِيمٍ١٣٥
Innee akhafu ʿalaykum ʿathaba yawmin ʿatheemin
Hakika mimi ninakukhofieni adhabu ya Siku Kubwa.135
Maelezo
[135] Mimi nina khofu asije Mwenyezi Mungu akakuteremshieni adhabu kali hapa duniani, na Akhera akakutieni katika Moto wa Jahannamu kwa sababu ya ujabari wenu na starehe alizo kustarehesheni Mwenyezi Mungu. -
قَالُوا۟ سَوَآءٌ عَلَيْنَآ أَوَعَظْتَ أَمْ لَمْ تَكُن مِّنَ ٱلْوَٰعِظِينَ١٣٦
Qaloo sawaon ʿalayna awaʿathta am lam takun mina alwaʿitheena
Wakasema: Ni mamoja kwetu, ukitupa mawaidha au hukuwa miongoni mwa watoao mawaidha.136
Maelezo
[136] Wakasema kwa kumkejeli: Ni sawa kwetu, ukitupa waadhi na kutuonya au ukawa si katika wenye kutoa waadhi. -
إِنْ هَـٰذَآ إِلَّا خُلُقُ ٱلْأَوَّلِينَ١٣٧
In hatha illa khuluqu alawwaleena
Haya si chochote ila ni mtindo wa watu wa tokea zamani.137
Maelezo
[137] Haya uliyo tuletea si lolote ila ni uwongo na upotovu wa watu wa zamani. Wao wamezoea kuzua kama hivyo. Kwa hivyo sisi hatutaacha tuliyo kuwa nayo. -
وَمَا نَحْنُ بِمُعَذَّبِينَ١٣٨
Wama nahnu bimuʿaththabeena
Wala sisi hatutaadhibiwa.138
Maelezo
[138] Wala sisi hatutaadhibiwa kwa vitendo tuvitendavyo. -
فَكَذَّبُوهُ فَأَهْلَكْنَـٰهُمْ ۗ إِنَّ فِى ذَٰلِكَ لَـَٔايَةً ۖ وَمَا كَانَ أَكْثَرُهُم مُّؤْمِنِينَ١٣٩
Fakaththaboohu faahlaknahum inna fee thalika laayatan wama kana aktharuhum mumineena
Wakamkanusha; nasi tukawaangamiza. Hakika bila ya shaka katika haya ipo Ishara. Lakini hawakuwa wengi wao wenye kuamini.139
Maelezo
[139] Basi wakaendelea kushikilia kumkanusha. Mwenyezi Mungu akawafanyia haraka kuwateketeza. Hakika katika hayo aliyo wateremshia Mwenyezi Mungu kina A'di kwa kuwa ni malipo kwa ukanushi wao, ni hoja inayo juulisha ukamilifu wa uwezo wa Mwenyezi Mungu. Na si wengi katika wanao somewa khabari za A'adi walio Waumini. -
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ١٤٠
Wainna rabbaka lahuwa alʿazeezu alrraheemu
Na hakika Mola wako Mlezi ndiye Mwenye nguvu Mwenye kurehemu.140
Maelezo
[140] Na Mola wako Mlezi ndiye Mtenda nguvu wa kuwashinda hao majabari, Mwenye kuwarehemu Waumini. -
كَذَّبَتْ ثَمُودُ ٱلْمُرْسَلِينَ١٤١
Kaththabat thamoodu almursaleena
Kina Thamud waliwakanusha Mitume.141
Maelezo
[141] Kabila ya Thamud ilimkanusha Swaleh katika Ujumbe wake na wito wake, na kwa hivyo ikawa wamewakanusha Mitume wote, kwa kuwa asli ya Ujumbe ni moja, na lengo ni moja. -
إِذْ قَالَ لَهُمْ أَخُوهُمْ صَـٰلِحٌ أَلَا تَتَّقُونَ١٤٢
Ith qala lahum akhoohum salihun ala tattaqoona
Alipo waambia ndugu yao Swaleh: Je! Hamumchimngu?142
Maelezo
[142] Ewe Mtume! Watajie watu wako, wakati ule kina Thamud walipo ambiwa na ndugu yao kwa uzao na uwananchi, si kwa dini, Swaleh: Hamumwogopi Mwenyezi Mungu, mkamuaabudu Yeye tu? -
إِنِّى لَكُمْ رَسُولٌ أَمِينٌ١٤٣
Innee lakum rasoolun ameenun
Hakika mimi kwenu ni Mtume muaminifu.143
Maelezo
[143] Hakika mimi nimetumwa na Mwenyezi Mungu kwenu kwa mambo yenye kheri yenu na mafanikio yenu. Na mimi ni mwenye kuuhifadhi Ujumbe huu kama nilivyo upokea kwa Mwenyezi Mungu. -
فَٱتَّقُوا۟ ٱللَّهَ وَأَطِيعُونِ١٤٤
Faittaqoo Allaha waateeʿooni
Basi mcheni Mwenyezi Mungu, na nit'iini.144
Maelezo
[144] Kwa hivyo tahadharini na adhabu ya Mwenyezi Mungu, na nifuateni kwa haya ninayo kuitieni kwayo kutokana na amri zake. -
وَمَآ أَسْـَٔلُكُمْ عَلَيْهِ مِنْ أَجْرٍ ۖ إِنْ أَجْرِىَ إِلَّا عَلَىٰ رَبِّ ٱلْعَـٰلَمِينَ١٤٥
Wama asalukum ʿalayhi min ajrin in ajriya illa ʿala rabbi alʿalameena
Wala sikutakini ujira juu yake. Ujira wangu hauko ila kwa Mola Mlezi wa walimwengu wote.145
Maelezo
[145] Wala sitaki kwenu ujira wowote kwa hii nasaha yangu na uwongozi wangu. Ujira wangu uko kwa Mwenye kumiliki walimwengu wote. -
أَتُتْرَكُونَ فِى مَا هَـٰهُنَآ ءَامِنِينَ١٤٦
Atutrakoona fee ma hahuna amineena
Je! Mtaachwa salama usalimina katika haya yaliyopo hapa?146
Maelezo
[146] Lilio wazuia ni kule kuamini kwao kwamba ati wataselelea katika zile starehe, watasalimika na adhabu, na kutoweka, na mauti, -
فِى جَنَّـٰتٍ وَعُيُونٍ١٤٧
Fee jannatin waʿuyoonin
Katika mabustani, na chemchem?147
Maelezo
[147] Katika mabustani ya matunda, na chemchem zenye kutoa maji matamu, -
وَزُرُوعٍ وَنَخْلٍ طَلْعُهَا هَضِيمٌ١٤٨
Wazurooʿin wanakhlin talʿuha hadeemun
Na konde na mitende yenye makole yaliyo wiva.148
Maelezo
[148] Na konde zilizo wiva, na mitende ambayo mazao yake yamedhihiri mapevu na laini. -
وَتَنْحِتُونَ مِنَ ٱلْجِبَالِ بُيُوتًا فَـٰرِهِينَ١٤٩
Watanhitoona mina aljibali buyootan fariheena
Na mnachonga milimani majumba kwa ustadi.149
Maelezo
[149] Na mnachonga milimani majumba kwa ufundi na ustadi katika hayo mnayo yaunda. -
فَٱتَّقُوا۟ ٱللَّهَ وَأَطِيعُونِ١٥٠
Faittaqoo Allaha waateeʿooni
Basi mcheni Mwenyezi Mungu, na nit'iini mimi.150
Maelezo
[150] Basi iogopeni adhabu ya Mwenyezi Mungu, kwa kuto mshukuru kwenu kwa neema zake; na pokeeni nasiha yangu na muitende. -
وَلَا تُطِيعُوٓا۟ أَمْرَ ٱلْمُسْرِفِينَ١٥١
Wala tuteeʿoo amra almusrifeena
Wala msit'ii amri za walio pindukia mipaka,.151
Maelezo
[151] Wala msiit'ii amri ya walio pindukia mipaka kwa ushirikina na kufuata pumbao na matamanio. -
ٱلَّذِينَ يُفْسِدُونَ فِى ٱلْأَرْضِ وَلَا يُصْلِحُونَ١٥٢
Allatheena yufsidoona fee alardi wala yuslihoona
Ambao wanafanya ufisadi katika nchi, wala hawatengenezi.152
Maelezo
[152] Ambao wanapitisha maisha yao katika ardhi kwa uharibifu, wala hawafanyi ya maslaha ya kutengeneza nchi. -
قَالُوٓا۟ إِنَّمَآ أَنتَ مِنَ ٱلْمُسَحَّرِينَ١٥٣
Qaloo innama anta mina almusahhareena
Wakasema: Hakika wewe ni miongoni mwa walio rogwa.153
Maelezo
[153] Wakasema: Wewe si chochote isipo kuwa miongoni mwa walio rogwa kikweli mpaka zikapotea akili zao. Na katika jawabu hii mna ukali na usafihi. -
مَآ أَنتَ إِلَّا بَشَرٌ مِّثْلُنَا فَأْتِ بِـَٔايَةٍ إِن كُنتَ مِنَ ٱلصَّـٰدِقِينَ١٥٤
Ma anta illa basharun mithluna fati biayatin in kunta mina alssadiqeena
Wewe si chochote ila ni mtu kama sisi. Basi lete Ishara ukiwa wewe ni miongoni mwa wasemao kweli.154
Maelezo
[154] Wewe si chochote ila ni mmoja unaye fanana na sisi kwa ubinaadamu, basi yawaje uwe bora kuliko sisi kwa Unabii na Utume? Na ukiwa wewe ni mkweli katika madai yako basi lete muujiza wa kuonyesha uthibitisho wa Utume wako. -
قَالَ هَـٰذِهِۦ نَاقَةٌ لَّهَا شِرْبٌ وَلَكُمْ شِرْبُ يَوْمٍ مَّعْلُومٍ١٥٥
Qala hathihi naqatun laha shirbun walakum shirbu yawmin maʿloomin
Akasema: Huyu ngamia jike; awe na zamu yake ya kunywa, na nyinyi muwe na zamu yenu ya kunywa katika siku maalumu.155
Maelezo
[155] Saleh akawaambia - alipo pewa na Mwenyezi Mungu ngamia jike kuwa ni muujiza wake: Huyu hapa ngamia jike wa Mwenyezi Mungu, amekutoleeni kuwa ni Ishara. Yeye ana sehemu yake ya maji katika siku moja; siku hiyo msinywe nyinyi. Na nyinyi mna sehemu yenu siku nyengine. Kunyweni siku hiyo. -
وَلَا تَمَسُّوهَا بِسُوٓءٍ فَيَأْخُذَكُمْ عَذَابُ يَوْمٍ عَظِيمٍ١٥٦
Wala tamassooha bisooin fayakhuthakum ʿathabu yawmin ʿatheemin
Wala ms!imguse kwa uwovu, isije ikakushikeni adhabu ya Siku Kubwa.156
Maelezo
[156] Wala msimletee madhara yoyote huyu ngamia, msije mkahiliki kwa adhabu kubwa. -
فَعَقَرُوهَا فَأَصْبَحُوا۟ نَـٰدِمِينَ١٥٧
Faʿaqarooha faasbahoo nadimeena
Lakini wakamuuwa, na wakawa wenye kujuta.157
Maelezo
[157] Wakamchinja ngamia, kinyume na walivyo wafikiana na Swaleh. Kwa hivyo wakastahiki kuwashukia adhabu, wakawa ni wenye kujuta kwa kitendo chao hicho. -
فَأَخَذَهُمُ ٱلْعَذَابُ ۗ إِنَّ فِى ذَٰلِكَ لَـَٔايَةً ۖ وَمَا كَانَ أَكْثَرُهُم مُّؤْمِنِينَ١٥٨
Faakhathahumu alʿathabu inna fee thalika laayatan wama kana aktharuhum mumineena
Basi ikawapata adhabu. Hakika katika hayo ipo Ishara. Lakini hawakuwa wengi wao wenye kuamini.158
Maelezo
[158] Basi ikawateketeza adhabu aliyo waahidi Swaleh, wala majuto hayakuwakinga na adhabu ya ukosefu wao. Hakika katika kusimulia kisa chao pana dalili ya kuonyesha uwezo wa Mwenyezi Mungu kuwateketeza makafiri na kuwaokoa Waumini. Na si wengi katika watu wako wenye kuamini. -
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ١٥٩
Wainna rabbaka lahuwa alʿazeezu alrraheemu
Na hakika Mola wako Mlezi ndiye Mwenye nguvu Mwenye kurehemu.159
Maelezo
[159] Na hakika bila ya shaka aliye kuumba ndiye Yeye Muweza wa kuwateketeza wapinzani, na Mfadhili wa kuwaokoa wachamngu. -
كَذَّبَتْ قَوْمُ لُوطٍ ٱلْمُرْسَلِينَ١٦٠
Kaththabat qawmu lootin almursaleena
Watu wa Luut'i waliwakanusha Mitume.160
Maelezo
[160] Alipo waita Luut'i watu wake wamuabudu Mwenyezi Mungu pekee, na waache ushirikina, waliwakanusha Mitume wote. -
إِذْ قَالَ لَهُمْ أَخُوهُمْ لُوطٌ أَلَا تَتَّقُونَ١٦١
Ith qala lahum akhoohum lootun ala tattaqoona
Alipo waambia ndugu yao, Luut'i: Je! Hamumchimngu?.161
Maelezo
[161] Ewe Mtume! Watajie watu wako pale Lut'i alipo waambia watu wake, naye ni ndugu yao na shemeji yao: -
إِنِّى لَكُمْ رَسُولٌ أَمِينٌ١٦٢
Innee lakum rasoolun ameenun
Hakika mimi kwenu ni Mtume muaminifu kwenu.162
Maelezo
[162] Hakika mimi nimetumwa kwenu na Mwenyezi Mungu nikuleteeni Dini ya Haki. Nami ni muaminifu wa kuifikisha Dini hii. -
فَٱتَّقُوا۟ ٱللَّهَ وَأَطِيعُونِ١٦٣
Faittaqoo Allaha waateeʿooni
Basi mcheni Mwenyezi Mungu na nit'iini mimi.163
Maelezo
[163] Basi tahadharini na adhabu ya Mwenyezi Mungu, na ifuateni amri yangu kwa ninayo kuitieni. -
وَمَآ أَسْـَٔلُكُمْ عَلَيْهِ مِنْ أَجْرٍ ۖ إِنْ أَجْرِىَ إِلَّا عَلَىٰ رَبِّ ٱلْعَـٰلَمِينَ١٦٤
Wama asalukum ʿalayhi min ajrin in ajriya illa ʿala rabbi alʿalameena
Wala mimi sikutakini ujira juu yake; ujira wangu hauko ila kwa Mola Mlezi wa walimwengu wote.164
Maelezo
[164] Wala mimi sitaki kwenu ujira kwa uwongofu na uwongozi ninao kuitieni. Sina ujira ila kwa Mwenye kumiliki viumbe vyote na Mlezi wao. -
أَتَأْتُونَ ٱلذُّكْرَانَ مِنَ ٱلْعَـٰلَمِينَ١٦٥
Atatoona alththukrana mina alʿalameena
Je! Katika viumbe vyote mnawaingilia wanaume?.165
Maelezo
[165] Lut'i alisema: Nyinyi mnastarehea kuwaingilia wanaume mkaacha wanawake? Kwa hayo anakusudia kuyakanya yale waliyo yazoea ya vitendo vichafu. "Je! Katika viumbe vyote mnawaingilia wanaume?" Yaani kazi ya liwat'i, ambayo tangu asli yake ni ukosefu muovu, unao chusha hata kuusikia, kinyume na maumbile, unao mteremsha mwanaadamu chini kabisa. Na lau kuwa unaenea basi huharibu sunna ya kuoa, nayo ni sunna ya maumbile, hata uzazi ukatike na ulimwengu usite kuendelea. Na kwa liwat'i huenea maradhi kama yanavyo enea kwa uzinzi kama tego, kisonono, donda ndugu, maradhi ya ngozi kama ukurutu, na hutokea ishara za kudhoofika nyama za nyuma hata ikawa mtu hawezi kujizuia kutokwa na choo ovyo. Na nyuma kwake mtu huchanua kukawa kama mdomo wa tarumbeta. Na huko nyuma hujaa vijidudu vya maradhi na hivyo humuambukiza mwenye kumuingilia na yeye hivyo vijidudu vikenda mletea maradhi mengine ya njia za mkojo. Na huenda huyo mwenye kufanywa mambo hayo akawa mpumbavu hafai kitu, ikiwa kaanza tangu utotoni. Na huenda akajidai kuonesha ujanadume mwingi kuliko kiasi kwa kutaka kuficha upungufu wake wa uume. (Karibuni imedhihiri kuwa maradhi ya khatari kabisa ya AIDS [Ukimwi] yameenea zaidi sana kwa watendao kitendo hichi na watumiao madawa ya ulevi, ijapo kuwa na wazinzi nao hupata!). Na Mwenyezi Mungu Subhanahu wa Taa'la ameukemea ukosefu huu katika Aya kadhaa wa kadhaa, na akabainisha hikima ya Mwenye kuhukumu kwa kuharimisha huku, kwa kusema: " Je! Katika viumbe vyote mnawaingilia wanaume? Na mnaacha alicho kuumbieni Mola wenu Mlezi katika wake zenu? Ama kweli nyinyi ni watu mnao ruka mipaka!" -
وَتَذَرُونَ مَا خَلَقَ لَكُمْ رَبُّكُم مِّنْ أَزْوَٰجِكُم ۚ بَلْ أَنتُمْ قَوْمٌ عَادُونَ١٦٦
Watatharoona ma khalaqa lakum rabbukum min azwajikum bal antum qawmun ʿadoona
Na mnaacha alicho kuumbieni Mola wenu Mlezi katika wake zenu? Ama kweli nyinyi ni watu mnao ruka mipaka!.166
Maelezo
[166] Na mnaacha aliyo kuumbieni Mwenyezi Mungu ya kustarehe na wake zenu walio halali yenu? Ama hakika nyinyi ni watu mlio pindukia mipaka ya udhalimu katika kufanya maasi. -
قَالُوا۟ لَئِن لَّمْ تَنتَهِ يَـٰلُوطُ لَتَكُونَنَّ مِنَ ٱلْمُخْرَجِينَ١٦٧
Qaloo lain lam tantahi ya lootu latakoonanna mina almukhrajeena
Wakasema: Ewe Luut'i! Usipo acha, hapana shaka utakuwa miongoni mwa wanao tolewa mji!.167
Maelezo
[167] Walikasirika kwa kule kuwakataza na kuwakemea kwa sababu ya jambo ovu na wakasema: Kama hukuacha kutukebehi tutakutoa mji kwa izara kubwa. -
قَالَ إِنِّى لِعَمَلِكُم مِّنَ ٱلْقَالِينَ١٦٨
Qala innee liʿamalikum mina alqaleena
Akasema: Hakika mimi ni katika wanao kichukia hichi kitendo chenu.168
Maelezo
[168] Lut'i akasema: Hakika mimi nakichukia mno hichi kitendo chenu, wala sitoacha kabisa kukipinga na kukikebehi. -
رَبِّ نَجِّنِى وَأَهْلِى مِمَّا يَعْمَلُونَ١٦٩
Rabbi najjinee waahlee mimma yaʿmaloona
Mola wangu Mlezi! Niokoe mimi na ahali zangu na haya wayatendayo.169
Maelezo
[169] Na akamwomba Mola wake Mlezi amwokoe yeye na ahali zake na wayatendayo wale wajinga, baada ya kwisha kata tamaa kuwa hawamsikilizi. -
فَنَجَّيْنَـٰهُ وَأَهْلَهُۥٓ أَجْمَعِينَ١٧٠
Fanajjaynahu waahlahu ajmaʿeena
Basi tukamwokoa yeye na ahali zake wote,.170
Maelezo
[170] Mwenyezi Mungu akamuitikia ombi lake, akamwokoa yeye na wale walio fuata wito wake, kwa kuwatoa wote majumbani mwao wakati wa kuteremka adhabu kuwashukia wenye kukanusha. -
إِلَّا عَجُوزًا فِى ٱلْغَـٰبِرِينَ١٧١
Illa ʿajoozan fee alghabireena
Isipo kuwa kikongwe katika walio kaa nyuma.171
Maelezo
[171] Ila mkewe kizee aliye baki, na hakutoka nao. Yeye akaangamia kwa kufuru zake na ukhaini wake, kwa kuwaunga mkono wakosefu. -
ثُمَّ دَمَّرْنَا ٱلْـَٔاخَرِينَ١٧٢
Thumma dammarna alakhareena
Kisha tukawaangamiza wale wengine.172
Maelezo
[172] Kisha Mwenyezi Mungu akawahiliki makafiri watendao uovu kwa hilaki kali na mbaya. -
وَأَمْطَرْنَا عَلَيْهِم مَّطَرًا ۖ فَسَآءَ مَطَرُ ٱلْمُنذَرِينَ١٧٣
Waamtarna ʿalayhim mataran fasaa mataru almunthareena
Na tukawanyeshea mvua, basi ni ovu mno mvua ya waliyo onywa.173
Maelezo
[173] Na Mwenyezi Mungu aliwateremshia wale watu wapotovu mawe kutoka mbinguni, yakawateketeza. Na ilikuwa mvua ya kutisha kwa wingi wake na namna yake. Basi mvua ovu ya walio kwisha onywa ni mvua hiyo, kwani iliteremka kwa uangamizi mkubwa mno! -
إِنَّ فِى ذَٰلِكَ لَـَٔايَةً ۖ وَمَا كَانَ أَكْثَرُهُم مُّؤْمِنِينَ١٧٤
Inna fee thalika laayatan wama kana aktharuhum mumineena
Hakika katika hayo ipo Ishara. Na hawakuwa wengi wao wenye kuamini.174
Maelezo
[174] Hakika adhabu ile iliyo wateremkia watu wale hapana shaka ni hoja yenye kuonyesha utimilivu wa uwezo wa Mwenyezi Mungu. Wala si wengi katika watu wako wenye kusadiki hayo. -
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ١٧٥
Wainna rabbaka lahuwa alʿazeezu alrraheemu
Na hakika Mola wako Mlezi bila ya shaka ndiye Mwenye nguvu, Mwenye kurehemu.175
Maelezo
[175] Na hakika Mola wako Mlezi bila ya shaka ndiye Yeye Mwenye kushinda kila kitu, Mwenye kusifika kwa rehema iliyo kamilika. Huwapa adhabu watendao dhambi, na huwalipa wema Waumini. -
كَذَّبَ أَصْحَـٰبُ لْـَٔيْكَةِ ٱلْمُرْسَلِينَ١٧٦
Kaththaba ashabu alaykati almursaleena
Watu wa Machakani waliwakanusha Mitume.176
Maelezo
[176] Hichi kisa cha Shuaibu pamoja na Watu wa Al Aykat, Machakani, nao ni msitu wenye miti mizuri, karibu na Madian. Kikundi cha watu waliteremkia hapo na wakakaa. Mwenyezi Mungu akawapelekea Shuaibu kama alivyo wapelekea watu wa Madian. Wakamkadhibisha katika wito wake. Na kwa hivi wakawa wamekanusha risala za Mitume wote. -
إِذْ قَالَ لَهُمْ شُعَيْبٌ أَلَا تَتَّقُونَ١٧٧
Ith qala lahum shuʿaybun ala tattaqoona
Shuaibu alipo waambia: Je! Hamfanyi mkamchamngu?.177
Maelezo
[177] Ewe Muhammad! Watajie watu wako pale Shuaibu alipo waambia watu wa Machakani: Je! Hamumkhofu Mwenyezi Mungu mkamuamini? Wakaingia kumkadhibisha. -
إِنِّى لَكُمْ رَسُولٌ أَمِينٌ١٧٨
Innee lakum rasoolun ameenun
Hakika mimi kwenu ni Mtume muaminifu.178
Maelezo
[178] Hakika mimi nimetumwa na Mola Mlezi wa walimwengu wote nikuongoeni na nikuongozeni. Nami ni muaminifu wa kuufikisha ujumbe wake kwenu. -
فَٱتَّقُوا۟ ٱللَّهَ وَأَطِيعُونِ١٧٩
Faittaqoo Allaha waateeʿooni
Basi mcheni Mwenyezi Mungu, na nit'iini mimi.179
Maelezo
[179] Basi tahadharini na adhabu ya Mwenyezi Mungu. Na nit'iini kwa kufuata amri za Mwenyezi Mungu, na kuziokoa nafsi zenu na madhambi. -
وَمَآ أَسْـَٔلُكُمْ عَلَيْهِ مِنْ أَجْرٍ ۖ إِنْ أَجْرِىَ إِلَّا عَلَىٰ رَبِّ ٱلْعَـٰلَمِينَ١٨٠
Wama asalukum ʿalayhi min ajrin in ajriya illa ʿala rabbi alʿalameena
Wala sikutakini ujira juu yake. Ujira wangu hauko ila kwa Mola Mlezi wa walimwengu wote.180
Maelezo
[180] Na mimi kwa hivi kukuongozeni na kukufunzeni sikutakini ujira wowote. Mimi sina malipo kaamili kwa sababu ya kazi yangu ila kutokana na Mola Mlezi wa walimwengu wote. -
۞ أَوْفُوا۟ ٱلْكَيْلَ وَلَا تَكُونُوا۟ مِنَ ٱلْمُخْسِرِينَ١٨١
Awfoo alkayla wala takoonoo mina almukhsireena
Timizeni kipimo sawa sawa, wala msiwe katika wanao punja.181
Maelezo
[181] Shuaibu akawaamrisha kutimiza vipimo kwa ukamilifu wanapo pima, kwani ilikuwa ada yao kupunguza kwa pishi na mizani, kupunguza haki za watu kwa kuwapunja na kuwapimia kasoro. -
وَزِنُوا۟ بِٱلْقِسْطَاسِ ٱلْمُسْتَقِيمِ١٨٢
Wazinoo bialqistasi almustaqeemi
Na pimeni kwa haki iliyo nyooka;.182
Maelezo
[182] Na wapimieni watu kwa mizani ya sawa sawa, ili wachukue haki yao kwa uadilifu ulio nyooka. -
وَلَا تَبْخَسُوا۟ ٱلنَّاسَ أَشْيَآءَهُمْ وَلَا تَعْثَوْا۟ فِى ٱلْأَرْضِ مُفْسِدِينَ١٨٣
Wala tabkhasoo alnnasa ashyaahum wala taʿthaw fee alardi mufsideena
Wala msiwapunje watu vitu vyao, wala msifanye jeuri kwa ufisadi.183
Maelezo
[183] Wala msiwapunguzie watu haki zao, wala msipite katika nchi mkifisidi kwa kuuwa, na uharamia, na kufanya madhambi, na kufuata pumbao. -
وَٱتَّقُوا۟ ٱلَّذِى خَلَقَكُمْ وَٱلْجِبِلَّةَ ٱلْأَوَّلِينَ١٨٤
Waittaqoo allathee khalaqakum waaljibillata alawwaleena
Na mcheni aliye kuumbeni nyinyi na vizazi vilivyo tangulia.184
Maelezo
[184] Na tahadharini na adhabu ya Mwenyezi Mungu aliye kuumbeni, na akaumba kaumu zenye nguvu na takaburi zilizo tangulia. -
قَالُوٓا۟ إِنَّمَآ أَنتَ مِنَ ٱلْمُسَحَّرِينَ١٨٥
Qaloo innama anta mina almusahhareena
Wakasema: Hakika wewe ni katika walio rogwa.185
Maelezo
[185] Wakasema: Wewe si chochote ila ni mtu aliye sibiwa na uchawi mkali na ikapotea akili yake. -
وَمَآ أَنتَ إِلَّا بَشَرٌ مِّثْلُنَا وَإِن نَّظُنُّكَ لَمِنَ ٱلْكَـٰذِبِينَ١٨٦
Wama anta illa basharun mithluna wain nathunnuka lamina alkathibeena
Na wewe si chochote ila ni mtu tu kama sisi, na kwa yakini tunakuona wewe ni katika waongo.186
Maelezo
[186] Na wewe si chochote ila ni mmoja wetu sawa na sisi kwa utu. Basi vipi ujipe ubora kuliko sisi kwa Utume? Nasi tunaamini kuwa wewe ni mwongo wa kubobea. -
فَأَسْقِطْ عَلَيْنَا كِسَفًا مِّنَ ٱلسَّمَآءِ إِن كُنتَ مِنَ ٱلصَّـٰدِقِينَ١٨٧
Faasqit ʿalayna kisafan mina alssamai in kunta mina alssadiqeena
Hebu tuangushie vipande kutoka mbinguni ikiwa wewe ni miongoni mwa wasemao kweli.187
Maelezo
[187] Basi hebu tuangushie vipande vya adhabu kutoka mbinguni ikiwa ni katika wasemao kweli kwa huu ujumbe wako! Na chini ya shauri hii kwa hakika pana kila namna ya ubishi. -
قَالَ رَبِّىٓ أَعْلَمُ بِمَا تَعْمَلُونَ١٨٨
Qala rabbee aʿlamu bima taʿmaloona
Akasema: Mola wangu Mlezi anajua zaidi mnayo yatenda.188
Maelezo
[188] Shuaibu akasema: Mola wangu Mlezi ni Mjuzi, upeo wa kujua, wa maasi yote myatendayo, na adhabu mnayo stahiki. Yeye atakuteremshieni hayo kwa wakati wake alio ukadiria. Na huu ndio hadi ya mwisho wa kumwachilia Mwenyezi Mungu kila kitu, na kuwatisha hao makafiri. -
فَكَذَّبُوهُ فَأَخَذَهُمْ عَذَابُ يَوْمِ ٱلظُّلَّةِ ۚ إِنَّهُۥ كَانَ عَذَابَ يَوْمٍ عَظِيمٍ١٨٩
Fakaththaboohu faakhathahum ʿathabu yawmi alththullati innahu kana ʿathaba yawmin ʿatheemin
Basi walimkanusha, na ikawashika adhabu ya siku ya kivuli. Hakika hiyo ilikuwa adhabu ya siku kubwa.189
Maelezo
[189] Lakini wao waliendelea kumkadhibisha. Mwenyezi Mungu akawapatiliza kwa adhabu ya joto kuu mno. Wakawa wanatapa tapa hawana pa kukimbilia. Walipo pata kiwingu cha kuwapa kivuli kukinga mwako wa jua walijikusanya chini yake. Mwenyezi Mungu akawateremshia moto, ukawateketeza wote katika siku ya kitisho kikubwa mno. -
إِنَّ فِى ذَٰلِكَ لَـَٔايَةً ۖ وَمَا كَانَ أَكْثَرُهُم مُّؤْمِنِينَ١٩٠
Inna fee thalika laayatan wama kana aktharuhum mumineena
Hakika katika hayo ipo Ishara, lakini hawakuwa wengi wao wenye kuamini.190
Maelezo
[190] Hakika adhabu iliyo wateremkia watu wa Machakani kuwa ni malipo ya uasi wao, ni dalili ya ukamilifu wa uwezo wa Mwenyezi Mungu. Na hawakuwa wengi wa watu wako wenye kusadiki. -
وَإِنَّ رَبَّكَ لَهُوَ ٱلْعَزِيزُ ٱلرَّحِيمُ١٩١
Wainna rabbaka lahuwa alʿazeezu alrraheemu
Na hakika Mola wako Mlezi bila ya shaka ndiye Yeye Mwenye nguvu Mwenye kurehemu.191
Maelezo
[191] Na hakika Mola wako Mlezi hapana shaka ndiye Yeye aliye tengeka kwa Nguvu na Ushindi, Mwenye kuwaneemesha Waumini kwa rehema nyingi. -
وَإِنَّهُۥ لَتَنزِيلُ رَبِّ ٱلْعَـٰلَمِينَ١٩٢
Wainnahu latanzeelu rabbi alʿalameena
Na bila ya shaka hii ni Uteremsho wa Mola Mlezi wa walimwengu wote.192
Maelezo
[192] Na hakika hii Qur'ani iliyo tajwa ndani yake visa vya kweli imeteremshwa kutoka kwa Mwenye kuumba walimwengu wote, Mwenye kumiliki mambo yao, na Mlezi wao. Basi khabari zake ni za kweli. Na hukumu yake inatimizwa mpaka Siku ya Kiyama. -
نَزَلَ بِهِ ٱلرُّوحُ ٱلْأَمِينُ١٩٣
Nazala bihi alrroohu alameenu
Ameuteremsha Roho muaminifu,.193
Maelezo
[193] Ameiteremsha Roho muaminifu, naye ni Jibril a.s., -
عَلَىٰ قَلْبِكَ لِتَكُونَ مِنَ ٱلْمُنذِرِينَ١٩٤
ʿAla qalbika litakoona mina almunthireena
Juu ya moyo wako, ili uwe katika Waonyaji,.194
Maelezo
[194] Juu ya moyo wako ulio tulia kuihifadhi na kuifahamu, na idhibitike katika moyo wako iwe madhubuti isisahaulike, ili upate kuwaonya wakhalifu kwa adhabu ziliomo ndani yake. -
بِلِسَانٍ عَرَبِىٍّ مُّبِينٍ١٩٥
Bilisanin ʿarabiyyin mubeenin
Kwa ulimi wa Kiarabu ulio wazi.195
Maelezo
[195] Jibril amekuteremshia kwa lugha ya Kiarabu, yenye maana wazi, yenye hoja zilizo dhaahiri kwa wanayo hitajia ya kutengeneza mambo yao ya dunia na Dini. -
وَإِنَّهُۥ لَفِى زُبُرِ ٱلْأَوَّلِينَ١٩٦
Wainnahu lafee zuburi alawwaleena
Na hakika bila ya shaka haya yamo katika Vitabu vya kale.196
Maelezo
[196] Na hakika kuitaja Qur'ani na kueleza kuwa inatoka kwa Mwenyezi Mungu kumteremshia Muhammad s.a.w. yametajwa katika Vitabu vya Manabii walio tangulia. -
أَوَلَمْ يَكُن لَّهُمْ ءَايَةً أَن يَعْلَمَهُۥ عُلَمَـٰٓؤُا۟ بَنِىٓ إِسْرَٰٓءِيلَ١٩٧
Awalam yakun lahum ayatan an yaʿlamahu ʿulamao banee israeela
Je! Haikuwa kwao ni Ishara kwamba wanayajua haya wanazuoni wa Wana wa Israili?.197
Maelezo
[197] Je! Hawa wenye inda wanaikataa Qur'ani na hali wao wanayo hoja inayo onyesha ukweli wa Muhammad s.a.w., nayo ni ilimu ya wanazuoni wa Wana wa Issraili juu ya Qur'ani kama ilivyo katika vitabu vyao? -
وَلَوْ نَزَّلْنَـٰهُ عَلَىٰ بَعْضِ ٱلْأَعْجَمِينَ١٩٨
Walaw nazzalnahu ʿala baʿdi alaʿjameena
Na lau kuwa tungeli iteremsha juu ya mmoja wa wasio kuwa Waarabu,.198
Maelezo
[198] Na lau tungeli mteremshia mtu asiye kuwa Mwaarabu, anaye weza kusema Kiarabu lakini si kwa ufasihi, wasingeli waza kumtuhumu kuwa kaizua. -
فَقَرَأَهُۥ عَلَيْهِم مَّا كَانُوا۟ بِهِۦ مُؤْمِنِينَ١٩٩
Faqaraahu ʿalayhim ma kanoo bihi mumineena
Na akawasomea, wasingeli kuwa wenye kuamini.199
Maelezo
[199] Na angeli wasomea baraabara kinyume na ada bado wangeli mkanusha, na wakapatia kisababu kwa ukafiri wao. -
كَذَٰلِكَ سَلَكْنَـٰهُ فِى قُلُوبِ ٱلْمُجْرِمِينَ٢٠٠
Kathalika salaknahu fee quloobi almujrimeena
Namna hivi tunaingiza katika nyoyo za wakosefu.200
Maelezo
[200] Sisi tumekutia huko kukanusha katika nyoyo za wakosefu; na tumekuthibitisha kama tulivyo kuthibitisha katika nyoyo za wenye sifa kama zao. -
لَا يُؤْمِنُونَ بِهِۦ حَتَّىٰ يَرَوُا۟ ٱلْعَذَابَ ٱلْأَلِيمَ٢٠١
La yuminoona bihi hatta yarawoo alʿathaba alaleema
Hawataiamini mpaka waione adhabu chungu.201
Maelezo
[201] Basi hapana njia ya wao kuacha tabia yao ya ukafiri mpaka wateseke kwa hiyo adhabu kali walio ahidiwa. -
فَيَأْتِيَهُم بَغْتَةً وَهُمْ لَا يَشْعُرُونَ٢٠٢
Fayatiyahum baghtatan wahum la yashʿuroona
Basi itawafikia kwa ghafla, na hali hawana khabari.202
Maelezo
[202] Itawateremkia adhabu kwa ghafla bila ya kuitaraji, wala wao hawajui kama inakuja. -
فَيَقُولُوا۟ هَلْ نَحْنُ مُنظَرُونَ٢٠٣
Fayaqooloo hal nahnu muntharoona
Na watasema: Je, tutapewa muhula?.203
Maelezo
[203] Watasema itapo teremka hiyo adhabu: Je, tutapewa muhula? Haya ni kwa majuto kwa kupitiwa na Imani na kutaka waakhirishiwe adhabu. Lakini hawajibiwi. -
أَفَبِعَذَابِنَا يَسْتَعْجِلُونَ٢٠٤
Afabiʿathabina yastaʿjiloona
Basi, je, wanaihimiza adhabu yetu?.204
Maelezo
[204] Anasema Mwenyezi Mungu Mtukufu: Watu wa Makka wameghurika na kuchelewesha kwangu kuwaadhibu, basi ndio wanaihimiza? Anakusudia Subhanahu Aliye takasika kuzisafihi akili zao kwa sababu ya kuhimiza kwao adhabu juu ya kuwaonya na kuwatisha. -
أَفَرَءَيْتَ إِن مَّتَّعْنَـٰهُمْ سِنِينَ٢٠٥
Afaraayta in mattaʿnahum sineena
Waonaje kama tukiwastarehesha kwa miaka,.205
Maelezo
[205] Je, umefikiri ukajua, kama Sisi tuliwastarehesha kwa uhai kwa muda wa miaka mingi pamoja na maisha mema? -
ثُمَّ جَآءَهُم مَّا كَانُوا۟ يُوعَدُونَ٢٠٦
Thumma jaahum ma kanoo yooʿadoona
Kisha yakawafikia waliyo kuwa wakiahidiwa,.206
Maelezo
[206] Kisha ikawateremkia adhabu iliyo ahidiwa. -
مَآ أَغْنَىٰ عَنْهُم مَّا كَانُوا۟ يُمَتَّعُونَ٢٠٧
Ma aghna ʿanhum ma kanoo yumattaʿoona
Yatawafaa nini yale waliyo stareheshewa?.207
Maelezo
[207] Kustarehe kwao kwa umri mrefu na maisha mema hakutowakinga hata chembe na adhabu ya Mwenyezi Mungu. Kwani adhabu ya Mwenyezi Mungu itakuja tu, kama si leo kesho. Wala hapana kheri katika neema ambayo khatima yake ni adhabu. -
وَمَآ أَهْلَكْنَا مِن قَرْيَةٍ إِلَّا لَهَا مُنذِرُونَ٢٠٨
Wama ahlakna min qaryatin illa laha munthiroona
Wala hatukuangamiza mji wo wote ila ulikuwa na waonyaji.208
Maelezo
[208] Na mwendo wetu kwa kaumu zote ni kuwa hatuuteketezi umma ila baada ya kuwatumia Mitume wa kuwaonya kwa kufuata hoja, -
ذِكْرَىٰ وَمَا كُنَّا ظَـٰلِمِينَ٢٠٩
Thikra wama kunna thalimeena
Kuwa ni ukumbusho. Wala Sisi hatukuwa wenye kudhulumu.209
Maelezo
[209] Wakumbuke na wazingatie. Wala si shani yetu kudhulumu hata tuuadhibu umma kabla ya kuwaletea Mtume. -
وَمَا تَنَزَّلَتْ بِهِ ٱلشَّيَـٰطِينُ٢١٠
Wama tanazzalat bihi alshshayateenu
Wala Mashet'ani hawakuteremka nayo,210
Maelezo
[210] Qur'ani inakataa waliyo yasema makafiri wa Makka ya kwamba Muhammad anafuata majini, nao ndio wanampa Qur'ani. Qur'ani inasema: Mashetani hawakuiteremsha hii Qur'ani. -
وَمَا يَنۢبَغِى لَهُمْ وَمَا يَسْتَطِيعُونَ٢١١
Wama yanbaghee lahum wama yastateeʿoona
Wala haitakiwi kwao, na wala hawawezi.211
Maelezo
[211] Wala haiwafalii wao kuiteremsha, na hawawezi kufanya hivyo. -
إِنَّهُمْ عَنِ ٱلسَّمْعِ لَمَعْزُولُونَ٢١٢
Innahum ʿani alssamʿi lamaʿzooloona
Hakika hao wametengwa na kusikia.212
Maelezo
[212] Kwani hao hakika wanazuiwa wasiisikie Qur'ani pale inapo funuliwa kwa Muhammad s.a.w. -
فَلَا تَدْعُ مَعَ ٱللَّهِ إِلَـٰهًا ءَاخَرَ فَتَكُونَ مِنَ ٱلْمُعَذَّبِينَ٢١٣
Fala tadʿu maʿa Allahi ilahan akhara fatakoona mina almuʿaththabeena
Basi usimwombe mungu mwingine pamoja na Mwenyezi Mungu ukawa miongoni mwa watakao adhibiwa.213
Maelezo
[213] Basi wewe muelekee Mwenyezi Mungu ukiendelea na usafi wako wa ibada, wala usishughulike na fisadi za madai ya washirikina na mwendo wao muovu. Na hivi kutakiwa Mtume s.a.w. awe na ikhlasi ya namna hii ni wito kwa jamii ya watu waliomo katika umma wake. -
وَأَنذِرْ عَشِيرَتَكَ ٱلْأَقْرَبِينَ٢١٤
Waanthir ʿasheerataka alaqrabeena
Na uwaonye jamaa zako walio karibu nawe.214
Maelezo
[214] Watie khofu ya adhabu ya shirki na maasi walio karibu nawe katika jamaa zako. -
وَٱخْفِضْ جَنَاحَكَ لِمَنِ ٱتَّبَعَكَ مِنَ ٱلْمُؤْمِنِينَ٢١٥
Waikhfid janahaka limani ittabaʿaka mina almumineena
Na watwae kwa upole wanao kufuata miongoni mwa Waumini.215
Maelezo
[215] Na kuwa mpole kwa wanao itikia wito wako wa Imani. -
فَإِنْ عَصَوْكَ فَقُلْ إِنِّى بَرِىٓءٌ مِّمَّا تَعْمَلُونَ٢١٦
Fain ʿasawka faqul innee bareeon mimma taʿmaloona
Na ikiwa watakuasi basi sema: Mimi najitenga mbali na hayo mnayo yatenda.216
Maelezo
[216] Pindi wakikuasi na wasikufuate basi jitenge nao, na jitenge na vitendo vyao vya ushirikina na maasi yote. -
وَتَوَكَّلْ عَلَى ٱلْعَزِيزِ ٱلرَّحِيمِ٢١٧
Watawakkal ʿala alʿazeezi alrraheemi
Na umtegemee Mtukufu Mwenye nguvu Mwenye kurehemu.217
Maelezo
[217] Na tegemeza mambo yako kwa Mwenye nguvu, Mwenye uweza wa kuwatenda nguvu adui zako kwa utukufu wake, na kukunusuru wewe na kumnusuru kila mwenye kufanya a'mali yake kwa usafi wa niya. -
ٱلَّذِى يَرَىٰكَ حِينَ تَقُومُ٢١٨
Allathee yaraka heena taqoomu
Ambaye anakuona unapo simama,218
Maelezo
[218] Ambaye anakuona pale unapo simama kwa ibada za usiku na vitendo vyote vya kheri. -
وَتَقَلُّبَكَ فِى ٱلسَّـٰجِدِينَ٢١٩
Wataqallubaka fee alssajideena
Na mageuko yako kati ya wanao sujudu.219
Maelezo
[219] Na anaona mwendo wako kati ya wanao sali, kwa kusimama, na kukaa, na kurukuu na kusujudu, pale unapo waongoza katika Swala. -
إِنَّهُۥ هُوَ ٱلسَّمِيعُ ٱلْعَلِيمُ٢٢٠
Innahu huwa alssameeʿu alʿaleemu
Hakika Yeye ndiye Mwenye kusikia Mwenye kujua.220
Maelezo
[220] Hakika Yeye Subhanahu ndiye Mwenye kusikia dua zako na dhikri zako, ndiye Mjuzi wa kujua niya yako na vitendo vyako. Ni kama kwamba Subhanahu anamwambia: Usichukue taklifu kubwa bila ya kiasi katika mashaka ya ibada, kwani uyatendayo yote nayaona na nayasikia Mimi. -
هَلْ أُنَبِّئُكُمْ عَلَىٰ مَن تَنَزَّلُ ٱلشَّيَـٰطِينُ٢٢١
Hal onabbiokum ʿala man tanazzalu alshshayateenu
Je! Nikwambieni nani wanawashukia Mashet'ani?221
Maelezo
[221] Washirikina walisema: Mashetani ndio wanamsomea Qur'ani Muhammad. Qur'ani ikawajibu: Nikupeni khabari watu gani Mashetani ndio wanawateremkia, na wakawashawishi? -
تَنَزَّلُ عَلَىٰ كُلِّ أَفَّاكٍ أَثِيمٍ٢٢٢
Tanazzalu ʿala kulli affakin atheemin
Wanamshukia kila mzushi mkubwa mwingi wa dhambi.222
Maelezo
[222] Wanamteremkia kila mwenye kubeba dhambi za namna mbaya kabisa za uwongo, na madhambi ya kuchusha kabisa. Nao ni hao makohani mafisadi ambao tabia zao na tabia za Mashetani ni jinsi moja na zimewafikiana. -
يُلْقُونَ ٱلسَّمْعَ وَأَكْثَرُهُمْ كَـٰذِبُونَ٢٢٣
Yulqoona alssamʿa waaktharuhum kathiboona
Wanawapelekea yale wanayo yasikia; na wengi wao ni waongo.223
Maelezo
[223] Hao hutega masikio yao kwa Mashetani, na kwao wakapata mambo ya dhana dhana tu. Na wengi wao ni waongo, na huzidisha tena juu ya kauli walizo zipata kwa Mashetani. -
وَٱلشُّعَرَآءُ يَتَّبِعُهُمُ ٱلْغَاوُۥنَ٢٢٤
Waalshshuʿarao yattabiʿuhumu alghawoona
Na watungaji mashairi ni wapotofu ndio wanawafuata.224
Maelezo
[224] Makafiri wanasema: Hii Qur'ani ni mashairi, na Muhammad ni mtungaji mashairi. Mwenyezi Mungu ameyavunja haya kwa kuthibitisha kuwa hakika Qur'ani imejaa hikima na hukumu. Mpango wake unapingana na mpango wa mashairi ambao unategemea juu ya kweli na uwongo. Na amebainisha kwamba hali ya Muhammad s.a.w. inapingana na hali ya watungaji mashairi. Yeye anasema kwa hikima, wao wanasema kwa udanganyifu. Na hii ndiyo hali ya wengi katika watungaji mashairi. -
أَلَمْ تَرَ أَنَّهُمْ فِى كُلِّ وَادٍ يَهِيمُونَ٢٢٥
Alam tara annahum fee kulli wadin yaheemoona
Je! Huwaoni kwamba wao wanatangatanga katika kila bonde?225
Maelezo
[225] Kwani huwaoni vile wanavyo tangatanga katika mabonde ya maneno wala hawaongoki kwenye Haki? -
وَأَنَّهُمْ يَقُولُونَ مَا لَا يَفْعَلُونَ٢٢٦
Waannahum yaqooloona ma la yafʿaloona
Na kwamba wao husema wasiyo yatenda?226
Maelezo
[226] Na kwamba wao husema kwa ndimi zao wasio yaambatisha na vitendo vyao? -
إِلَّا ٱلَّذِينَ ءَامَنُوا۟ وَعَمِلُوا۟ ٱلصَّـٰلِحَـٰتِ وَذَكَرُوا۟ ٱللَّهَ كَثِيرًا وَٱنتَصَرُوا۟ مِنۢ بَعْدِ مَا ظُلِمُوا۟ ۗ وَسَيَعْلَمُ ٱلَّذِينَ ظَلَمُوٓا۟ أَىَّ مُنقَلَبٍ يَنقَلِبُونَ٢٢٧
Illa allatheena amanoo waʿamiloo alssalihati wathakaroo Allaha katheeran waintasaroo min baʿdi ma thulimoo wasayaʿlamu allatheena thalamoo ayya munqalabin yanqaliboona
Isipo kuwa wale walio amini, na wakatenda mema, na wakamkumbuka Mwenyezi Mungu kwa wingi, na wakajitetea wanapo dhulumiwa. Na wanao dhulumu watakuja jua mgeuko gani watakao geuka.227
Maelezo
[227] Lakini walio hidika kwa hidaya ya Mwenyezi Mungu, na wakatenda mema mpaka zikatua katika nafsi zao sifa bora, na wakamkumbuka Mwenyezi Mungu kwa wingi mpaka ikathibiti khofu katika nyoyo zao, hawa basi huyafanya mashairi kama dawa ilio sibu kwa ugonjwa wake. Na hupambana kwa ajili ya kuiwania Dini yao na kusimamisha Haki, inapo kuwa Haki inafanyiwa jeuri. Na walio dhulumu nafsi zao kwa shirki na kumkejeli Mtume kwa mashairi, watatafuta wapi pa kuikimbia shari na hilaki wanayo iendea.
Maswali yanayoulizwa mara kwa mara
Surat Ash-Shu’ara maana yake ni nini?
Ash-Shu’ara maana yake ni “Washairi”.
Surat Ash-Shu’ara iko katika juzuu ya ngapi?
Surat Ash-Shu’ara iko katika juzuu ya 19.
Surat Ash-Shu’ara ina aya ngapi?
Surat Ash-Shu’ara ina aya 227.
Surat Ash-Shu’ara ni ya Makka au ya Madina?
Surat Ash-Shu’ara ni sura ya Makka.
Surat Ash-Shu’ara ni sura ya ngapi katika Qur’ani?
Ni sura ya 26 katika Qur’ani.
Vyanzo
- Arabic text: Tanzil Quran Text (Uthmani) (Tanzil Project, CC BY 3.0), reproduced without changes.
- Translation: Ali Muhsin Al-Barwani, from QuranEnc.com, version 1.0.1, reproduced without changes.
- Transliteration: Tanzil.net English transliteration.
- Recitation: Mishary Rashid Alafasy, via QuranicAudio.com and EveryAyah.com.
- Word by word: recordings and meanings from Quran.com (Quran Foundation), played when you tap a word.
- Madinah and IndoPak fonts (Settings): the text in those scripts and their fonts come from the Quran Foundation (Quran.com); the Madinah font is the King Fahd Glorious Quran Printing Complex's Uthmanic Hafs font.
Found a mistake? Report a mistake and we will check it against the source.