Surat Al-Waqi’a (الواقعة) ni sura ya 56 katika Qur’ani na ina aya 96. Jina lake lina maana ya “Tukio”. Ni sura ya Makka, iliyoteremshwa Makka kabla ya Hijra, na iko katika juzuu ya 27.
Katika ukurasa huu unaweza kusoma Surat Al-Waqi’a yote kwa Kiarabu, pamoja na tafsiri ya Kiswahili ya Ali Muhsin Al-Barwani aya kwa aya na matamshi kwa herufi za Kilatini, na kusikiliza kisomo chake.
Surat Al-Waqi’a kamili: Kiarabu, tafsiri ya Kiswahili na matamshi
بِسْمِ ٱللَّهِ ٱلرَّحْمَـٰنِ ٱلرَّحِيمِ
-
إِذَا وَقَعَتِ ٱلْوَاقِعَةُ١
Itha waqaʿati alwaqiʿatu
Litakapo tukia hilo Tukio .1
Maelezo
[1] Kitakapo tukia Kiyama -
لَيْسَ لِوَقْعَتِهَا كَاذِبَةٌ٢
Laysa liwaqʿatiha kathibatun
Hapana cha kukanusha kutukia kwake.2
Maelezo
[2] Haitotokea nafsi yoyote ya kukadhibisha. -
خَافِضَةٌ رَّافِعَةٌ٣
Khafidatun rafiʿatun
Literemshalo linyanyualo!3
Maelezo
[3] Kiyama hicho kitawateremsha chini walio waovu, na kitawanyanyua juu walio wema. -
إِذَا رُجَّتِ ٱلْأَرْضُ رَجًّا٤
Itha rujjati alardu rajjan
Itakapo tikiswa ardhi kwa mtikiso!4
Maelezo
[4] Ardhi itakapo tikiswa, na ikatetemeshwa kwa nguvu. -
وَبُسَّتِ ٱلْجِبَالُ بَسًّا٥
Wabussati aljibalu bassan
Na milima itapo sagwasagwa!5
Maelezo
[5] Na milima ikavurugwa teketeke, -
فَكَانَتْ هَبَآءً مُّنۢبَثًّا٦
Fakanat habaan munbaththan
Iwe mavumbi yanayo peperushwa!6
Maelezo
[6] Ikawa vumbi la kupeperushwa, Aya hizi tukufu zinaeleza hadi gani vitakuwa vitisho vitavyo uteremkia ulimwengu kitapo fika Kiyama. Na katika vitisho hivyo ni hayo masaibu ya dunia yatakayo athiri ardhi na mat'abaka yake. Kwani hii ardhi tunayo ishi juu ya mgongo wake si yenye kutulia na kukaa sawa kwa utimilivu. Kwani hiyo imeundwa kwa mat'abaka ya majabali yaliyo ingiliana ovyo. Huenda baadhi yao yakateremka yakaachana na mengineyo yaliyo jirani nayo. Na huwa hiyo inayo itwa kupasuka kwa mat'abaka ya ardhi, Geological cleavage kama inavyo tokea katika maeneo kadhaa wa kadhaa. Mpasuko huu ulikuwa na ungali kuwa ndio asili ya chini kabisa ya zilzala, mitetemeko, mikubwa kwa kuathirika na nguvu za kudidimiza na kuvuta zinazo fuatana na mat'abaka ya ardhi yanapo vunjika. Basi mizani ya utulivu ya nguvu hizi inapo geuka kwa kuathirika na mambo mengineyo ya nje huenda zikafunguka nguvu za mtikiso mkubwa ndio ikatokea mitetemeko na mitikisiko ya ardhi, ambayo hubomoa kila kitu kiliopo juu ya ardhi karibu na ilipo anzia hiyo zilzala. Na hapo tena hutokea uharibifu mkubwa mno. Na hayo maelezo ya kisayansi hayageuzi kitu, wala hayako mbali na nadhari ya kidini. Kwani hakika Mwenyezi Mungu Mtukufu huenda akajaalia sababu za maumbile za kawaida zikajumuika kwa njia tusiyo izoea sisi ili zikiingiliana kwa njia ya kutisha ndio sababu ya kuharibika dunia. Hapo maelezo ya kisayansi yanafuatana na Aya zenye kuonya kwa vitisho hivyo vikuu. Na yote hayo yanatokana kwa Mwenyezi Mungu. Na hutokea kwa idhini yake Mwenyezi Mungu kutimiza hukumu yake katika dunia yetu. -
وَكُنتُمْ أَزْوَٰجًا ثَلَـٰثَةً٧
Wakuntum azwajan thalathatan
Na nyinyi mtakuwa namna tatu: .7
Maelezo
[7] Na mkawa nyote siku hiyo namna tatu kwa mujibu wa vitendo vyenu; -
فَأَصْحَـٰبُ ٱلْمَيْمَنَةِ مَآ أَصْحَـٰبُ ٱلْمَيْمَنَةِ٨
Faashabu almaymanati ma ashabu almaymanati
Basi watakuwepo wa kuliani; je, ni wepi wa kuliani?8
Maelezo
[8] Basi watu wa mkono wa kulia, watu wa cheo kilio bora, utukufu ulioje huo wa hali yao! -
وَأَصْحَـٰبُ ٱلْمَشْـَٔمَةِ مَآ أَصْحَـٰبُ ٱلْمَشْـَٔمَةِ٩
Waashabu almashamati ma ashabu almashamati
Na wa kushotoni; je, ni wepi wa kushotoni?9
Maelezo
[9] Na watu wa kushotoni, hao ni watu wa cheo duni, uovu ulioje wa hali yao! -
وَٱلسَّـٰبِقُونَ ٱلسَّـٰبِقُونَ١٠
Waalssabiqoona alssabiqoona
Na wa mbele watakuwa mbele.10
Maelezo
[10] Na walio tangulia mbele katika mambo ya kheri duniani ndio watakuwa mbele katika vyeo vya Akhera. -
أُو۟لَـٰٓئِكَ ٱلْمُقَرَّبُونَ١١
Olaika almuqarraboona
Hao ndio watakao karibishwa11
Maelezo
[11] Hao ndio walio karibishwa mbele kwa Mwenyezi Mungu. Mola wao Mlezi atawatia katika Bustani zenye neema. -
فِى جَنَّـٰتِ ٱلنَّعِيمِ١٢
Fee jannati alnnaʿeemi
Katika Bustani zenye neema.12
Maelezo
[12] Mola wao Mlezi atawatia katika Bustani zenye neema. -
ثُلَّةٌ مِّنَ ٱلْأَوَّلِينَ١٣
Thullatun mina alawwaleena
Fungu kubwa katika wa mwanzo,13
Maelezo
[13] Hawa walio karibishwa mbele ni kundi la wengi katika mataifa yaliyo tangulia na Manabii wao, -
وَقَلِيلٌ مِّنَ ٱلْـَٔاخِرِينَ١٤
Waqaleelun mina alakhireena
Na wachache katika wa mwisho.14
Maelezo
[14] Na wachache katika umma wa Muhammad ukiwalinganisha na hao. -
عَلَىٰ سُرُرٍ مَّوْضُونَةٍ١٥
ʿAla sururin mawdoonatin
Watakuwa juu ya viti vya fakhari vilivyo tonewa.15
Maelezo
[15] Juu ya viti au vitanda vilivyo nakishiwa kwa nakshi za vito vya thamani, -
مُّتَّكِـِٔينَ عَلَيْهَا مُتَقَـٰبِلِينَ١٦
Muttakieena ʿalayha mutaqabileena
Wakiviegemea wakielekeana.16
Maelezo
[16] wakivitegemea kwa raha na utulivu huku wakielekezana nyuso kwa ziada ya mahaba. -
يَطُوفُ عَلَيْهِمْ وِلْدَٰنٌ مُّخَلَّدُونَ١٧
Yatoofu ʿalayhim wildanun mukhalladoona
Wakitumikiwa na wavulana wa ujana wa milele,17
Maelezo
[17] Wakiwazungukia kwa kuwakhudumia vijana watakao baki milele hivyo hivyo, -
بِأَكْوَابٍ وَأَبَارِيقَ وَكَأْسٍ مِّن مَّعِينٍ١٨
Biakwabin waabareeqa wakasin min maʿeenin
Kwa vikombe na mabirika na bilauri za vinywaji kutoka chemchem safi.18
Maelezo
[18] Nao wamechukua vikombe na mabirika yaliyo jaa vinywaji vya Peponi, na bilauri zenye mvinyo kutoka chemchem zinazo miminika, -
لَّا يُصَدَّعُونَ عَنْهَا وَلَا يُنزِفُونَ١٩
La yusaddaʿoona ʿanha wala yunzifoona
Hawataumwa kichwa kwa vinywaji hivyo wala hawatoleweshwa.19
Maelezo
[19] Vinywaji hivyo haviwaletei kuumwa kichwa wala kutokwa akili kwa ulevi. -
وَفَـٰكِهَةٍ مِّمَّا يَتَخَيَّرُونَ٢٠
Wafakihatin mimma yatakhayyaroona
Na matunda wayapendayo,20
Maelezo
[20] Na matunda ya kila namna wanayo yapenda na wanayo yaona; -
وَلَحْمِ طَيْرٍ مِّمَّا يَشْتَهُونَ٢١
Walahmi tayrin mimma yashtahoona
Na nyama za ndege kama wanavyo tamani.21
Maelezo
[21] Na nyama za ndege kama zinavyo tamani nafsi zao. -
وَحُورٌ عِينٌ٢٢
Wahoorun ʿeenun
Na Mahurulaini,22
Maelezo
[22] Na wanawake wenye macho ya vikombe, -
كَأَمْثَـٰلِ ٱللُّؤْلُؤِ ٱلْمَكْنُونِ٢٣
Kaamthali allului almaknooni
Walio kama mfano wa lulu zilio hifadhiwa.23
Maelezo
[23] Kama mfano wa lulu zilio hifadhiwa katika chaza, kwa usafi wao na urembo wao. -
جَزَآءًۢ بِمَا كَانُوا۟ يَعْمَلُونَ٢٤
Jazaan bima kanoo yaʿmaloona
Ni malipo kwa waliyo kuwa wakiyatenda.24
Maelezo
[24] Watapewa haya kuwa ni malipo kwa mambo mema waliyo kuwa wakiyatenda duniani. -
لَا يَسْمَعُونَ فِيهَا لَغْوًا وَلَا تَأْثِيمًا٢٥
La yasmaʿoona feeha laghwan wala tatheeman
Humo hawatasikia porojo wala maneno ya dhambi,25
Maelezo
[25] Huko Peponi hawatasikia maneno yasiyo kuwa na maana, wala masimulizi ya kumtia dhambini mwenye kuyasikia. -
إِلَّا قِيلًا سَلَـٰمًا سَلَـٰمًا٢٦
Illa qeelan salaman salaman
Isipo kuwa maneno ya Salama, Salama.26
Maelezo
[26] Ila watalo sikia ni kauli ya wao kwa wao: Tunakusalimuni kwa Salama. -
وَأَصْحَـٰبُ ٱلْيَمِينِ مَآ أَصْحَـٰبُ ٱلْيَمِينِ٢٧
Waashabu alyameeni ma ashabu alyameeni
Na wale wa mkono wa kulia, ni yepi yatakuwa ya wa kuliani?27
Maelezo
[27] Na watu wa mkono wa kulia, hapana ajuaye nini malipo ya watu wa kuliani. -
فِى سِدْرٍ مَّخْضُودٍ٢٨
Fee sidrin makhdoodin
Katika mikunazi isiyo na miba,28
Maelezo
[28] Katika miti ya mikunazi iliyo katwa miba yake, -
وَطَلْحٍ مَّنضُودٍ٢٩
Watalhin mandoodin
Na migomba iliyo pangiliwa,29
Maelezo
[29] Na migomba iliyo pangika na ndizi zake zimepandana juu ya mikungu, -
وَظِلٍّ مَّمْدُودٍ٣٠
Wathillin mamdoodin
Na kivuli kilicho tanda,30
Maelezo
[30] Na kivuli kilicho enea wala hakiondoki, -
وَمَآءٍ مَّسْكُوبٍ٣١
Wamain maskoobin
Na maji yanayo miminika,31
Maelezo
[31] Na maji yanayo miminika karibu yao popote wayatakapo, -
وَفَـٰكِهَةٍ كَثِيرَةٍ٣٢
Wafakihatin katheeratin
Na matunda mengi,32
Maelezo
[32] Na matunda ya namna nyingi na kabila nyingi yasiyo tindikia wakati wowote, -
لَّا مَقْطُوعَةٍ وَلَا مَمْنُوعَةٍ٣٣
La maqtooʿatin wala mamnooʿatin
Hayatindikii wala hayakatazwi,33
Maelezo
[33] Wala hazuiwiliwi ayatakayo, -
وَفُرُشٍ مَّرْفُوعَةٍ٣٤
Wafurushin marfooʿatin
Na matandiko yaliyo nyanyuliwa.34
Maelezo
[34] Na matandiko yaliyo nyanyuliwa ya starehe. -
إِنَّآ أَنشَأْنَـٰهُنَّ إِنشَآءً٣٥
Inna anshanahunna inshaan
Hakika Sisi tutawaumba (Mahurulaini) upya,35
Maelezo
[35] Hakika Sisi tulianza kuwaumba Mahurulaini mwanzo, -
فَجَعَلْنَـٰهُنَّ أَبْكَارًا٣٦
Fajaʿalnahunna abkaran
Na tutawafanya vijana,36
Maelezo
[36] Na tukawafanya kuwa ni vijana, -
عُرُبًا أَتْرَابًا٣٧
ʿUruban atraban
Wanapendana na waume zao, hirimu moja.37
Maelezo
[37] Wenye kupendwa na waume zao, wenye umri ulio karibiana, -
لِّأَصْحَـٰبِ ٱلْيَمِينِ٣٨
Liashabi alyameeni
Kwa ajili ya watu wa kuliani.38
Maelezo
[38] Wa tayari kwa neema ya watu wa kuliani. -
ثُلَّةٌ مِّنَ ٱلْأَوَّلِينَ٣٩
Thullatun mina alawwaleena
Fungu kubwa katika wa mwanzo,39
Maelezo
[39] Watu wa kulia ni wengi katika mataifu yaliyo kwisha tangulia, -
وَثُلَّةٌ مِّنَ ٱلْـَٔاخِرِينَ٤٠
Wathullatun mina alakhireena
Na fungu kubwa katika wa mwisho.40
Maelezo
[40] Na kikundi kikubwa katika umma wa Muhammad. -
وَأَصْحَـٰبُ ٱلشِّمَالِ مَآ أَصْحَـٰبُ ٱلشِّمَالِ٤١
Waashabu alshshimali ma ashabu alshshimali
Na watu wa kushotoni; je ni yepi ya wa kushotoni?41
Maelezo
[41] Na watu wa kushoto, hapana anaye jua nini adhabu ya watu wa kushoto. -
فِى سَمُومٍ وَحَمِيمٍ٤٢
Fee samoomin wahameemin
Katika upepo wa moto, na maji yanayo chemka,42
Maelezo
[42] Watakuwa kwenye upepo umoto utakao wazunguka, unao penya katika tundu za mwili, na maji yaliyo chemshwa motoni wayanywe na wamiminiwe vichwani, -
وَظِلٍّ مِّن يَحْمُومٍ٤٣
Wathillin min yahmoomin
Na kivuli cha moshi mweusi,43
Maelezo
[43] Na katika kivuli cha kiza cheusi cha moshi umoto, -
لَّا بَارِدٍ وَلَا كَرِيمٍ٤٤
La baridin wala kareemin
Si cha kuburudisha wala kustarehesha.44
Maelezo
[44] Hapana ubaridi wa kupunguza joto la hewa, wala huruma ya kuwaletea nafuu wanapo vuta pumzi. -
إِنَّهُمْ كَانُوا۟ قَبْلَ ذَٰلِكَ مُتْرَفِينَ٤٥
Innahum kanoo qabla thalika mutrafeena
Hakika hao walikuwa kabla ya haya wakiishi maisha ya anasa.45
Maelezo
[45] Hakika hao kabla ya haya walikuwa wamepita kiasi katika kustarehea neema za duniani, wamepumbaa hawataki kumt'ii Mwenyezi Mungu Mtukufu. -
وَكَانُوا۟ يُصِرُّونَ عَلَى ٱلْحِنثِ ٱلْعَظِيمِ٤٦
Wakanoo yusirroona ʿala alhinthi alʿatheemi
Na walikuwa wakishikilia kufanya madhambi makubwa,46
Maelezo
[46] Na walikuwa wameshikilia daima kufanya dhambi kubwa kabisa, kwani waliapa kwa Mwenyezi Mungu kwamba kabisa Mwenyezi Mungu hatamfufua aliye kufa. -
وَكَانُوا۟ يَقُولُونَ أَئِذَا مِتْنَا وَكُنَّا تُرَابًا وَعِظَـٰمًا أَءِنَّا لَمَبْعُوثُونَ٤٧
Wakanoo yaqooloona aitha mitna wakunna turaban waʿithaman ainna lamabʿoothoona
Na walikuwa wakisema: Tutakapo kufa na tukawa udongo na mafupa, ati ndio tutafufuliwa?47
Maelezo
[47] Na walikuwa wakisema kwa kukanusha kurejea tena: Ati tutafufuliwa baada ya kwisha kufa, na baadhi ya miili yetu ikisha kuwa udongo na mengine mifupa iliyo chakaa? Ati sisi tutarudishwa tuwe hai mara ya pili? -
أَوَءَابَآؤُنَا ٱلْأَوَّلُونَ٤٨
Awa abaona alawwaloona
Au baba zetu wa zamani?48
Maelezo
[48] Ati tutafufuliwa sisi na baba zetu wa zamani walio kwisha kuwa udongo ulio tapanyika na umepotea katika ardhi? -
قُلْ إِنَّ ٱلْأَوَّلِينَ وَٱلْـَٔاخِرِينَ٤٩
Qul inna alawwaleena waalakhireena
Sema: Hakika wa zamani na wa mwisho49
Maelezo
[49] Waambie kwa kuwajibu kukanusha kwao: Hakika wa zamani na wa mwisho, ambao nyinyi ni katika jumla ya hao, -
لَمَجْمُوعُونَ إِلَىٰ مِيقَـٰتِ يَوْمٍ مَّعْلُومٍ٥٠
Lamajmooʿoona ila meeqati yawmin maʿloomin
Bila ya shaka watakusanywa kwa wakati wa siku maalumu.50
Maelezo
[50] Nyote mtakusanywa katika wakati wa siku malumu, na wala hamtoipita. -
ثُمَّ إِنَّكُمْ أَيُّهَا ٱلضَّآلُّونَ ٱلْمُكَذِّبُونَ٥١
Thumma innakum ayyuha alddalloona almukaththiboona
Kisha nyinyi, mlio potea, mnao kanusha,51
Maelezo
[51] Kisha nyinyi, enyi mnao ipinga Njia ya Uwongofu, mnao kanusha kufufuliwa, -
لَـَٔاكِلُونَ مِن شَجَرٍ مِّن زَقُّومٍ٥٢
Laakiloona min shajarin min zaqqoomin
Kwa yakini mtakula mti wa Zaqqumu.52
Maelezo
[52] Bila ya shaka mtakula mti wa Zaqqumu katika Jahannamu, na mtayajaza matumbo yenu kwa shida ya njaa. -
فَمَالِـُٔونَ مِنْهَا ٱلْبُطُونَ٥٣
Famalioona minha albutoona
Na kwa mti huo mtajaza matumbo.53
Maelezo
[53] Na mtayajaza matumbo yenu kwa shida ya njaa. -
فَشَـٰرِبُونَ عَلَيْهِ مِنَ ٱلْحَمِيمِ٥٤
Fashariboona ʿalayhi mina alhameemi
Na juu yake mtakunywa maji yanayo chemka.54
Maelezo
[54] Mtakunywa juu ya mlicho kila maji yenye kutokota, yasiyo ondoa kiu, -
فَشَـٰرِبُونَ شُرْبَ ٱلْهِيمِ٥٥
Fashariboona shurba alheemi
Tena mtakunywa kama wanavyo kunywa ngamia wenye kiu.55
Maelezo
[55] Na mtakunywa kwa wingi na pupa kama anavyo kunywa ngamia mwenye kiu kisicho katika kiu chake kwa maji. -
هَـٰذَا نُزُلُهُمْ يَوْمَ ٱلدِّينِ٥٦
Hatha nuzuluhum yawma alddeeni
Hiyo ndiyo karamu yao Siku ya Malipo.56
Maelezo
[56] Hayo yaliyo tajwa ya mateso mbali mbali ndio karamu yao waliyo andaliwa kwa siku ya malipo. -
نَحْنُ خَلَقْنَـٰكُمْ فَلَوْلَا تُصَدِّقُونَ٥٧
Nahnu khalaqnakum falawla tusaddiqoona
Sisi tumekuumbeni; basi hamsadiki?57
Maelezo
[57] Sisi tulianza kukuumbeni mlipo kuwa si chochote, basi hebu hamkiri uweza wetu wa kukurejesheni tena baada ya kukufufueni? -
أَفَرَءَيْتُم مَّا تُمْنُونَ٥٨
Afaraaytum ma tumnoona
Je! Mnaiona mbegu ya uzazi mnayo idondokeza?58
Maelezo
[58] Hamuangalii manii mnayo itia katika tumbo la uzazi? -
ءَأَنتُمْ تَخْلُقُونَهُۥٓ أَمْ نَحْنُ ٱلْخَـٰلِقُونَ٥٩
Aantum takhluqoonahu am nahnu alkhaliqoona
Je! Mnaiumba nyinyi, au ni Sisi ndio Waumbaji?59
Maelezo
[59] Ni nyinyi ndio mwenye uweza juu yake na kuilea mpaka ikawa mtu, au ni Sisi ndio twenye makadara hayo? -
نَحْنُ قَدَّرْنَا بَيْنَكُمُ ٱلْمَوْتَ وَمَا نَحْنُ بِمَسْبُوقِينَ٦٠
Nahnu qaddarna baynakumu almawta wama nahnu bimasbooqeena
Sisi tumekuwekeeni mauti; na wala Sisi hatushindwi60
Maelezo
[60] Sisi tumekuhukumieni mauti, na tumeweka wakati makhsuri wa kufa kwenu. Na wala Sisi si wenye kushindwa kukubadilisheni sura zenu, -
عَلَىٰٓ أَن نُّبَدِّلَ أَمْثَـٰلَكُمْ وَنُنشِئَكُمْ فِى مَا لَا تَعْلَمُونَ٦١
ʿAla an nubaddila amthalakum wanunshiakum fee ma la taʿlamoona
Kuwaleta wengine badala yenu na kukuumbeni nyinyi kwa umbo msilo lijua.61
Maelezo
[61] Na wala Sisi si wenye kushindwa kukubadilisheni sura zenu, na kuzileta nyengine, na tukakuumbeni katika umbo jengine na sura nyengine msiyo ijua. -
وَلَقَدْ عَلِمْتُمُ ٱلنَّشْأَةَ ٱلْأُولَىٰ فَلَوْلَا تَذَكَّرُونَ٦٢
Walaqad ʿalimtumu alnnashata aloola falawla tathakkaroona
Na bila ya shaka mlikwisha jua umbo la kwanza, basi kwa nini hamkumbuki?62
Maelezo
[62] Bila ya shaka mmekwisha yakinika kuwa Mwenyezi Mungu alikuumbeni mara ya kwanza, basi je, hamkumbuki kwamba Mwenye kuweza hayo ni Mweza zaidi wa kufanya tena. -
أَفَرَءَيْتُم مَّا تَحْرُثُونَ٦٣
Afaraaytum ma tahruthoona
Je! Mnaona makulima mnayo yapanda?63
Maelezo
[63] Je! Hamuangalii mbegu mnayo ipanda katika ardhi? -
ءَأَنتُمْ تَزْرَعُونَهُۥٓ أَمْ نَحْنُ ٱلزَّٰرِعُونَ٦٤
Aantum tazraʿoonahu am nahnu alzzariʿoona
Je! Ni nyinyi mnayo yaotesha au ni Sisi ndio wenye kuotesha?64
Maelezo
[64] Ni nyinyi mnao ifanya imee au ni Sisi peke yetu ndio tunaifanya imee? -
لَوْ نَشَآءُ لَجَعَلْنَـٰهُ حُطَـٰمًا فَظَلْتُمْ تَفَكَّهُونَ٦٥
Law nashao lajaʿalnahu hutaman fathaltum tafakkahoona
Tungeli taka tungeli yafanya yakawa mapepe, mkabaki mnastaajabu,65
Maelezo
[65] Tungeli taka tungeli ifanya mimea hiyo iwe mabua na mapepe yaliyo katika katika kabla haijapevuka, mkawa mkistaajabu tu kwa uovu ulio isibu, -
إِنَّا لَمُغْرَمُونَ٦٦
Inna lamughramoona
Mkisema: Hakika sisi tumegharimika;66
Maelezo
[66] Huku mkisema: Hakika sisi tumepata khasara baada ya juhudi yetu. -
بَلْ نَحْنُ مَحْرُومُونَ٦٧
Bal nahnu mahroomoona
Bali sisi tumenyimwa.67
Maelezo
[67] Bali sisi hatuna bahati, tumenyimwa riziki. -
أَفَرَءَيْتُمُ ٱلْمَآءَ ٱلَّذِى تَشْرَبُونَ٦٨
Afaraaytumu almaa allathee tashraboona
Je! Mnayaona maji mnayo yanywa?68
Maelezo
[68] Je! Hamyaoni maji matamu mnayo yanywa? -
ءَأَنتُمْ أَنزَلْتُمُوهُ مِنَ ٱلْمُزْنِ أَمْ نَحْنُ ٱلْمُنزِلُونَ٦٩
Aantum anzaltumoohu mina almuzni am nahnu almunziloona
Je! Ni nyinyi mnayo yateremsha kutoka mawinguni au ni Sisi ndio wenye kuyateremsha?69
Maelezo
[69] Ni nyinyi mnayo yateremsha kutoka mawinguni, au ni Sisi ndio Wenye kuyateremsha kuwa ni rehema juu yenu? Katika Kiarabu limetajwa neno Almuzni. Maana yake ni mawingu yanayo leta mvua. Na kitendo cha kunyesha mvua kinahitajia mambo yaliyo khusiana na hali ya hewa maalumu ambayo mwanaadamu hana mamlaka nayo, au kuyaleta kwa juhudi zake. Kwa mfano zinahitajiwa pepo zinazo kwenda kwa mkondo zilizo baridi juu ya nyengine zilizo za joto, au hali za kuondoka utulivu katika anga. Na watu wamejaribu kuinyesha mvua kwa mawingu yanayo pita kwa njia ya ufundi, lakini juhudi hizo mpaka sasa ni majaribio, na lilio thibiti katika sayansi ni kufuzu kwa majaribio hayo ni kudogo mno, na hata hivyo kunalazimu ziwepo hali maalumu za maumbile zinazo saidia. -
لَوْ نَشَآءُ جَعَلْنَـٰهُ أُجَاجًا فَلَوْلَا تَشْكُرُونَ٧٠
Law nashao jaʿalnahu ojajan falawla tashkuroona
Tungeli penda tungeli yafanya ya chumvi. Basi mbona hamshukuru?70
Maelezo
[70] Lau tungeli taka tungeli yafanya hayo maji yakawa ya chumvi yasiyo nyweka. Basi mbona hamumshukuru Mwenyezi Mungu aliye yajaalia matamu yenye kunyweka? -
أَفَرَءَيْتُمُ ٱلنَّارَ ٱلَّتِى تُورُونَ٧١
Afaraaytumu alnnara allatee tooroona
Je! Mnauona moto mnao uwasha?71
Maelezo
[71] Je! Hamuuoni moto huo mnao uasha? -
ءَأَنتُمْ أَنشَأْتُمْ شَجَرَتَهَآ أَمْ نَحْنُ ٱلْمُنشِـُٔونَ٧٢
Aantum anshatum shajarataha am nahnu almunshioona
Ni nyinyi mlio uumba mti wake au Sisi ndio Waumbaji?72
Maelezo
[72] Ni nyinyi ndio mlio uotesha mti wake, na mkautia ndani ya huo mti moto, au ni Sisi ndio tulio uumbia hivyo, kadhaalika? -
نَحْنُ جَعَلْنَـٰهَا تَذْكِرَةً وَمَتَـٰعًا لِّلْمُقْوِينَ٧٣
Nahnu jaʿalnaha tathkiratan wamataʿan lilmuqweena
Sisi tumeufanya uwe ni ukumbusho na manufaa kwa walioko nyikani.73
Maelezo
[73] Sisi tumeufanya huu moto uwe ni ukumbusho wa Moto wa Jahannamu mtapo uona, na uwe ni manufaa kwa wasafiri wa msitu na nyika, wakinafiika kwa kupikia chakula chao na kuotea moto wakati wa baridi. -
فَسَبِّحْ بِٱسْمِ رَبِّكَ ٱلْعَظِيمِ٧٤
Fasabbih biismi rabbika alʿatheemi
Basi litakase jina la Mola wako Mlezi aliye Mkuu.74
Maelezo
[74] Basi dumisha kusabihi, kutakasa, kwa kulidhukuru jina la Mola wako Mlezi aliye Mkubwa, kwa kumtakasa na kumshukuru kwa neema hizi nzuri. -
۞ فَلَآ أُقْسِمُ بِمَوَٰقِعِ ٱلنُّجُومِ٧٥
Fala oqsimu bimawaqiʿi alnnujoomi
Basi naapa kwa maanguko ya nyota,75
Maelezo
[75] Basi ninaapa kweli kwa maangukio ya nyota pale zinapo tua mwisho wa usiku wakati wa Tahajudi, ibada za usiku, na kustaghafiru. -
وَإِنَّهُۥ لَقَسَمٌ لَّوْ تَعْلَمُونَ عَظِيمٌ٧٦
Wainnahu laqasamun law taʿlamoona ʿatheemun
Na hakika bila ya shaka hichi ni kiapo kikubwa, laiti mngeli jua!76
Maelezo
[76] Na hakika bila ya shaka hicho ni kiapo kikubwa chenye maana ya kufikia mbali, lau kuwa mnafikiri makusudio yake. Aya mbili hizi zinabainisha hadi ya umuhimu wa kiapo hichi kikubwa. Kwani nyota ni vitu vyenye kutoa mwangaza wenyewe, na nyota ya karibu mno kwetu sisi, nayo ni jua, ni kiasi ya masafa ya miaka 500 ya mwangaza. Na nyota ifuatayo kwa ukaribu iko mbali nasi kwa kiasi cha miaka 4 ya mwangaza takriban. Basi nguvu tunazo zitumia kutokana na jua ndizo zinazo tuwezesha kuishi. Lau kuwa umbali wa jua kutokana na ardhi ni duni ya hivyo au zaidi ya hivyo basi hapana shaka kuwa maisha yangeli kuwa taabu, bali ni muhali. Kadhaalika ukubwa wa nyota unakhitalifiana. Zipo nyota kubwa mno hata ukubwa wake unaweza kukusanya hii ardhi na jua juu ya umbali wao. Vipo vikundi vya nyota vinavyo itwa A'naqiid vinaogelea angani zikivuka Njia ya Maziwa The Milky Way mara kwa mara. Wakati wa kupita kwake zikasadifiana kukutana na kikundi cha jua na zikagongana basi hakika hapo itakuwa ndio maangamizo na kumalizika kwa kweli. Hata ikikaribia nyota moja katika nyota zitokazo kwenye jua basi hayo pia yataleta kuharibika mizani na kupelekea maangamizo na kumalizika ulimwengu. Kwa hivyo basi hakika Ishara za mazingatio na uweza wa Mwenyezi Mungu zinaonekana katika ulimwengu huu alio uumba Mwenyezi Mungu Subhanahu wa Taala na akaupanga. -
إِنَّهُۥ لَقُرْءَانٌ كَرِيمٌ٧٧
Innahu laquranun kareemun
Hakika hii bila ya shaka ni Qur'ani Tukufu,77
Maelezo
[77] Hakika hii bila ya shaka ni Qur'ani yenye manufaa mengi, -
فِى كِتَـٰبٍ مَّكْنُونٍ٧٨
Fee kitabin maknoonin
Katika Kitabu kilicho hifadhiwa.78
Maelezo
[78] Imo katika ubao ulio hifadhiwa Al-lauhu-lmahfudh, usio karibiwa na yeyote ila Malaika walio karibishwa kwa Mwenyezi Mungu. (Kwa watumiaji Computer wanaweza kukisia kuwa hiyo Al-lauhu-lmahfudh ni kama Disk iliyomo ndani ya Computer na haigusi mtu, na Misahafu tunayo iona, na kuisoma, ni kama yapigwayo chapa kutoka hiyo Disk.) -
لَّا يَمَسُّهُۥٓ إِلَّا ٱلْمُطَهَّرُونَ٧٩
La yamassuhu illa almutahharoona
Hapana akigusaye ila walio takaswa.79
Maelezo
[79] Hawaigusi Qur'ani Tukufu ila walio t'ahirika na najisi na hadathi, vitengua udhu; -
تَنزِيلٌ مِّن رَّبِّ ٱلْعَـٰلَمِينَ٨٠
Tanzeelun min rabbi alʿalameena
Ni uteremsho unao toka kwa Mola Mlezi wa walimwengu wote.80
Maelezo
[80] imeteremshwa kutoka kwa Mwenyezi Mungu Mola Mlezi wa viumbe vyote. -
أَفَبِهَـٰذَا ٱلْحَدِيثِ أَنتُم مُّدْهِنُونَ٨١
Afabihatha alhadeethi antum mudhinoona
Ni maneno haya ndiyo nyinyi mnayapuuza?81
Maelezo
[81] Je! Mnapuuza? Ni Qur'ani hii tukufu ndio nyinyi mnaidharau? -
وَتَجْعَلُونَ رِزْقَكُمْ أَنَّكُمْ تُكَذِّبُونَ٨٢
Watajʿaloona rizqakum annakum tukaththiboona
Na badala ya kushukuru kwa riziki yenu mnafanya kuwa mnakadhibisha?82
Maelezo
[82] Na badala ya kuishukuru riziki yenu ndio mna ikadhibisha? -
فَلَوْلَآ إِذَا بَلَغَتِ ٱلْحُلْقُومَ٨٣
Falawla itha balaghati alhulqooma
Yawaje basi itakapo fika roho kwenye koo,83
Maelezo
[83] Basi je! Ikifika roho ya mmoja wenu kwenye mapitio ya pumzi, -
وَأَنتُمْ حِينَئِذٍ تَنظُرُونَ٨٤
Waantum heenaithin tanthuroona
Na nyinyi wakati huo mnatazama!84
Maelezo
[84] Na nyinyi inapo fika roho kwenye koo nanyi mnamwangalia huyo anaye kufa, -
وَنَحْنُ أَقْرَبُ إِلَيْهِ مِنكُمْ وَلَـٰكِن لَّا تُبْصِرُونَ٨٥
Wanahnu aqrabu ilayhi minkum walakin la tubsiroona
Na Sisi tuko karibu zaidi naye kuliko nyinyi.85
Maelezo
[85] Na Sisi tuko karibu zaidi kwa huyo aliye kabiliwa na mauti na tunaijua zaidi hali yake kuliko nyinyi, lakini nyinyi hamjui hayo wala hamhisi. -
فَلَوْلَآ إِن كُنتُمْ غَيْرَ مَدِينِينَ٨٦
Falawla in kuntum ghayra madeeneena
Na lau kuwa nyinyi hamumo katika mamlaka yangu,86
Maelezo
[86] Basi je! Ikiwa nyinyi si wenye kunyenyekea kwa Ungu wetu, -
تَرْجِعُونَهَآ إِن كُنتُمْ صَـٰدِقِينَ٨٧
Tarjiʿoonaha in kuntum sadiqeena
Kwanini hamuirudishi hiyo roho, ikiwa nyinyi mnasema kweli?87
Maelezo
[87] Mrudishieni roho yake huyo aliye kabiliwa na mauti ikiwa nyinyi mwasema kweli kwamba nyinyi mnazo nguvu na hamshindwi. -
فَأَمَّآ إِن كَانَ مِنَ ٱلْمُقَرَّبِينَ٨٨
Faamma in kana mina almuqarrabeena
Basi akiwa miongoni mwa walio karibishwa,88
Maelezo
[88] Ama akiwa huyo aliye kabiliwa na mauti ni katika walio tangulia walio karibishwa , -
فَرَوْحٌ وَرَيْحَانٌ وَجَنَّتُ نَعِيمٍ٨٩
Farawhun warayhanun wajannatu naʿeemin
Basi ni raha, na manukato, na Bustani zenye neema.89
Maelezo
[89] Basi mwisho wake ni raha, na rehema, na riziki njema, na Pepo yenye neema. -
وَأَمَّآ إِن كَانَ مِنْ أَصْحَـٰبِ ٱلْيَمِينِ٩٠
Waamma in kana min ashabi alyameeni
Na akiwa katika watu wa upande wa kulia,90
Maelezo
[90] Ama akiwa katika watu wa mkono wa kulia, -
فَسَلَـٰمٌ لَّكَ مِنْ أَصْحَـٰبِ ٱلْيَمِينِ٩١
Fasalamun laka min ashabi alyameeni
Basi ni Salamu kwako uliye miongoni mwa watu wa upande wa kulia.91
Maelezo
[91] Basi ataambiwa kwa maamkio na takrima: Unapewa salamu kutokana na watu wa kuliani. -
وَأَمَّآ إِن كَانَ مِنَ ٱلْمُكَذِّبِينَ ٱلضَّآلِّينَ٩٢
Waamma in kana mina almukaththibeena alddalleena
Na ama akiwa katika walio kadhibisha wapotovu,92
Maelezo
[92] Na ama akiwa ni katika wa kushoto, wanao kanusha, walio wapotovu, -
فَنُزُلٌ مِّنْ حَمِيمٍ٩٣
Fanuzulun min hameemin
Basi karamu yake ni maji yanayo chemka,93
Maelezo
[93] Basi atakirimiwa maji ya moto hadi ya kuchemka, -
وَتَصْلِيَةُ جَحِيمٍ٩٤
Watasliyatu jaheemin
Na kutiwa Motoni.94
Maelezo
[94] Na kubabuliwa na moto wa mwisho wa ukali. -
إِنَّ هَـٰذَا لَهُوَ حَقُّ ٱلْيَقِينِ٩٥
Inna hatha lahuwa haqqu alyaqeeni
Hakika hii ndiyo haki yenye yakini.95
Maelezo
[95] Hakika haya yaliyo tajwa katika Sura hii tukufu bila ya shaka ni kiini cha yakini iliyo thibiti, isiyo ingiliwa na shaka. -
فَسَبِّحْ بِٱسْمِ رَبِّكَ ٱلْعَظِيمِ٩٦
Fasabbih biismi rabbika alʿatheemi
Basi litakase jina la Mola wako Mlezi aliye Mkubwa.96
Maelezo
[96] Tanguliza tasbihi kwa kumdhukuru Mola wako Mlezi aliye Mkubwa, kwa kumtakasa na kumshukuru kwa neema zake.
Maswali yanayoulizwa mara kwa mara
Surat Al-Waqi’a maana yake ni nini?
Al-Waqi’a maana yake ni “Tukio”.
Surat Al-Waqi’a iko katika juzuu ya ngapi?
Surat Al-Waqi’a iko katika juzuu ya 27.
Surat Al-Waqi’a ina aya ngapi?
Surat Al-Waqi’a ina aya 96.
Surat Al-Waqi’a ni ya Makka au ya Madina?
Surat Al-Waqi’a ni sura ya Makka.
Surat Al-Waqi’a ni sura ya ngapi katika Qur’ani?
Ni sura ya 56 katika Qur’ani.
Vyanzo
- Arabic text: Tanzil Quran Text (Uthmani) (Tanzil Project, CC BY 3.0), reproduced without changes.
- Translation: Ali Muhsin Al-Barwani, from QuranEnc.com, version 1.0.1, reproduced without changes.
- Transliteration: Tanzil.net English transliteration.
- Recitation: Mishary Rashid Alafasy, via QuranicAudio.com and EveryAyah.com.
- Word by word: recordings and meanings from Quran.com (Quran Foundation), played when you tap a word.
- Madinah and IndoPak fonts (Settings): the text in those scripts and their fonts come from the Quran Foundation (Quran.com); the Madinah font is the King Fahd Glorious Quran Printing Complex's Uthmanic Hafs font.
Found a mistake? Report a mistake and we will check it against the source.