Surat Al-Mutaffifin kwa Kiswahili

Surat Al-Mutaffifin kamili: Kiarabu, tafsiri ya Kiswahili na matamshi

1. 83:1

   وَيْلٌ لِّلْمُطَفِّفِينَ۝١

   Waylun lilmutaffifeena

   Ole wao hao wapunjao!¹

   Maelezo

   [1] Wataangamia wanao punja,
2. 83:2

   ٱلَّذِينَ إِذَا ٱكْتَالُوا۟ عَلَى ٱلنَّاسِ يَسْتَوْفُونَ۝٢

   Allatheena itha iktaloo ʿala alnnasi yastawfoona

   Ambao wanapo jipimia kwa watu hudai watimiziwe.²

   Maelezo

   [2] Ambao wakijipimia wenyewe kwa watu hujitwalia ya kutosha na kuzidi,
3. 83:3

   وَإِذَا كَالُوهُمْ أَو وَّزَنُوهُمْ يُخْسِرُونَ۝٣

   Waitha kaloohum aw wazanoohum yukhsiroona

   Na wao wanapo wapimia watu kwa kipimo au mizani hupunguza.³

   Maelezo

   [3] Na wakiwapimia watu kwa vipimo au mizani huwapunguzia haki yao wanayo stahiki, kwa dhulma!
4. 83:4

   أَلَا يَظُنُّ أُو۟لَـٰٓئِكَ أَنَّهُم مَّبْعُوثُونَ۝٤

   Ala yathunnu olaika annahum mabʿoothoona

   Kwani hawadhani hao kwamba watafufuliwa .⁴

   Maelezo

   [4] Hivyo haiwapitikii katika akili zao hawa wanao punja wenzao kwamba watakuja fufuliwa,
5. 83:5

   لِيَوْمٍ عَظِيمٍ۝٥

   Liyawmin ʿatheemin

   Katika Siku iliyo kuu!⁵

   Maelezo

   [5] Katika siku ya vitisho vikuu?
6. 83:6

   يَوْمَ يَقُومُ ٱلنَّاسُ لِرَبِّ ٱلْعَـٰلَمِينَ۝٦

   Yawma yaqoomu alnnasu lirabbi alʿalameena

   Siku watapo msimamia watu Mola Mlezi wa walimwengu wote?⁶

   Maelezo

   [6] Siku watapo simama watu kwa amri ya Mola Mlezi wa walimwengu wote na hukumu yake?
7. 83:7

   كَلَّآ إِنَّ كِتَـٰبَ ٱلْفُجَّارِ لَفِى سِجِّينٍ۝٧

   Kalla inna kitaba alfujjari lafee sijjeenin

   Hasha! Hakika maandiko ya wakosefu bila ya shaka yamo katika Sijjin.⁷

   Maelezo

   [7] Wacheni kupunja, na kughafilika na kufufuliwa! Kwani hakika waliyo andikiwa wakosefu katika a'mali zao mbovu, bila ya shaka yamo katika Sijjin.
8. 83:8

   وَمَآ أَدْرَىٰكَ مَا سِجِّينٌ۝٨

   Wama adraka ma sijjeenun

   Unajua nini Sijjin?⁸

   Maelezo

   [8] Na nini kitakujuvya nini hiyo Sijjin?
9. 83:9

   كِتَـٰبٌ مَّرْقُومٌ۝٩

   Kitabun marqoomun

   Kitabu kilicho andikwa.⁹

   Maelezo

   [9] Hicho ni Kitabu kilicho pigwa mistari baina ya maandishi yake.
10. 83:10

    وَيْلٌ يَوْمَئِذٍ لِّلْمُكَذِّبِينَ۝١٠

    Waylun yawmaithin lilmukaththibeena

    Ole wao siku hiyo kwa wanao kadhibisha!¹⁰

    Maelezo

    [10] Wataangamia wanao kadhibisha siku itapo kuwa kufufuliwa na kuhisabiwa.
11. 83:11

    ٱلَّذِينَ يُكَذِّبُونَ بِيَوْمِ ٱلدِّينِ۝١١

    Allatheena yukaththiboona biyawmi alddeeni

    Ambao wanaikadhibisha Siku ya Malipo.¹¹

    Maelezo

    [11] Ambao wanaikanusha Siku ya Malipo.
12. 83:12

    وَمَا يُكَذِّبُ بِهِۦٓ إِلَّا كُلُّ مُعْتَدٍ أَثِيمٍ۝١٢

    Wama yukaththibu bihi illa kullu muʿtadin atheemin

    Wala haikadhibishi ila kila mwenye kuruka mipaka, mwenye dhambi.¹²

    Maelezo

    [12] Na wala haikanushi Siku ya Malipo ila kila mwenye kupindukia mipaka mwingi wa madhambi.
13. 83:13

    إِذَا تُتْلَىٰ عَلَيْهِ ءَايَـٰتُنَا قَالَ أَسَـٰطِيرُ ٱلْأَوَّلِينَ۝١٣

    Itha tutla ʿalayhi ayatuna qala asateeru alawwaleena

    Anapo somewa Aya zetu husema: Ni visa vya watu wa kale!¹³

    Maelezo

    [13] Na akisomewa Aya za Mwenyezi Mungu zenye kutaja kuwepo malipo husema: Huo ni uwongo wa walio tangulia!
14. 83:14

    كَلَّا ۖ بَلْ ۜ رَانَ عَلَىٰ قُلُوبِهِم مَّا كَانُوا۟ يَكْسِبُونَ۝١٤

    Kalla bal rana ʿala quloobihim ma kanoo yaksiboona

    Hasha! Bali yametia kutu juu ya nyoyo zao hao walio kuwa wakiyachuma.¹⁴

    Maelezo

    [14] Ewe uliye kiuka mipaka! Wacha kauli hiyo potovu. Bali nyoyo za wenye kupindukia mipaka imegubikwa na ukafiri na maasi waliyo yatenda.
15. 83:15

    كَلَّآ إِنَّهُمْ عَن رَّبِّهِمْ يَوْمَئِذٍ لَّمَحْجُوبُونَ۝١٥

    Kalla innahum ʿan rabbihim yawmaithin lamahjooboona

    Hasha! Hakika hao siku hiyo bila ya shaka watazuiliwa na neema za Mola wao Mlezi.¹⁵

    Maelezo

    [15] Hakika ni kweli kuwa hao wanao kadhibisha watazuiliwa siku hiyo rehema ya Mwenyezi Mungu kwa sababu ya maasi waliyo yachuma.
16. 83:16

    ثُمَّ إِنَّهُمْ لَصَالُوا۟ ٱلْجَحِيمِ۝١٦

    Thumma innahum lasaloo aljaheemi

    Kisha wataingia Motoni!¹⁶

    Maelezo

    [16] Kisha hakika hao bila ya shaka wataingia Motoni.
17. 83:17

    ثُمَّ يُقَالُ هَـٰذَا ٱلَّذِى كُنتُم بِهِۦ تُكَذِّبُونَ۝١٧

    Thumma yuqalu hatha allathee kuntum bihi tukaththiboona

    Kisha waambiwe: Haya ndiyo mliyo kuwa mkiyakadhabisha.¹⁷

    Maelezo

    [17] Kisha wataambiwa kwa kuwakebehi: Hii basi ndiyo adhabu inayo kuteremkieni ambayo mlikuwa mkiikanusha duniani!
18. 83:18

    كَلَّآ إِنَّ كِتَـٰبَ ٱلْأَبْرَارِ لَفِى عِلِّيِّينَ۝١٨

    Kalla inna kitaba alabrari lafee ʿilliyyeena

    Hasha! Hakika maandiko ya watu wema bila ya shaka yamo katika I'liyyin.¹⁸

    Maelezo

    [18] Ni hakika kuwa vitendo vya watu wema bila ya shaka vimeandikwa katika I'liyyin.
19. 83:19

    وَمَآ أَدْرَىٰكَ مَا عِلِّيُّونَ۝١٩

    Wama adraka ma ʿilliyyoona

    Na nini kitakacho kujuvya nini I'liyyin?¹⁹

    Maelezo

    [19] Na nini cha kukujuvya nini I'liyyin?
20. 83:20

    كِتَـٰبٌ مَّرْقُومٌ۝٢٠

    Kitabun marqoomun

    Kitabu kilicho andikwa.²⁰

    Maelezo

    [20] Hicho ni Kitabu kilicho andikwa wazi maandishi yake,
21. 83:21

    يَشْهَدُهُ ٱلْمُقَرَّبُونَ۝٢١

    Yashhaduhu almuqarraboona

    Wanakishuhudia walio karibishwa.²¹

    Maelezo

    [21] Wanakihudhurisha na kukihifadhi Malaika walio kurubishwa.
22. 83:22

    إِنَّ ٱلْأَبْرَارَ لَفِى نَعِيمٍ۝٢٢

    Inna alabrara lafee naʿeemin

    Hakika watu wema bila ya shaka watakuwa katika neema.²²

    Maelezo

    [22] Hakika watu wema bila ya shaka watakuwa katika neema za Peponi,
23. 83:23

    عَلَى ٱلْأَرَآئِكِ يَنظُرُونَ۝٢٣

    ʿAla alaraiki yanthuroona

    Wakae juu ya viti vya enzi wakiangalia.²³

    Maelezo

    [23] Juu ya viti vya enzi, wakiziangalia neema na ukarimu alio wakirimu Mwenyezi Mungu.
24. 83:24

    تَعْرِفُ فِى وُجُوهِهِمْ نَضْرَةَ ٱلنَّعِيمِ۝٢٤

    Taʿrifu fee wujoohihim nadrata alnnaʿeemi

    Utatambua katika nyuso zao mng'aro wa neema,²⁴

    Maelezo

    [24] Utaona katika nyuso zao uchangamfu na mng'aro wa neema.
25. 83:25

    يُسْقَوْنَ مِن رَّحِيقٍ مَّخْتُومٍ۝٢٥

    Yusqawna min raheeqin makhtoomin

    Watanyweshwa kinywaji safi kiliyo tiwa muhuri,²⁵

    Maelezo

    [25] Wakinyweshwa kinywaji safi kilicho hifadhiwa;
26. 83:26

    خِتَـٰمُهُۥ مِسْكٌ ۚ وَفِى ذَٰلِكَ فَلْيَتَنَافَسِ ٱلْمُتَنَـٰفِسُونَ۝٢٦

    Khitamuhu miskun wafee thalika falyatanafasi almutanafisoona

    Muhuri wake ni miski. Na katika hayo washindanie wenye kushindana.²⁶

    Maelezo

    [26] Kuhifadhiwa huko hakukuzidisha ila uzuri wake. Na kupata neema hizo, basi, na washindanie wanao shindana.
27. 83:27

    وَمِزَاجُهُۥ مِن تَسْنِيمٍ۝٢٧

    Wamizajuhu min tasneemin

    Na mchanganyiko wake ni Tasniim,²⁷

    Maelezo

    [27] Cha kuchanganyia kinywaji hicho ni maji ya Tasniim ya Peponi,
28. 83:28

    عَيْنًا يَشْرَبُ بِهَا ٱلْمُقَرَّبُونَ۝٢٨

    ʿAynan yashrabu biha almuqarraboona

    Chemchem watakayo inywa walio kurubishwa.²⁸

    Maelezo

    [28] Nayo ni chemchem wanao inywa walio kurubishwa si wengineo, katika watu wa Peponi.
29. 83:29

    إِنَّ ٱلَّذِينَ أَجْرَمُوا۟ كَانُوا۟ مِنَ ٱلَّذِينَ ءَامَنُوا۟ يَضْحَكُونَ۝٢٩

    Inna allatheena ajramoo kanoo mina allatheena amanoo yadhakoona

    Kwa hakika wale walio kuwa wakosefu walikuwa wakiwacheka walio amini.²⁹

    Maelezo

    [29] Wale walio kuwa wakibeba madhambi kuipingia Dini walikuwa wakiwacheka kuwakejeli Waumini duniani.
30. 83:30

    وَإِذَا مَرُّوا۟ بِهِمْ يَتَغَامَزُونَ۝٣٠

    Waitha marroo bihim yataghamazoona

    Na wanapo pita karibu yao wakikonyezana.³⁰

    Maelezo

    [30] Na wakipita Waumini mbele yao basi wao hukonyezana kwa kuwabeza.
31. 83:31

    وَإِذَا ٱنقَلَبُوٓا۟ إِلَىٰٓ أَهْلِهِمُ ٱنقَلَبُوا۟ فَكِهِينَ۝٣١

    Waitha inqalaboo ila ahlihimu inqalaboo fakiheena

    Na wanapo rudi kwa watu wao hurudi nao wamefurahi.³¹

    Maelezo

    [31] Na hao wakosefu wakirejea kwa ahali zao hurejea kwa furaha na kuona ladha kwa vile kuwakejeli Waumini.
32. 83:32

    وَإِذَا رَأَوْهُمْ قَالُوٓا۟ إِنَّ هَـٰٓؤُلَآءِ لَضَآلُّونَ۝٣٢

    Waitha raawhum qaloo inna haolai ladalloona

    Na wanapo waona husema: Hakika hawa ndio khasa walio potea.³²

    Maelezo

    [32] Na wakiwaona Waumini husema: Ama hakika hawa wamepotea kweli kwa kumuamini Muhammad.
33. 83:33

    وَمَآ أُرْسِلُوا۟ عَلَيْهِمْ حَـٰفِظِينَ۝٣٣

    Wama orsiloo ʿalayhim hafitheena

    Na wao hawakutumwa wawe walinzi juu yao.³³

    Maelezo

    [33] Wala hao wakosefu hawakutumwa wawe wa kuwahukumu Waumini kwa kuwaongoza au kuwapoteza, wala kuwa ni walinzi wa vitendo vyao.
34. 83:34

    فَٱلْيَوْمَ ٱلَّذِينَ ءَامَنُوا۟ مِنَ ٱلْكُفَّارِ يَضْحَكُونَ۝٣٤

    Faalyawma allatheena amanoo mina alkuffari yadhakoona

    Basi leo walio amini ndio watawacheka makafiri,³⁴

    Maelezo

    [34] Basi Siku ya Malipo walio amini watakuwa ndio wa kuwacheka hao makafiri kwa kuwalipizia kile kicheko chao na kejeli yao ya duniani.
35. 83:35

    عَلَى ٱلْأَرَآئِكِ يَنظُرُونَ۝٣٥

    ʿAla alaraiki yanthuroona

    Nao wako juu ya viti vya enzi wakiangalia.³⁵

    Maelezo

    [35] Ilhali wako juu ya vitanda na matakia watakuwa Waumini wakiziangalia neema za Mwenyezi Mungu alizo wapa.
36. 83:36

    هَلْ ثُوِّبَ ٱلْكُفَّارُ مَا كَانُوا۟ يَفْعَلُونَ۝٣٦

    Hal thuwwiba alkuffaru ma kanoo yafʿaloona

    Je! makafiri wamelipwa malipo ya yale waliyo kuwa wakiyatenda?³⁶

    Maelezo

    [36] Je! Makafiri watalipwa huko Akhera kwa waliyo yatenda duniani?